ਬਦਾਊਂ ਕਤਲ ਕਾਂਡ ਦੇ ਦੂਜੇ ਮੁਲਜ਼ਮ ਜਾਵੇਦ ਨੂੰ ਬਰੇਲੀ ਤੋਂ ਕੀਤਾ ਗ੍ਰਿਫ਼ਤਾਰ
- ਤਾਜ਼ਾ ਖਬਰਾਂਭਾਰਤ
- March 21, 2024 2:52 pm...
- No Comment
- 65
ਉੱਤਰ ਪ੍ਰਦੇਸ਼ : ਬਦਾਊਨ ‘ਚ ਘਰ ‘ਚ ਵੜ ਕੇ ਦੋ ਬੱਚਿਆਂ ਦਾ ਬੇਰਹਿਮੀ ਨਾਲ ਕਤਲ ਕਰਨ ਦੇ ਮਾਮਲੇ ‘ਚ ਯੂਪੀ ਪੁਲਿਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ। ਯੂਪੀ ਪੁਲਿਸ ਨੇ ਇਸ ਕਤਲ ਕੇਸ ਦੇ ਦੂਜੇ ਮੁਲਜ਼ਮ ਜਾਵੇਦ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਹੁਣ ਤੱਕ ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਾਵੇਦ ਦੋਵਾਂ ਬੱਚਿਆਂ ਦਾ ਕਤਲ ਕਰਨ ਤੋਂ ਬਾਅਦ ਪਹਿਲਾਂ ਦਿੱਲੀ ਭੱਜ ਗਿਆ ਸੀ। ਇਸ ਤੋਂ ਬਾਅਦ ਉਸ ਨੂੰ ਬਰੇਲੀ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਬਦਾਯੂੰ ਕਤਲ ਕਾਂਡ ਦੇ ਦੂਜੇ ਦੋਸ਼ੀ ਸਾਜਿਦ ਨੂੰ ਪੁਲਿਸ ਨੇ ਪਹਿਲਾਂ ਹੀ ਐਨਕਾਊਂਟਰ ਵਿਚ ਮਾਰ ਦਿੱਤਾ ਹੈ।
ਬਦਾਊਂ ‘ਚ ਕਤਲੇਆਮ ਤੋਂ ਬਾਅਦ ਜਾਵੇਦ ਆਪਣਾ ਮੋਬਾਇਲ ਬੰਦ ਕਰ ਕੇ ਦਿੱਲੀ ਭੱਜ ਗਿਆ ਸੀ। ਉਹ ਦਿੱਲੀ ਤੋਂ ਆ ਕੇ ਬਰੇਲੀ ਵਿੱਚ ਆਤਮ ਸਮਰਪਣ ਕਰਨ ਦੀ ਯੋਜਨਾ ਬਣਾ ਰਿਹਾ ਸੀ। ਹਾਲਾਂਕਿ ਦੇਰ ਰਾਤ ਸਥਾਨਕ ਲੋਕਾਂ ਨੇ ਉਸ ਨੂੰ ਸੈਟੇਲਾਈਟ ਬੱਸ ਸਟੈਂਡ ਤੋਂ ਫੜ ਕੇ Police ਹਵਾਲੇ ਕਰ ਦਿੱਤਾ। ਇਸ ਤੋਂ ਬਾਅਦ ਬਰੇਲੀ Police ਨੇ ਜਾਵੇਦ ਨੂੰ ਬਦਾਊਂ Police ਦੇ ਹਵਾਲੇ ਕਰ ਦਿੱਤਾ।