Low Budget Movie of 2006: ਇਸ ਬਲਾਕਬਸਟਰ ਫਿਲਮ ਨੇ 1 ਹਫ਼ਤੇ ਵਿੱਚ ਲਾਗਤ ਤੋਂ ਵੱਧ ਕੀਤੀ ਸੀ ਕਮਾਈ, ਮਿਲੇ ਕੋਈ ਨੈਸ਼ਨਲ ਅਵਾਰਡ, ਜਾਣੋ ਕਿਹੜੀ ਸੀ ਇਹ Movie  

ਨਵੀਂ ਦਿੱਲੀ (21 ਅਪ੍ਰੈਲ), ਰਜਨੀਸ਼ ਕੌਰ : Low Budget Movie of 2006: ਸਾਲ 2006 ਵਿੱਚ ਕਈ ਫਿਲਮਾਂ ਰਿਲੀਜ਼ ਹੋਈਆਂ ਪਰ ਇੱਕ ਫਿਲਮ ਨੇ ਲੋਕਾਂ ਦੇ ਮਨਾਂ ਵਿੱਚ ਡੂੰਘੀ ਛਾਪ ਛੱਡੀ। ‘ਗਾਂਧੀਗਿਰੀ’, ‘ਸੱਚ ਬੋਲਣਾ’ ਅਤੇ ਮੁੰਨਾ-ਸਰਕਟ ਦੀ ਦੋਸਤੀ, ਇਹ ਸਭ ਕੁੱਝ ਤੁਹਾਨੂੰ ਇਸ ਫਿਲਮ ‘ਚ ਇਹ ਸਭ ਵੇਖਿਆ ਹੋਵੇਗਾ। ਹੁਣ ਤੁਸੀਂ ਫਿਲਮ ਦੇ ਨਾਮ ਦਾ ਅੰਦਾਜ਼ਾ ਲਾ ਲਿਆ ਹੋਵੇਗਾ, ਜੇ ਨਹੀਂ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਇਸ ਫਿਲਮ ਦਾ ਨਾਮ ‘ਲੱਗੇ ਰਹੋ ਮੁੰਨਾ ਭਾਈ’ (Lage Raho Munna Bhai) ਹੈ। ਇਹ ਫਿਲਮ ਬਾਕਸ ਆਫਿਸ (Movie box office) ‘ਤੇ ਹਿੱਟ ਰਹੀ ਅਤੇ ਲੋਕਾਂ ਨੇ ਇਸ ਨੂੰ ਕਾਫੀ ਪਸੰਦ ਕੀਤਾ।

ਪਿਛਲੇ ਦਹਾਕਿਆਂ ‘ਚ ਕਈ ਅਜਿਹੀਆਂ ਫਿਲਮਾਂ ਆਈਆਂ ਜਿਨ੍ਹਾਂ ਨੇ ਬਾਕਸ ਆਫਿਸ ‘ਤੇ ਚੰਗੀ ਕਮਾਈ ਕੀਤੀ ਅਤੇ ਲੋਕਾਂ ਨੇ ਇਨ੍ਹਾਂ ਫਿਲਮਾਂ ਦੀਆਂ ਕਹਾਣੀਆਂ ਨੂੰ ਵੀ ਪਸੰਦ ਕੀਤਾ। ਉਨ੍ਹਾਂ ਫਿਲਮਾਂ ‘ਚੋਂ ਇੱਕ ਹੈ ‘ਲੱਗੇ ਰਹੋ ਮੁੰਨਾ ਭਾਈ’, ਆਓ ਤੁਹਾਨੂੰ ਇਸ ਬਾਰੇ ਪੂਰੀ ਜਾਣਕਾਰੀ ਦਿੰਦੇ ਹਾਂ।

‘ਲੱਗੇ ਰਹੋ ਮੁੰਨਾ ਭਾਈ’ ਨੇ ਬਾਕਸ ਆਫਿਸ ਉੱਤੇ ਕੀਤਾ ਸੀ ਕਮਾਲ

ਰਾਜਕੁਮਾਰ ਹਿਰਾਨੀ ਦੁਆਰਾ ਨਿਰਦੇਸ਼ਤ ਫਿਲਮ ਲੱਗੇ ਰਹੋ ਮੰਨਾ ਭਾਈ ਇੱਕ ਬਲਾਕਬਸਟਰ ਫਿਲਮ ਸੀ। ਇਸ ਵਿੱਚ ਸੰਜੇ ਦੱਤ, ਅਰਸ਼ਦ ਵਾਰਸੀ, ਵਿਦਿਆ ਬਾਲਨ ਅਤੇ ਬੋਮਨ ਇਰਾਨੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਏ ਸਨ। ਸਾਲ 2003 ਤੋਂ ਬਾਅਦ ਉਸ ਸਾਲ ਮੁੰਨਾ ਭਾਈ ਅਤੇ ਸਰਕਟ ਦੀ ਜੋੜੀ ਫਿਰ ਨਜ਼ਰ ਆਈ ਸੀ। ਇਸ ਫਿਲਮ ਨੇ ਨਾ ਸਿਰਫ ਬਾਕਸ ਆਫਿਸ ‘ਤੇ ਚੰਗਾ ਕਾਰੋਬਾਰ ਕੀਤਾ ਸਗੋਂ ਨੈਸ਼ਨਲ ਐਵਾਰਡ ਵੀ ਹਾਸਲ ਕੀਤੇ।

ਫਿਲਮ ‘ਲੱਗੇ ਰਹੋ ਮੰਨਾ ਭਾਈ’ ਅੱਜ ਵੀ ਹਿੰਦੀ ਸਿਨੇਮਾ ਦੀਆਂ ਮਸ਼ਹੂਰ ਫਿਲਮਾਂ ‘ਚੋਂ ਇੱਕ ਗਿਣੀ ਜਾਂਦੀ ਹੈ। ਸੈਕਨਿਲਕ ਮੁਤਾਬਕ ਸਿਰਫ਼ 22 ਕਰੋੜ ਰੁਪਏ ‘ਚ ਬਣੀ ਇਸ ਫਿਲਮ ਨੇ ਦੁਨੀਆ ਭਰ ‘ਚ ਬਾਕਸ ਆਫਿਸ ‘ਤੇ 124.98 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਫਿਲਮ ਨੇ ਉਸ ਸਮੇਂ ਸਿਰਫ 7 ਦਿਨਾਂ ‘ਚ ਆਪਣੀ ਲਾਗਤ ਵਸੂਲੀ ਅਤੇ ਲਗਪਗ 50 ਕਰੋੜ ਰੁਪਏ ਇਕੱਠੇ ਕਰ ਲਏ। ਫਿਲਮ ‘ਲੱਗੇ ਰਹੋ ਮੰਨਾ ਭਾਈ’ ਬਾਕਸ ਆਫਿਸ ‘ਤੇ ਬਲਾਕਬਸਟਰ ਸਾਬਤ ਹੋਈ ਸੀ।

4 ਨੈਸ਼ਨਲ ਅਵਾਰਡ ਕੀਤੇ ਸੀ ਆਪਣੇ ਨਾਮ

ਵਿਧੂ ਵਿਨੋਦ ਚੋਪੜਾ ਦੇ ਬੈਨਰ ਹੇਠ ਬਣੀ ਫਿਲਮ ‘ਲੱਗੇ ਰਹੋ ਮੁੰਨਾ ਭਾਈ’ ਦਾ ਨਿਰਦੇਸ਼ਨ ਰਾਜਕੁਮਾਰ ਹਿਰਾਨੀ ਨੇ ਕੀਤਾ ਸੀ। ਇਸ ਫਿਲਮ ਨੂੰ 4 ਨੈਸ਼ਨਲ ਅਵਾਰਡ ਮਿਲੇ ਸਨ। ਪਹਿਲਾ ਰਾਸ਼ਟਰੀ ਪੁਰਸਕਾਰ ਮਹਾਤਮਾ ਗਾਂਧੀ ਦੀ ਭੂਮਿਕਾ ਨਿਭਾਉਣ ਵਾਲੇ ਦਿਲੀਪ ਪ੍ਰਭਾਵਲਕਰ ਨੂੰ ਦਿੱਤਾ ਗਿਆ ਸੀ। ਦੂਜਾ ਪੁਰਸਕਾਰ ਅਭਿਜਾਤ ਜੋਸ਼ੀ, ਰਾਜਕੁਮਾਰ ਹਿਰਾਨੀ ਅਤੇ ਵਿਧੂ ਵਿਨੋਦ ਚੋਪੜਾ ਨੂੰ ਸਰਵੋਤਮ ਪਟਕਥਾ ਲਈ ਦਿੱਤਾ ਗਿਆ। ਸਵਾਨੰਦ ਕਿਰਕੀਰੇ ਨੂੰ ਸਰਵੋਤਮ ਗੀਤਕਾਰ ਦਾ ਰਾਸ਼ਟਰੀ ਪੁਰਸਕਾਰ ਦਿੱਤਾ ਗਿਆ ਅਤੇ ਫਿਲਮ ਨੂੰ ਵਧੀਆ ਮਨੋਰੰਜਨ ਪ੍ਰਦਾਨ ਕਰਨ ਵਾਲੀ ਸਰਬੋਤਮ ਪ੍ਰਸਿੱਧ ਫਿਲਮ ਲਈ ਰਾਸ਼ਟਰੀ ਪੁਰਸਕਾਰ ਦਿੱਤਾ ਗਿਆ।

2006 ਵਿੱਚ ਰਿਲੀਜ਼ ਹੋਈਆਂ ਸੀ ਇਹ ਫਿਲਮਾਂ

ਸਾਲ 2006 ਵਿੱਚ ਸਭ ਤੋਂ ਵੱਡੀ ਫਿਲਮ ਲੱਗੇ ਰਹੋ ਮੁੰਨਾ ਭਾਈ ਸੀ ਜੋ ਬਲਾਕਬਸਟਰ ਰਹੀ। ਇਸ ਤੋਂ ਇਲਾਵਾ ਜਿਨ੍ਹਾਂ ਫਿਲਮਾਂ ਦੇ ਉਸ ਸਾਲ ਚਰਚੇ ਰਹੇ ਉਹ ‘ਖੋਸਲਾ ਕਾ ਘੋਸਲਾ’, ‘ਅਕਸਰ’, ‘ਟੈਕਸੀ ਨੰਬਰ 9 ਦੋ 11’, ‘ਪਿਆਰ ਕੇ ਸਾਈਡ ਇਫੈਕਟਸ’, ‘ਰੰਗ ਦੇ ਬਸੰਤੀ’, ‘ਕਭੀ ਅਲਵਿਦਾ ਨਾ ਕਹਿਣਾ’, ‘ਓਮਕਾਰਾ’, ‘ਵਿਵਾਹ’, ‘ਚੁੱਪ ਚੁੱਪ’ ਕੇ’, ‘ਡੌਨ’, ‘ਧੂਮ 2’, ‘ਭਾਗਮ ਭਾਗ’, ‘ਗੋਲਮਾਲ’, ‘ਫਿਰ ਹੇਰਾ ਫੇਰੀ’ ਵਰਗੀਆਂ ਕਈ ਫਿਲਮਾਂ ਸ਼ਾਮਲ ਹਨ।