ਟਰੱਕ ਨੇ ਦਰੜੇ ਸ੍ਰੀ ਹੇਮਕੁੰਟ ਸਾਹਿਬ ਜਾ ਰਹੇ ਪੰਜਾਬ ਦੇ ਸ਼ਰਧਾਲੂ
- ਪੰਜਾਬ
- June 16, 2023 12:36 pm...
- No Comment
- 233
ਦੋ ਲੋਕਾਂ ਦੀ ਮੌਤ, 2 ਹੋਏ ਗੰਭੀਰ ਜ਼ਖਮੀ
ਪਾਉਂਟਾ ਸਾਹਿਬ ’ਚ ਬਹਿਬਲ ਬੈਰੀਅਰ ਨੇੜੇ ਵਾਪਰਿਆ ਹਾਦਸਾ
ਨਾਹਨ, 16 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਸ੍ਰੀ ਹੇਮਕੁੰਟ ਸਾਹਿਬ ਪੈਦਲ ਜਾ ਰਹੇ ਪੰਜਾਬ ਦੇ ਸ਼ਰਧਾਲੂ ਟਰੱਕ ਨੇ ਦਰੜ ਦਿੱਤੇ, ਜਿਸ ਕਾਰਨ ਦੋ ਸ਼ਰਧਾਲੂਆਂ ਦੀ ਮੌਤ ਹੋ ਗਈ, ਜਦਕਿ ਦੋ ਗੰਭੀਰ ਜ਼ਖਮੀ ਹੋ ਗਏ। ਪਾਉਂਟਾ ਸਾਹਿਬ ’ਚ ਹਿਮਾਚਲ-ਹਰਿਆਣਾ ਦੀ ਸਰਹੱਦ ’ਤੇ ਬਹਿਬਲ ਬੈਰੀਅਰ ਨੇੜੇ ਇਹ ਦਰਦਨਾਕ ਹਾਦਸਾ ਵਾਪਰਿਆ।
ਪੰਜਾਬ ਦੇ ਸ਼ਰਧਾਲੂਆਂ ਦਾ ਇੱਕ ਜਥਾ ਗੁਰਦਾਸਪੁਰ ਤੋਂ ਹੇਮਕੁੰਟ ਸਾਹਿਬ ਦੀ ਯਾਤਰਾ ਲਈ ਰਵਾਨਾ ਹੋਇਆ ਸੀ। ਜਦੋਂ ਇਹ ਪਾਉਂਟਾ ਸਾਹਿਬ ’ਚ ਹਿਮਾਚਲ-ਹਰਿਆਣਾ ਦੀ ਸਰਹੱਦ ’ਤੇ ਬਹਿਬਲ ਬੈਰੀਅਰ ਨੇੜੇ ਪੁੱਜੇ ਤਾਂ ਉੱਥੇ ਇੱਟਾਂ ਨਾਲ ਭਰਿਆ ਇਕ ਟਰੱਕ ਹਾਈਵੇਅ ਕਿਨਾਰੇ ਅਚਾਨਕ ਬੇਕਾਬੂ ਹੋ ਕੇ ਪਲਟ ਗਿਆ। ਇਹ ਸ਼ਰਧਾਲੂ ਇਸ ਟਰੱਕ ਦੀ ਲਪੇਟ ’ਚ ਆ ਗਏ, ਜਿਸ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 2 ਜਣੇ ਜ਼ਖਮੀ ਹੋ ਗਏ।