ਪੈਨਸ਼ਨ ਦੀ ਉਡੀਕ ਵਿਚ ਔਰਤ ਨੇ ਕੱਟੇ 46 ਸਾਲ, ਕੋਰਟ ਨੂੰ ਆਇਆ ਗੁੱਸਾ

ਕਟਕ : 4 ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਪੈਨਸ਼ਨ ਦਾ ਇੰਤਜ਼ਾਰ ਕਰ ਰਹੀ ਇਕ ਔਰਤ ਨੂੰ ਹਾਈ ਕੋਰਟ ਨੇ ਹੁਣ ਰਾਹਤ ਦਿੱਤੀ ਹੈ। ਮਾਮਲਾ ਓਡੀਸ਼ਾ ਦਾ ਹੈ, ਜਿੱਥੇ ਹਾਈ ਕੋਰਟ ਨੇ ਕਲੈਕਟਰ ਨੂੰ ਇੱਕ ਮਹੀਨੇ ਦੇ ਅੰਦਰ ਪੈਨਸ਼ਨ ਦੀ ਰਕਮ ਜਾਰੀ ਕਰਨ ਦਾ ਨਿਰਦੇਸ਼ ਦਿੱਤਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਤੋਂ ਪਹਿਲਾਂ ਵੀ ਆਰਡਰ ਜਾਰੀ ਕੀਤੇ ਗਏ ਸਨ ਪਰ ਮਹਿਲਾ ਨੂੰ ਪੈਨਸ਼ਨ ਨਹੀਂ ਮਿਲੀ, ਜਿਸ ਤੋਂ ਬਾਅਦ ਉਸ ਨੇ ਮਾਣਹਾਨੀ ਪਟੀਸ਼ਨ ਦਾਇਰ ਕੀਤੀ ਸੀ।

ਇਹ ਵੀ ਪੜ੍ਹੋ : ਡੇਢ ਮਹੀਨੇ ਤੱਕ ਮੂਸੇਵਾਲਾ ਦੇ ਭਰਾ ਨੂੰ ਕੋਈ ਨਹੀਂ ਮਿਲ ਸਕੇਗਾ

ਉੜੀਸਾ ਹਾਈ ਕੋਰਟ ਨੇ ਮਹਿਲਾ ਨੂੰ ਪਹਿਲੀ ਤਰੀਕ ਤੋਂ ਹੀ ਪੈਨਸ਼ਨ ਜਾਰੀ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤੋਂ ਪਹਿਲਾਂ ਅਦਾਲਤ ਨੇ 15 ਨਵੰਬਰ 2023 ਨੂੰ ਇੱਕ ਹੁਕਮ ਜਾਰੀ ਕੀਤਾ ਸੀ, ਜਿਸ ਵਿੱਚ ਕਲੈਕਟਰ ਨੂੰ ਪੈਨਸ਼ਨ ਮਨਜ਼ੂਰ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਸਨ। ਅਦਾਲਤ ਵਿੱਚ ਪੁੱਜੀ ਔਰਤ ਦਾ ਪਤੀ ਪੇਸ਼ੇ ਤੋਂ ਅਧਿਆਪਕ ਸੀ ਅਤੇ ਉਸ ਦੀ ਮੌਤ 26 ਅਗਸਤ 1977 ਨੂੰ ਹੋ ਗਈ ਸੀ। ਇੱਕ 91 ਸਾਲਾ ਔਰਤ ਆਪਣੇ 60 ਸਾਲਾ ਪੁੱਤਰ ਨਾਲ ਰਹਿੰਦੀ ਹੈ।

ਸ਼ੁੱਕਰਵਾਰ ਨੂੰ ਜਸਟਿਸ ਬੀਪੀ ਸਤਪਤੀ ਦੀ ਸਿੰਗਲ ਬੈਂਚ ਨੇ ਕਿਹਾ, ‘ਇਸ ਮਾਣਹਾਨੀ ਪਟੀਸ਼ਨ ਨੂੰ ਹੁਕਮ ਦੀ ਪਾਲਣਾ ਕਰਨ ਲਈ ਵਿਰੋਧੀ ਧਿਰ ਨੂੰ ਇਕ ਮਹੀਨੇ ਦਾ ਸਮਾਂ ਦੇ ਕੇ ਨਿਪਟਾਇਆ ਜਾਂਦਾ ਹੈ।’ ਅਦਾਲਤ ਨੇ ਚਿਤਾਵਨੀ ਦਿੱਤੀ, ‘ਜੇਕਰ ਸਮੇਂ ਸਿਰ ਹੁਕਮਾਂ ਦੀ ਪਾਲਣਾ ਨਾ ਕੀਤੀ ਗਈ ਤਾਂ ਇਸ ਨੂੰ ਅਦਾਲਤੀ ਹੁਕਮਾਂ ਦੀ ਜਾਣਬੁੱਝ ਕੇ ਉਲੰਘਣਾ ਮੰਨਿਆ ਜਾਵੇਗਾ।’