ਕੈਲਗਰੀ ’ਚ ਪੰਜਾਬੀ ਪਿਉ-ਪੁੱਤ ਗ੍ਰਿਫ਼ਤਾਰ
- ਕੈਨੇਡਾਤਾਜ਼ਾ ਖਬਰਾਂ
- June 6, 2023 2:00 pm...
- No Comment
- 26
ਅੱਲ੍ਹੜ ਕੁੜੀਆਂ ਨੂੰ ਵਰਗਲਾ ਕੇ ਜਿਸਮਾਨੀ ਸ਼ੋਸ਼ਣ ਕਰਨ ਦੇ ਦੋਸ਼ ਲੱਗੇ
ਕੈਲਗਰੀ, 6 ਜੂਨ (ਵਿਸ਼ੇਸ਼ ਪ੍ਰਤੀਨਿਧ) : ਕੈਨੇਡਾ ਵਿਚ ਨਾਬਾਲਗ ਕੁੜੀਆਂ ਦਾ ਜਿਸਮਾਨੀ ਸ਼ੋਸ਼ਣ ਕਰਨ ਅਤੇ ਨਸ਼ਾ ਵੇਚਣ ਦੇ ਮਾਮਲੇ ਵਿਚ ਪੁਲਿਸ ਨੇ ਗੁਰਪ੍ਰਤਾਪ ਵਾਲੀਆ ਅਤੇ ਉਸ ਦੇ ਬੇਟੇ ਸੁਮਰਿਤ ਵਾਲੀਆ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਕੈਲਗਰੀ ਪੁਲਿਸ ਨੇ ਦੱਸਿਆ ਕਿ ਮਾਮਲੇ ਦੀ ਪੜਤਾਲ ਅਪ੍ਰੈਲ ਵਿਚ ਸ਼ੁਰੂ ਹੋਈ ਜਦੋਂ 13 ਸਾਲ ਦੀ ਇਕ ਬੱਚੀ ਅਚਾਨਕ ਲਾਪਤਾ ਹੋ ਗਈ। ਪੁਲਿਸ ਨੇ ਬੱਚੀ ਦੀ ਭਾਲ ਕੀਤੀ ਤਾਂ ਪਤਾ ਲੱਗਾ ਕਿ ਉਸ ਦਾ 24 ਸਾਲ ਦੇ ਸੁਮਰਿਤ ਵਾਲੀਆ ਨਾਲ ਅਫੇਅਰ ਚੱਲ ਰਿਹਾ ਸੀ। ਬੱਚੀ ਨੇ ਦੱਸਿਆ ਕਿ ਉਸ ਸ਼ਰਾਬ ਅਤੇ ਡਰੱਗਜ਼ ਦਿਤੀਆਂ ਜਾਂਦੀਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ 56 ਸਾਲ ਦਾ ਗੁਰਪ੍ਰਤਾਪ ਵਾਲੀਆ ਅਤੇ ਉਸ ਦਾ ਬੇਟਾ 208, ਹੈਡਨ ਰੋਡ ’ਤੇ ਸਥਿਤ ਇਕ ਕਨਵੀਨੀਐਂਸ ਸਟੋਰ ਦੇ ਮਾਲਕ ਹਨ। ਪੁਲਿਸ ਨੇ ਦੋਹਾਂ ਕੋਲੋਂ ਇਕ ਕੰਪਿਊਟਰ ਬਰਾਮਦ ਕੀਤਾ ਜਿਸ ਵਿਚ ਕਈ ਕੁੜੀਆਂ ਦੀਆਂ ਅਸ਼ਲੀਲ ਵੀਡੀਓ ਸਨ।