ਮੋਬਾਇਲ ਫੋਨ
- ਸਾਹਿਤਕਨਜ਼ਰੀਆ
- January 25, 2022 11:12 am...
- No Comment
- 123
ਜਦੋਂ ਦੇ ਆਏ ਨੇ ਮੋਬਾਇਲ ਮਿੱਤਰੋ
ਲੋਕ ਹੋਏ ਏਨਾਂ ਦੇ ਨੇ ਕੈਲ ਮਿੱਤਰੋ
ਚਿੱਠੀਆਂ ਪੱਤਰ ਹੋਏ ਬੰਦ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਘਰਾਂ ਵਿੱਚ ਪਏ ਨੇ ਕਲੇਸ਼ ਮਿੱਤਰੋ
ਚੱਲੇ ਕਚਿਹਰੀਆਂ ਚ, ਕੇਸ਼ ਮਿੱਤਰੋ
ਕੰਧਾਂ ਦੇ ਵੀ ਹੋਗੇ ਇੱਥੇ ਕੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਰਿਸ਼ਤਿਆਂ ਵਿੱਚ ਟੁੱਟ-ਭੱਜ ਮਿੱਤਰੋ
ਪਰਦੇ ਨਾ ਸਕੇ ਕੋਈ ਕੱਜ ਮਿੱਤਰੋ
ਦਰ ਆਈ ਮੁੜ ਜਾਵੇ ਜੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਟੱਚ ਸਕਰੀਨਾਂ ਦੇ ਨੇ ਦੌਰ ਮਿੱਤਰੋ
ਫੁੱਲਾਂ ਉੱਤੇ ਬੈਠੇ ਜਿਵੇਂ ਭੌਰ ਮਿੱਤਰੋ
ਗੇਮਾਂ ਵਿੱਚ ਚੱਲੇ ਹੁਣ ਗੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਕੀਹਦੀ ਕੀਹਦੇ ਨਾਲ ਗੱਲ ਮਿੱਤਰੋ
ਅੱਡੇ ਉੱਤੇ ਸੁਣਿਆ ਮੈਂ ਕੱਲ ਮਿੱਤਰੋ
ਭੱਜ ਗਈ ਕਿਸੇ ਦੀ ਰੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਚੰਗੇ ਚੱਲਦੇ ਨੇ ਆਈ ਫੌਨ ਮਿੱਤਰੋ
ਜਿੱਦ ਜਿੱਦ ਕੇ ਪੈਸੇ ਲਾਉਣ ਮਿੱਤਰੋ
ਬਹੁਤੇ ਦਿੰਦੇ ਨਸ਼ੇ ਵਿੱਚ ਭੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਫੇਸਬੁੱਕ ਵਟਸਐਪ ਚੱਲੇ ਮਿੱਤਰੋ
ਸਭ ਨੂੰ ਸੁਨੇਹੇ ਇਹ ਘੱਲੇ ਮਿੱਤਰੋ
ਸੁਖਚੈਨ,ਲਿਖ ਨਜ਼ਾਰੇ ਦੇਵੇਂ ਬੰਨ ਮਿੱਤਰੋ
ਰੋਜ਼ ਨਵੇਂ ਚੜਦੇ ਨੇ ਚੰਨ ਮਿੱਤਰੋ।
ਸੁਖਚੈਨ ਸਿੰਘ,ਠੱਠੀ ਭਾਈ,
00971527632924