ਮੇਰੇ ਖ਼ਿਲਾਫ਼ ਚੋਣ ਲੜ ਕੇ ਵੇਖ ਲੈਣ ਸਿੱਧੂ, ਜ਼ਮਾਨਤ ਹੋ ਜਾਵੇਗੀ ਜ਼ਬਤ : ਕੈਪਟਨ
- ਪੰਜਾਬ
- April 28, 2021 7:14 am...
- No Comment
- 50
ਚੰਡੀਗੜ੍ਹ, 28 ਅਪ੍ਰੈਲ, ਹ.ਬ. : ਅਪਣੇ ਬਿਆਨਾਂ ਦੇ ਜ਼ਰੀਏ ਅਪਣੀ ਹੀ ਪਾਰਟੀ ਦੇ ਖ਼ਿਲਾਫ਼ ਮੋਰਚਾ ਖੋਲ੍ਹੇ ਹੋਏ ਕਾਂਗਰਸੀ ਨੇਤਾ ਨਵਜੋਤ ਸਿੰਘ ਸਿੱਧੂ ਦੇ ਖਿਲਾਫ਼ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਆਖਰਕਾਰ ਖੁਲ੍ਹ ਕੇ ਇੱਕ ਦੂਜੇ ਦੇ ਸਾਹਮਣੇ ਆ ਗਏ।
ਮੰਗਲਵਾਰ ਸਵੇਰੇ ਕੈਪਟਨ ਅਮਰਿੰਦਰ ਸਿੰਘ ਨੇ ਪਹਿਲੀ ਵਾਰ ਹਮਲਾਵਰ ਰੁਖ ਅਪਣਾਉਂਦੇ ਹੋਏ ਕਿਹਾ ਕਿ ਮੈਨੂੰ ਪਤਾ ਨਹੀਂ ਸਿੱਧੂ ਕਿਸ ਪਾਰਟੀ ਤੋਂ ਹੈ, ਸਿੱਧੂ ਨੂੰ ਕੋਈ ਪਾਰਟੀ ਲੈਣ ਲਈ ਤਿਆਰ ਨਹੀਂ ਹੈ। ਨਾ ਉਹ ਬੀਜੇਪੀ ਵਿਚ ਜਾਣਗੇ ਅਤੇ ਨਾ ਹੀ ਉਸ ਨੂੰ ਅਕਾਲੀ ਦਲ ਅਪਣੀ ਪਾਰਟੀ ਵਿਚ ਸ਼ਾਮਲ ਕਰੇਗਾ, ਹਾਂ ਆਮ ਆਦਮੀ ਪਾਰਟੀ ਦਾ ਮੈਨੂੰ ਪਤਾ ਨਹੀਂ।
ਕੈਪਟਨ ਨੇ ਕਿਹਾ ਕਿ ਜੇਕਰ ਆਪ ਚੰਗਾ ਬੋਲ ਲੈਂਦੇ ਹਨ ਤਾਂ ਇਹ ਮਤਲਬ ਨਹੀਂ ਕਿ ਆਪ ਨੂੰ ਹਰ ਅਹੁਦਾ ਦਿੱਤਾ ਜਾਣਾ ਚਾਹੀਦਾ। ਉਨ੍ਹਾਂ ਕਿਹਾ ਕਿ ਥੋੜ੍ਹੇ ਦਿਨ ਪਹਿਲਾਂ ਹੀ ਪਾਰਟੀ ਵਿਚ ਆਏ ਅਤੇ ਉਹ ਪਾਰਟੀ ਪ੍ਰਧਾਨ ਬਣਨਾ ਚਾਹੁੰਦੇ ਹਨ। ਪੰਜਾਬ ਦੇ ਹਰ ਕੈਬਨਿਟ ਮੰਤਰੀ ਨੇ ਬੂਥ ਲੈਵਲ ਤੋਂ ਕੰਮ ਸ਼ੁਰੂ ਕੀਤਾ ਹੈ ਜਿਸ ਤੋਂ ਬਾਅਦ ਉਹ ਇੱਥੇ ਪਹੁੰਚੇ ਅਤੇ ਸਿੱਧੂ ਕੁਝ ਦਿਨ ਪਹਿਲਾਂ ਆ ਕੇ ਪ੍ਰਧਾਨਗੀ ਅਹੁਦਾ ਲੱਭ ਰਹੇ ਹਨ।
ਉਨ੍ਹਾਂ ਨੇ ਸਿੱਧੂ ਨੂੰ ਚੈਲੰਜ ਕਰਦੇ ਹੋਏ ਕਿਹਾ ਕਿ ਉਹ ਪਟਿਆਲਾ ਤੋਂ ਮੇਰੇ ਖ਼ਿਲਾਫ਼ ਚੋਣ ਲੜਨ, ਉਸ ਦੀ ਜ਼ਮਾਨਤ ਜ਼ਬਤ ਹੋ ਜਾਵੇਗੀ। ਸਿੱਧੂ ਦੇ ਨਾਲ ਵੀ ਅਜਿਹਾ ਹੀ ਹੋਵੇਗਾ ਜਿਹਾ ਅਕਾਲੀ ਦਲ ਦੇ ਉਮੀਦਵਾਰ ਰਿਟਾਇਰ ਸੈਨਾ ਮੁਖੀ ਜੇਜੇ ਸਿੰਘ ਨਾਲ ਹੋਇਆ ਸੀ।
