ਤ੍ਰਿਪਤੀ ਡਿਮਰੀ ਨੇ Film Animal ਤੋਂ ਬਾਅਦ ਆਪਣੀ ਫੀਸ ਦੁੱਗਣੀ ਕਿਉਂ ਕੀਤੀ ?

ਮੁੰਬਈ : ਤ੍ਰਿਪਤੀ ਡਿਮਰੀ ਨੂੰ ਫਿਲਮ ਐਨੀਮਲ ਤੋਂ ਕਾਫੀ ਸਫਲਤਾ ਮਿਲੀ ਹੈ। ਇਸ ਫਿਲਮ ਤੋਂ ਬਾਅਦ ਉਨ੍ਹਾਂ ਨੂੰ ਨੈਸ਼ਨਲ ਕ੍ਰਸ਼ ਦਾ ਟੈਗ ਵੀ ਮਿਲ ਗਿਆ। ਹੁਣ ਤ੍ਰਿਪਤੀ ਫਿਲਮ ‘ਭੂਲ ਭੁਲਾਇਆ 3’ ‘ਚ ਵੀ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ‘ਚ ਉਹ ਕਾਰਤਿਕ ਆਰੀਅਨ ਨਾਲ ਨਜ਼ਰ ਆਵੇਗੀ। ਕਿਹਾ ਜਾ ਰਿਹਾ ਸੀ ਕਿ ਭੂਲ ਭੁਲਈਆ 3 ਲਈ ਤ੍ਰਿਪਤੀ ਕਾਫੀ ਫ਼ੀਸ ਲੈ ਰਹੀ ਹੈ। ਉਨ੍ਹਾਂ ਨੇ ਆਪਣੀਆਂ ਫੀਸਾਂ ਵਧਾ ਦਿੱਤੀਆਂ ਹਨ।

ਬਾਲੀਵੁੱਡ ਲਾਈਫ ਦੀ ਰਿਪੋਰਟ ਮੁਤਾਬਕ ਐਲੀਮਲ ਤੋਂ ਬਾਅਦ ਤ੍ਰਿਪਤੀ ਦੇ ਫਾਲੋਅਰਜ਼ ਇੰਸਟਾਗ੍ਰਾਮ ‘ਤੇ ਤੇਜ਼ੀ ਨਾਲ ਵਧੇ ਹਨ। ਇੰਨੀ ਤਾਰੀਫ ਅਤੇ ਸੋਸ਼ਲ ਮੀਡੀਆ ‘ਤੇ ਸਨਸਨੀ ਬਣਨ ਤੋਂ ਬਾਅਦ ਤ੍ਰਿਪਤੀ ਨੇ ਆਪਣੀ ਫੀਸ ਦੁੱਗਣੀ ਕਰ ਦਿੱਤੀ ਹੈ। ਇਸ ਦਾ ਇੱਕ ਕਾਰਨ ਇਹ ਵੀ ਹੈ ਕਿ ਉਹ ਫ਼ਿਲਮ ਵਿੱਚ ਇੱਕ ਪੂਰਾ ਕਿਰਦਾਰ ਨਿਭਾ ਰਹੀ ਹੈ ਨਾ ਕਿ ਐਨੀਮਲ ਵਰਗੀ ਛੋਟੀ ਜਿਹੀ ਭੂਮਿਕਾ।

ਖਬਰਾਂ ਮੁਤਾਬਕ ਭੂਲ ਭੁਲਈਆ 3 ਦੇ ਨਿਰਮਾਤਾ ਤ੍ਰਿਪਤੀ ਨੂੰ ਉਸਦੀ ਇੱਛਾ ਮੁਤਾਬਕ ਪੈਸੇ ਦੇਣ ਲਈ ਵੀ ਤਿਆਰ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਤ੍ਰਿਪਤੀ ਫਿਲਹਾਲ ਇਕ ਸਮੇਂ ‘ਚ ਇਕ ਹੀ ਫਿਲਮ ਕਰਨਾ ਚਾਹੁੰਦੀ ਹੈ। ਉਹ ਫਿਲਹਾਲ ਕੰਮ ਨੂੰ ਲੈ ਕੇ ਜ਼ਿਆਦਾ ਕਾਹਲੀ ਨਹੀਂ ਕਰਨਾ ਚਾਹੁੰਦੀ।