ਅਮਰੀਕਾ ਦਾ ਟੈਕਸਸ ਸੂਬਾ ਬਣਿਆ ‘ਛੋਟਾ ਭਾਰਤ’

10 ਸਾਲ ’ਚ ਦੁੱਗਣੇ ਹੋਏ ਪ੍ਰਵਾਸੀ ਭਾਰਤੀ

ਨਿਊਯਾਰਕ, 11 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਅਮਰੀਕਾ ਦਾ ਦੱਖਣੀ ਸੂਬਾ ਟੈਕਸਸ ‘ਛੋਟਾ ਭਾਰਤ’ ਬਣਦਾ ਜਾ ਰਿਹਾ ਹੈ, ਕਿਉਂਕਿ ਇੱਥੇ ਪ੍ਰਵਾਸੀ ਭਾਰਤੀਆਂ ਦੀਆਂ ਗਿਣਤੀ ਲਗਾਤਾਰ ਵਧਦੀ ਜਾ ਰਹੀ ਹੈ, ਜੋ 10 ਸਾਲ ’ਚ ਦੁੱਗਣੀ ਹੋ ਗਈ।
ਅਮਰੀਕਾ ਦੇ ਉੱਤਰ ਅਤੇ ਪੂਰਬੀ ਰਾਜਾਂ, ਜਿਵੇਂ ਨਿਊਯਾਰਕ, ਵਾਸ਼ਿੰਗਟਨ, ਬੋਸਟਨ ਅਤੇ ਸ਼ਿਕਾਗੋ ਤੋਂ ਪ੍ਰਵਾਸੀ ਭਾਰਤੀਆਂ ਨੇ ਟੈਕਸਸ ਵਿੱਚ ਸੰਭਾਵਨਾਵਾਂ ਤਲਾਸ਼ੀਆਂ ਸ਼ੁਰੂ ਕੀਤੀਆਂ। ਇਸ ਦੇ ਚਲਦਿਆਂ ਸਿਰਫ਼ 10 ਸਾਲਾਂ ਵਿੱਚ ਹੀ ਇਸ ਭਾਈਚਾਰੇ ਦੀ ਆਬਾਦੀ ਇੱਥੇ ਦੁੱਗਣੀ ਹੋ ਗਈ। 2010 ਵਿੱਚ ਇੱਥੇ 2 ਲੱਖ 30 ਹਜ਼ਾਰ ਪ੍ਰਵਾਸੀ ਭਾਰਤੀ ਰਹਿੰਦੇ ਸੀ। ਇਹ ਅੰਕੜਾ ਹੁਣ ਵੱਧ ਕੇ ਸਾਢੇ 4 ਲੱਖ ’ਤੇ ਪਹੁੰਚ ਗਿਆ।