ਵਿਵਾਦਤ ਝਾਕੀ ’ਤੇ ਬਰੈਂਪਟਨ ਦੇ ਮੇਅਰ ਦਾ ਵੱਡਾ ਬਿਆਨ
- ਕੈਨੇਡਾਤਾਜ਼ਾ ਖਬਰਾਂ
- June 11, 2023 12:57 pm...
- No Comment
- 34
ਇਹ ਕੋਈ ਅਪਰਾਧ ਨਹੀਂ : ਬੋਲੇ ਪੈਟ੍ਰਿਕ ਬਰਾਊਨ
ਬਰੈਂਪਟਨ/ਨਵੀਂ ਦਿੱਲੀ, 11 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਕੈਨੇਡਾ ’ਚ ਭਾਰਤ ਦੀ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਕਤਲ ਦੀ ਝਾਕੀ ਕੱਢਣ ਦਾ ਮਾਮਲਾ ਲਗਾਤਾਰ ਤੂਲ ਫੜ੍ਹਦਾ ਜਾ ਰਿਹਾ ਹੈ। ਭਾਰਤ ਨੇ ਜਿੱਥੇ ਇਸ ’ਤੇ ਇਤਰਾਜ਼ ਜਤਾਇਆ ਸੀ, ਉੱਥੇ ਹੁਣ ਬਰੈਂਪਟਨ ਦੇ ਮੇਅਰ ਦਫ਼ਤਰ ਦਾ ਇਸ ਬਾਰੇ ਵੱਡਾ ਬਿਆਨ ਸਾਹਮਣੇ ਆਇਆ, ਜਿਸ ਵਿੱਚ ਕਿਹਾ ਗਿਆ ਕਿ ਝਾਕੀ ਕੱਢਣਾ ਕੋਈ ਅਪਰਾਧ ਨਹੀਂ ਹੈ। ਇਹ ਕਿਸੇ ਨਫ਼ਰਤੀ ਅਪਰਾਧ ਦੀ ਸ਼ੇ੍ਰਣੀ ਵਿੱਚ ਨਹੀਂ ਆਉਂਦਾ।
ਅਪ੍ਰੇਸ਼ਨ ਬਲੂ ਸਟਾਰ ਦੀ 39ਵੀਂ ਬਰਸੀ ਤੋਂ 2 ਦਿਨ ਪਹਿਲਾਂ ਬਰੈਂਪਟਨ ’ਚ 4 ਜੂਨ ਨੂੰ ਨਗਰ ਕੀਰਤਨ ਕੱਢਿਆ ਗਿਆ ਸੀ, ਜੋ ਕਿ ਗੁਰਦੁਆਰਾ ਗੁਰੂ ਨਾਨਕ ਮਿਸ਼ਨ ਸੈਂਟਰ ਤੋਂ ਸ਼ੁਰੂ ਹੋ ਕੇ ਗੁਰਦੁਆਰਾ ਜੋਤ ਪ੍ਰਕਾਸ਼ ਸਾਹਿਬ ਵਿਖੇ ਸਮਾਪਤ ਹੋਇਆ।