ਸ਼ੇਅਰ ਬਾਜ਼ਾਰ ‘ਚ 6 ਦਿਨਾਂ ਦੇ ਵਾਧੇ ‘ਤੇ ਬਰੇਕ, ਸੈਂਸੈਕਸ 434 ਅੰਕ ਡਿੱਗਿਆ

ਨਵੀਂ ਦਿੱਲੀ : ਸ਼ੇਅਰ ਬਾਜ਼ਾਰ ‘ਚ ਲਗਾਤਾਰ ਛੇ ਦਿਨਾਂ ਦੇ ਵਾਧੇ ਨੂੰ ਬਰੇਕ ਲੱਗੀ ਹੈ। ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਬੁੱਧਵਾਰ ਨੂੰ ਬਾਜ਼ਾਰ ‘ਚ ਭਾਰੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲਿਆ। ਕਾਰੋਬਾਰ ਦੇ ਅੰਤ ‘ਚ ਸੈਂਸੈਕਸ 434 ਅੰਕ ਡਿੱਗ ਕੇ 72,630 ਅੰਕਾਂ ਤੋਂ ਹੇਠਾਂ ਬੰਦ ਹੋਇਆ। ਜਦੋਂ ਕਿ ਨਿਫਟੀ ਦੀ ਗੱਲ ਕਰੀਏ ਤਾਂ ਇਹ 22 ਹਜ਼ਾਰ ਅੰਕ ਦੇ ਪੱਧਰ ‘ਤੇ ਸੀ। ਵਪਾਰ ਦੌਰਾਨ, ਟਾਟਾ ਇਨਵੈਸਟ ਵਿੱਚ 11% ਦਾ ਵਾਧਾ ਅਤੇ MRPL ਵਿੱਚ 6% ਦੀ ਗਿਰਾਵਟ ਦਰਜ ਕੀਤੀ ਗਈ।

ਇਸ ਤੋਂ ਪਹਿਲਾਂ ਸਟਾਕ ਮਾਰਕੀਟ ਨੇ ਨਵਾਂ ਇਤਿਹਾਸ ਰਚਿਆ ਸੀ। ਨਿਫਟੀ ਨੇ ਆਪਣੇ ਕੱਲ੍ਹ ਦੇ 22,215.60 ਦੇ ਸਰਵਕਾਲੀ ਉੱਚ ਪੱਧਰ ਨੂੰ ਪਿੱਛੇ ਛੱਡਦੇ ਹੋਏ ਅੱਜ 22248.85 ਦੇ ਨਵੇਂ ਸਿਖਰ ਨੂੰ ਛੂਹ ਲਿਆ ਹੈ। ਅੱਜ ਨਿਫਟੀ ਦੀ ਸ਼ੁਰੂਆਤ ਇਸ ਪੱਧਰ ਤੋਂ ਹੋਈ ਹੈ। ਦੂਜੇ ਪਾਸੇ ਸੈਂਸੈਕਸ ਨੇ ਦਿਨ ਦੀ ਸ਼ੁਰੂਆਤ 73267 ਦੇ ਪੱਧਰ ‘ਤੇ ਕੀਤੀ। ਇਸ ਦਾ ਆਲ ਟਾਈਮ ਹਾਈ 73427 ਹੈ, ਜੋ ਕਿ 16 ਜਨਵਰੀ, 2024 ਨੂੰ ਬਣਾਇਆ ਗਿਆ ਸੀ।

ਸ਼ੇਅਰ ਬਾਜ਼ਾਰ ਵਿੱਚ ਉਤਰਾਅ-ਚੜ੍ਹਾਅ ਦੇ ਵਿਚਕਾਰ, ਟਾਟਾ ਸਟੀਲ ਨਿਫਟੀ ਟਾਪ ਗੇਨਰ ਵਿੱਚ 3.23 ਫੀਸਦੀ ਵੱਧ ਕੇ 145.60 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਹੈ। JSW ਸਟੀਲ ਵੀ 3.17 ਫੀਸਦੀ ਦੇ ਵਾਧੇ ਨਾਲ 847.25 ਰੁਪਏ ‘ਤੇ ਪਹੁੰਚ ਗਿਆ ਹੈ। ਅਡਾਨੀ ਇੰਟਰਪ੍ਰਾਈਜ਼ 2.12 ਫੀਸਦੀ ਵਧ ਕੇ 3297 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਹੈ। SBI ‘ਚ 1.95 ਫੀਸਦੀ ਅਤੇ ਹਿੰਡਾਲਕੋ ‘ਚ 1.63 ਫੀਸਦੀ ਦਾ ਵਾਧਾ ਹੋਇਆ ਹੈ।