ਰੂਸ ਨੇ ਯੂਕਰੇਨ ‘ਚ ਮਚਾਈ ਤਬਾਹੀ, 3 ਲੜਾਕੂ ਜਹਾਜ਼, ਗੋਲਾ ਬਾਰੂਦ ਭੰਡਾਰ ਉਡਾਏ

ਮਾਸਕੋ : ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਤੀਜੇ ਸਾਲ ਵੀ ਜਾਰੀ ਹੈ। ਯੂਕਰੇਨ ਦੇ ਸ਼ਹਿਰਾਂ ਨੂੰ ਤਬਾਹ ਕਰਨ ਤੋਂ ਬਾਅਦ ਵੀ ਰੂਸੀ ਫੌਜ ਯੂਕਰੇਨ ਤੋਂ ਪਿੱਛੇ ਨਹੀਂ ਹਟੀ ਹੈ। ਇਕ ਪਾਸੇ ਯੂਕਰੇਨ ਦੀ ਫੌਜ ਆਪਣੇ ਪੱਛਮੀ ਸਹਿਯੋਗੀਆਂ ਤੋਂ ਲੜਾਕੂ ਜਹਾਜ਼, ਹਥਿਆਰ ਅਤੇ ਗੋਲਾ ਬਾਰੂਦ ਦੀ ਤਲਾਸ਼ ਕਰ ਰਹੀ ਹੈ, ਉਥੇ ਹੀ ਦੂਜੇ ਪਾਸੇ ਪੁਤਿਨ ਦੀ ਨਵੀਂ ਕਾਰਵਾਈ ਨੇ ਯੂਕਰੇਨੀ ਫੌਜ ਵਿਚ ਖਲਬਲੀ ਮਚਾ ਦਿੱਤੀ ਹੈ। ਰੂਸ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਇੱਕ ਦਿਨ ਵਿੱਚ ਯੂਕਰੇਨ ਦੇ ਤਿੰਨ ਲੜਾਕੂ ਜਹਾਜ਼, ਤਿੰਨ ਮਿਜ਼ਾਈਲ ਲਾਂਚਰ ਅਤੇ ਗੋਲਾ ਬਾਰੂਦ ਦੇ ਭੰਡਾਰਾਂ ਨੂੰ ਤਬਾਹ ਕਰ ਦਿੱਤਾ ਹੈ।

ਕ੍ਰੀਮੀਆ ਵਿੱਚ ਇੱਕ ਲੜਾਕੂ ਜਹਾਜ਼ ਦੇ ਭਿਆਨਕ ਹਾਦਸੇ ਦੀ ਫੁਟੇਜ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਉਣ ਤੋਂ ਕੁਝ ਦਿਨ ਬਾਅਦ, ਰੂਸ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਯੂਕਰੇਨ ਦੇ ਤਿੰਨ ਲੜਾਕੂ ਜਹਾਜ਼ਾਂ ਨੂੰ ਡੇਗ ਦਿੱਤਾ ਹੈ। ਇਸ ਤੋਂ ਇਲਾਵਾ ਰੂਸੀ ਰੱਖਿਆ ਮੰਤਰਾਲੇ ਨੇ ਕਿਹਾ ਕਿ ਉਸ ਦੇ ਬਲਾਂ ਨੇ ਯੂਕਰੇਨ ਦੇ ਤਿੰਨ ਐਸ-300 ਮਿਜ਼ਾਈਲ ਲਾਂਚਰ, ਗੋਲਾ-ਬਾਰੂਦ ਗੋਦਾਮ ਅਤੇ ਡਰੋਨ ਸਟੋਰੇਜ ਨੂੰ ਤਬਾਹ ਕਰ ਦਿੱਤਾ ਹੈ। ਰੂਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਫੌਜ ਦਾ ਇਹ ਆਪਰੇਸ਼ਨ ਸਿਰਫ ਇੱਕ ਦਿਨ ਵਿੱਚ ਪੂਰਾ ਹੋ ਗਿਆ।