ਕੈਨੇਡਾ ਦੇ ਜੰਗਲਾਂ ’ਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਅੱਗ

ਅਮਰੀਕਾ ਦੇ ਕਈ ਸੂਬਿਆਂ ਤੱਕ ਪਹੁੰਚਿਆ ਧੂੰਆਂ, ਅਲਰਟ ਜਾਰੀ
ਔਟਵਾ, 7 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਕੈਨੇਡਾ ਦੇ ਜੰਗਲਾਂ ਵਿੱਚ ਇਨ੍ਹਾਂ ਦਿਨੀਂ ਕਾਫ਼ੀ ਭਿਆਨਕ ਅੱਗ ਲੱਗੀ ਹੋਈ ਹੈ। ਦੇਸ਼ ਦੇ ਲਗਭਗ ਸਾਰੇ 10 ਸੂਬਿਆਂ ਅਤੇ ਸ਼ਹਿਰਾਂ ਵਿੱਚ ਇਸ ਦਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਉੱਧਰ ਇਸ ਅੱਗ ਦਾ ਧੂੰਆਂ ਕੈਨੇਡਾ ਤੋਂ ਬਾਹਰ ਅਮਰੀਕਾ ਦੇ ਕਈ ਸੂਬਿਆਂ ਤੱਕ ਪਹੁੰਚ ਗਿਆ, ਜਿੱਥੇ ਏਅਰ ਅਲਰਟ ਜਾਰੀ ਕਰਨਾ ਪਿਆ। ਇਸ ਅੱਗ ਦੇ ਚਲਦਿਆਂ ਲਗਭਗ 1 ਲੱਖ 20 ਹਜ਼ਾਰ ਤੋਂ ਵੱਧ ਕੈਨੇਡੀਅਨ ਲੋਕ ਬੇਘਰ ਹੋ ਗਏ। ਅਗਸਤ ਮਹੀਨੇ ਤੱਕ ਹਾਲਾਤ ਹੋਰ ਖਰਾਬ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।