Tesla Layoffs: ਟੇਸਲਾ ਬਣਾ ਰਹੀ ਕਰਮਚਾਰੀਆਂ ਨੂੰ ਕੱਢਣ ਦੀ ਯੋਜਨਾ, ਮਸਕ ਬੋਲੇ- ਇਹ ਕੰਮ ਕਰਨਾ ਜ਼ਰੂਰੀ
- ਕਾਰੋਬਾਰਭਾਰਤ
- April 16, 2024 6:52 pm...
- No Comment
- 74
ਨਵੀਂ ਦਿੱਲੀ (16 ਅਪ੍ਰੈਲ), ਰਜਨੀਸ਼ ਕੌਰ : ਐਲੋਨ ਮਸਕ (Elon Musk) ਦੀ ਮਲਕੀਅਤ ਵਾਲੀ ਇਲੈਕਟ੍ਰਿਕ ਵਾਹਨ ਨਿਰਮਾਤਾ ਕੰਪਨੀ ਟੇਸਲਾ (Electric vehicle manufacturer Tesla) ਕਰਮਚਾਰੀਆਂ ਨੂੰ ਕੱਢਣ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਰੋਲ ਦੀ ਡੁਪਲੀਕੇਸ਼ਨ ਦਾ ਹਵਾਲਾ ਦਿੰਦੇ ਹੋਏ, ਆਪਣੇ ਗਲੋਬਲ ਕਰਮਚਾਰੀਆਂ ਦੇ 10 ਫੀਸਦੀ ਤੋਂ ਵੱਧ ਦੀ ਛਾਂਟੀ ਕਰਨ ਦੀਆਂ ਯੋਜਨਾਵਾਂ ‘ਤੇ ਕੰਮ ਕਰ ਰਹੀ ਹੈ। ਜੇ ਇਹ ਫੈਸਲਾ ਲਾਗੂ ਹੁੰਦਾ ਹੈ ਤਾਂ 14,000 ਲੋਕਾਂ ਦੀ ਨੌਕਰੀ ਚਲ ਸਕਦੀ ਹੈ।
electrick.com ਦੁਆਰਾ ਵੇਖੀ ਗਈ ਇੱਕ ਅੰਦਰੂਨੀ ਈਮੇਲ ਵਿੱਚ, ਸੀਈਓ ਮਸਕ ਨੇ ਕਿਹਾ, ਤੇਜ਼ੀ ਨਾਲ ਵਿਕਾਸ ਨੇ ਕੰਪਨੀ ਵਿੱਚ ਭੂਮਿਕਾਵਾਂ ਦੀ ਡੁਪਲੀਕੇਸ਼ਨ ਕੀਤੀ ਹੈ ਅਤੇ “ਵਿਕਾਸ ਦੇ ਅਗਲੇ ਪੜਾਅ” ਲਈ ਲਾਗਤ ਵਿੱਚ ਕਟੌਤੀ ਜ਼ਰੂਰੀ ਹੈ। ਮਸਕ ਨੇ ਲਿਖਿਆ, “ਜਿਵੇਂ ਕਿ ਅਸੀਂ ਕੰਪਨੀ ਨੂੰ ਵਿਕਾਸ ਦੇ ਅਗਲੇ ਪੜਾਅ ਲਈ ਤਿਆਰ ਕਰਦੇ ਹਾਂ, ਲਾਗਤਾਂ ਵਿੱਚ ਕਟੌਤੀ ਸਮੇਤ ਉਤਪਾਦਕਤਾ ਵਧਾਉਣ ਲਈ ਕੰਪਨੀ ਦੇ ਹਰ ਪਹਿਲੂ ਨੂੰ ਵੇਖਣਾ ਬੇਹੱਦ ਮਹੱਤਵਪੂਰਨ ਹੈ। ਇਸ ਕੋਸ਼ਿਸ਼ ਦੇ ਹਿੱਸੇ ਵਜੋਂ, ਅਸੀਂ ਸੰਗਠਨ ਦੀ ਪੂਰੀ ਸਮੀਖਿਆ ਕੀਤੀ ਅਤੇ ਵਿਸ਼ਵ ਪੱਧਰ ‘ਤੇ ਸਾਡੇ ਕਰਮਚਾਰੀਆਂ ਨੂੰ 10 ਫੀਸਦੀ ਤੋਂ ਵੱਧ ਘਟਾਉਣ ਦਾ ਮੁਸ਼ਕਲ ਫੈਸਲਾ ਪਿਆ, ਇਹ ਉਹ ਚੀਜ਼ ਨਹੀਂ ਹੈ ਜਿਸਦਾ ਮੈਂ ਬਹੁਤ ਜ਼ਿਆਦਾ ਸ਼ੌਕੀਨ ਨਹੀਂ ਹਾਂ, ਪਰ ਇਹ ਕਰਨਾ ਜ਼ਰੂਰ ਹੈ।”
EVs ਦੀਆਂ ਕੀਮਤਾਂ ‘ਚ ਕਟੌਤੀ ਦਾ ਐਲਾਨ
ਟੇਸਲਾ ਵੱਲੋਂ ਇਹ ਐਲਾਨ ਆਟੋ ਡਿਲੀਵਰੀ ਵਿੱਚ ਗਿਰਾਵਟ ਦੀ ਰਿਪੋਰਟ ਦੇ ਕੁੱਝ ਦਿਨ ਬਾਅਦ ਆਈ ਹੈ। ਕੰਪਨੀ ਨੇ ਮੰਗ ਵਧਾਉਣ ਲਈ ਆਪਣੀਆਂ EVs ਦੀਆਂ ਕੀਮਤਾਂ ‘ਚ ਕਟੌਤੀ ਦਾ ਐਲਾਨ ਕੀਤਾ ਹੈ। ਟੇਸਲਾ ਦੇ ਮੁਖੀ ਐਲੋਨ ਮਸਕ ਵੀ ਇਸ ਮਹੀਨੇ ਆਪਣੇ ਭਾਰਤ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕਰਨ ਵਾਲੇ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਦੌਰਾਨ ਉਹ ਭਾਰਤ ‘ਚ ਟੇਸਲਾ ਦਾ ਨਵਾਂ ਪਲਾਂਟ ਖੋਲ੍ਹਣ ਦਾ ਐਲਾਨ ਕਰਨਗੇ। ਉਹਨਾਂ ਨੇ ਆਪਣੇ ਐਕਸ ਪ੍ਰੋਫਾਈਲ ‘ਤੇ ਪੋਸਟ ਕੀਤਾ ਸੀ, “ਭਾਰਤ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਲਈ ਉਤਸੁਕ ਹਾਂ!”।
ਟੇਸਲਾ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਡਰਿਊ ਬੈਗਲਿਨੋ ਨੇ ਦਿੱਤਾ ਅਸਤੀਫਾ
ਟੇਸਲਾ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਡਰਿਊ ਬੈਗਲੀਨੋ ਨੇ ਕਾਰ ਨਿਰਮਾਤਾ ਦੇ ਨੌਕਰੀਆਂ ਵਿੱਚ ਕਟੌਤੀ ਦੇ ਸਭ ਤੋਂ ਵੱਡੇ ਦੌਰ ਦੇ ਵਿਚਕਾਰ ਕੰਪਨੀ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਇਲੈਕਟ੍ਰਿਕ-ਵਾਹਨ ਦੀ ਮੰਗ ਵਿੱਚ ਗਿਰਾਵਟ ਦੇ ਵਿਚਕਾਰ, ਕੰਪਨੀ ਨੇ ਆਪਣੇ ਵਿਸ਼ਵਵਿਆਪੀ ਕਰਮਚਾਰੀਆਂ ਨੂੰ 10 ਫੀਸਦੀ ਤੋਂ ਵੱਧ ਘਟਾਉਣ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਤੀਜੇ ਵਜੋਂ ਕੁੱਝ ਡਿਵੀਜ਼ਨਾਂ ਵਿੱਚ 20 ਫੀਸਦੀ ਤੱਕ ਛਾਂਟੀ ਹੋਸਕਦੀ ਹੈ।