ਪੁੱਤ ਨੇ ਅਪਣੇ ਹੀ ਪਿਉ ਨੂੰ ਮਾਰਨ ਦੀ ਦਿੱਤੀ ਸੁਪਾਰੀ

ਮਥੁਰਾ, 8 ਨਵੰਬਰ, ਨਿਰਮਲ : ਮਥੁਰਾ ਵਿੱਚ ਇੱਕ ਪੁੱਤਰ ਨੇ ਆਪਣੇ ਪਿਤਾ ਦੇ ਕਤਲ ਦੀ ਸੁਪਾਰੀ ਦੇ ਦਿੱਤੀ।

ਬਦਮਾਸ਼ਾਂ ਨੂੰ ਕਿਹਾ ਆਸ਼ਰਮ ’ਚ 25 ਕਿਲੋ ਸੋਨਾ ਹੈ। ਪਿਉ ਨੂੰ ਮਾਰ ਕੇ ਲੁੱਟ ਲਓ। ਇਸ ਤੋਂ ਬਾਅਦ ਹਿਸਟਰੀ ਸ਼ੀਟਰ ਦੋਸਤ ਨੇ ਬਦਮਾਸ਼ਾਂ ਨੂੰ ਇਕੱਠਾ ਕਰ ਲਿਆ। ਬਿਹਾਰ ਤੋਂ ਸ਼ੂਟਰ ਬੁਲਾਏ ਗਏ ਸਨ। ਫਿਰ ਉਹ ਅਪਰਾਧ ਕਰਨ ਲਈ ਪੁਲਿਸ ਲਿਖੀ ਗੱਡੀ ਵਿਚ ਵਿ੍ਰੰਦਾਵਨ ਪਹੁੰਚੇ। ਹਾਲਾਂਕਿ ਵਰਿੰਦਾਵਨ ਪੁਲਸ ਨੂੰ ਇਸ ਦੀ ਭਿਣਕ ਲੱਗ ਗਈ। ਮੰਗਲਵਾਰ ਨੂੰ ਤਲਾਸ਼ੀ ਮੁਹਿੰਮ ਦੌਰਾਨ ਪੁਲਸ ਦਾ ਬਦਮਾਸ਼ਾਂ ਨਾਲ ਮੁਕਾਬਲਾ ਹੋਇਆ।

ਇਸ ਦੌਰਾਨ 4 ਬਦਮਾਸ਼ਾਂ ਦੀ ਲੱਤ ’ਚ ਗੋਲੀ ਲੱਗ ਗਈ। ਪੁਲਸ ਨੇ ਉਨ੍ਹਾਂ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ। ਇਸ ਤੋਂ ਬਾਅਦ ਹੋਟਲ ਵਿੱਚ ਰੁਕੇ 7 ਹੋਰ ਅਪਰਾਧੀਆਂ ਨੂੰ ਫੜ ਲਿਆ ਗਿਆ। ਬਦਮਾਸ਼ਾਂ ਨੇ ਦੱਸਿਆ- ਬਿਹਾਰ ਜੇਲ ’ਚ ਬੰਦ ਪੁੱਤਰ ਕੇਸ਼ਵ ਨੇ ਮਹੰਤ ਪਿਤਾ ਦੀ ਹੱਤਿਆ ਕਰਨ ਲਈ ਸੁਪਾਰੀ ਦਿੱਤੀ ਸੀ।