ਆਬੂਧਾਬੀ ਵਿਚ ਭਾਰਤੀ ਨੇ ਜਿੱਤੀ ਲਾਟਰੀ, ਓਡੀਸਾ ਰੇਲ ਹਾਦਸੇ ਦੇ ਪੀੜਤਾਂ ਨੂੰ ਦਾਨ ਕਰੇਗਾ ਜਿੱਤੀ ਹੋਈ ਰਕਮ

ਦੁਬਈ, 13 ਜੂਨ, ਹ.ਬ. : ਆਬੂਧਾਬੀ ਵਿੱਚ ਇੱਕ ਭਾਰਤੀ ਸੈਫ ਨੇ ਹਾਲ ਹੀ ਵਿੱਚ ਇੱਕ ਲਾਟਰੀ ਵਿੱਚ ਚਾਰ ਤੋਂ ਵੱਧ ਦਾ ਨਕਦ ਇਨਾਮ ਜਿੱਤਿਆ ਹੈ। ਨੌਜਵਾਨ ਨੇ ਇਸ ਪੁਰਸਕਾਰ ਦਾ ਇੱਕ ਹਿੱਸਾ ਓਡੀਸਾ ਰੇਲ ਹਾਦਸੇ ਦੇ ਪੀੜਤਾਂ ਨੂੰ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ। ਮੀਡੀਆ ਰਿਪੋਰਟਾਂ ’ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਰੇਲ ਹਾਦਸੇ ਵਿੱਚ 288 ਲੋਕਾਂ ਦੀ ਜਾਨ ਚਲੀ ਗਈ ਸੀ। ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ.) ਦੇ ਇੱਕ ਪ੍ਰਮੁੱਖ ਅਖਬਾਰ ਦੇ ਅਨੁਸਾਰ, ਓਡੀਸਾ ਦੇ ਜਸਪੁਰ ਸ਼ਹਿਰ ਦੇ ਵਸਨੀਕ ਸਹਿਜਨ ਮੁਹੰਮਦ (28) ਨੇ ਪਿਛਲੇ ਹਫਤੇ ਡਰੀਮ ਆਈਲੈਂਡ ਦੀ ਸਕ੍ਰੈਚ ਕਾਰਡ ਗੇਮ ਵਿੱਚ 20,000 ਦਿਰਹਾਮ (4,48,885 ਰੁਪਏ) ਦਾ ਨਕਦ ਇਨਾਮ ਜਿੱਤਿਆ ਸੀ। 2 ਜੂਨ ਦੇ ਰੇਲ ਹਾਦਸੇ ਬਾਰੇ ਗੱਲ ਕਰਦਿਆਂ ਮੁਹੰਮਦ ਨੇ ਕਿਹਾ, ‘ਖੁਸ਼ਕਿਸਮਤੀ ਨਾਲ ਕੋਈ ਵੀ ਵਿਅਕਤੀ ਜਿਸ ਨੂੰ ਮੈਂ ਜਾਣਦਾ ਹਾਂ, ਇਸ ਭਿਆਨਕ ਹਾਦਸੇ ਵਿੱਚ ਸ਼ਾਮਲ ਨਹੀਂ ਸੀ।’ ਮੇਰੇ ਇਲਾਕੇ ਵਿਚ ਕੁਝ ਲੋਕ ਇਸ ਹਾਦਸੇ ਵਿਚ ਜ਼ਖਮੀ ਹੋਏ ਹਨ। ਮੈਂ ਪਹਿਲਾਂ ਉਨ੍ਹਾਂ ਲੋਕਾਂ ਦੀ ਮਦਦ ਕਰਾਂਗਾ ਜੋ ਮੇਰੇ ਪਿੰਡ ਵਿੱਚ ਪ੍ਰਭਾਵਿਤ ਹਨ। ਓਡੀਸਾ ਦੇ ਬਾਲਾਸੋਰ ਜ਼ਿਲ੍ਹੇ ਵਿੱਚ ਵਾਪਰਿਆ ਰੇਲ ਹਾਦਸਾ ਦਹਾਕਿਆਂ ਵਿੱਚ ਵਾਪਰੇ ਸਭ ਤੋਂ ਭਿਆਨਕ ਰੇਲ ਹਾਦਸਿਆਂ ਵਿੱਚੋਂ ਇੱਕ ਹੈ। ਇਸ ਹਾਦਸੇ ’ਚ ਘੱਟੋ-ਘੱਟ 288 ਲੋਕ ਮਾਰੇ ਗਏ ਸਨ ਅਤੇ 1200 ਤੋਂ ਵੱਧ ਜ਼ਖਮੀ ਹੋ ਗਏ ਸਨ।