ਵਿਦੇਸ਼ੀ ਦਖਲ ਦੀ ਪੜਤਾਲ ਕਰ ਰਹੇ ਕਮਿਸ਼ਨ ਅੱਗੇ ਅੱਜ ਪੇਸ਼ ਹੋਣਗੇ ਜਸਟਿਨ ਟਰੂਡੋ
- ਕੈਨੇਡਾਤਾਜ਼ਾ ਖਬਰਾਂ
- April 10, 2024 4:51 pm...
- No Comment
- 242
ਔਟਵਾ, 10 ਅਪ੍ਰੈਲ (ਵਿਸ਼ੇਸ਼ ਪ੍ਰਤੀਨਿਧ) : ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਵਿਦੇਸ਼ੀ ਦਖਲ ਦੀ ਪੜਤਾਲ ਰਹੇ ਕਮਿਸ਼ਨ ਅੱਗੇ ਪੇਸ਼ ਹੋ ਸਕਦੇ ਹਨ। ਪ੍ਰਧਾਨ ਮੰਤਰੀ ਨਾਲ ਕਈ ਮੰਤਰੀਆਂ ਦੇ ਬਿਆਨ ਵੀ ਦਰਜ ਕੀਤੇ ਜਾਣਗੇ। ਹੁਣ ਤੱਕ ਪੇਸ਼ ਤੱਥਾਂ ਮੁਤਾਬਕ ਚੀਨ ਵੱਲੋਂ ਲੰਘੀਆਂ ਦੋ ਚੋਣਾਂ ਦੌਰਾਨ ਦਖਲ ਦੇਣ ਦੇ ਯਤਨ ਕੀਤੇ ਗਏ।
ਕਈ ਮੰਤਰੀਆਂ ਵੱਲੋਂ ਵੀ ਗਵਾਹੀਆਂ ਦਰਜ ਕਰਵਾਏ ਜਾਣ ਦੇ ਆਸਾਰ
ਟਰੂਡੋ ਨੇ ਪਿਛਲੇ ਸਾਲ ਦਾਅਵਾ ਕੀਤਾ ਸੀ ਕਿ ਵਿਦੇਸ਼ੀ ਦਖਲ ਦੇ ਨਤੀਜੇ ਵਜੋਂ ਕੈਨੇਡੀਅਨ ਚੋਣਾਂ ਦੇ ਆਜ਼ਾਦ ਅਤੇ ਨਿਰਪੱਖ ਹੋਣ ’ਤੇ ਕੋਈ ਅਸਰ ਨਹੀਂ ਪਿਆ। ਤਕਰੀਬਨ ਇਹੀ ਗੱਲਾਂ ਸੀਨੀਅਰ ਸਰਕਾਰ ਅਫਸਰਾਂ ਵੱਲੋਂ ਪਾਰਲੀਮਾਨੀ ਕਮੇਟੀ ਅੱਗੇ ਪੇਸ਼ ਕੀਤੀਆਂ ਗਈਆਂ ਪਰ ਦੂਜੇ ਪਾਸੇ ਸ਼ੱਕ ਦੀ ਸੂਈ ਵਾਰ ਵਾਰ ਚੀਨ ਵੱਲ ਜਾ ਰਹੀ ਹੈ ਅਤੇ ਮੁੱਖ ਚੋਣ ਅਫਸਰ ਸਟੀਫਨ ਪੈਰੋ ਮੰਨ ਚੁੱਕੇ ਹਨ ਕਿ 2019 ਦੀਆਂ ਚੋਣਾਂ ਤੋਂ ਪਹਿਲਾਂ ਉਮੀਦਵਾਰਾਂ ਦੀ ਚੋਣ ਵੇਲੇ ਵਿਦੇਸ਼ੀ ਦਖਲ ਦੀ ਸੂਹ ਮਿਲੀ ਪਰ ਇਸ ਨੂੰ ਰੋਕਣ ਦੀਆਂ ਤਾਕਤਾਂ ਨਾ ਹੋਣ ਕਾਰਨ ਉਹ ਕੁਝ ਨਾ ਕਰ ਸਕੇ।