ਦਾਊਦ ਇਬਰਾਹਿਮ ਦੇ ਜੀਜੇ ਦੀ ਯੂਪੀ ‘ਚ ਗੋਲੀ ਮਾਰ ਕੇ ਹੱਤਿਆ

ਨਵੀਂ ਦਿੱਲੀ : ਉੱਤਰ ਪ੍ਰਦੇਸ਼ ਦੇ ਜਲਾਲਾਬਾਦ ‘ਚ ਆਪਣੇ ਭਤੀਜੇ ਦੇ ਵਿਆਹ ਸਮਾਰੋਹ ‘ਚ ਸ਼ਾਮਲ ਹੋਣ ਆਏ ਮੁੰਬਈ ਦੇ 35 ਸਾਲਾ ਨਿਹਾਲ ਖਾਨ ਦੀ ਬੁੱਧਵਾਰ ਨੂੰ ਕਥਿਤ ਤੌਰ ‘ਤੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਨਿਹਾਲ ਖਾਨ ਹੋਰ ਕੋਈ ਨਹੀਂ ਸਗੋਂ ਭਗੌੜੇ ਡਾਨ ਦਾਊਦ ਇਬਰਾਹਿਮ ਦੇ ਭਰਾ ਇਕਬਾਲ ਕਾਸਕਰ ਦਾ ਜੀਜਾ ਸੀ। ਪਰਿਵਾਰਕ ਸੂਤਰਾਂ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਨਿਹਾਲ ਜਲਾਲਾਬਾਦ ਦੇ ਚੇਅਰਮੈਨ ਸ਼ਕੀਲ ਖਾਨ ਦਾ ਜੀਜਾ ਵੀ ਸੀ। 2016 ‘ਚ ਨਿਹਾਲ ਕਥਿਤ ਤੌਰ ‘ਤੇ ਸ਼ਕੀਲ ਦੀ ਭਤੀਜੀ ਨਾਲ ਫਰਾਰ ਹੋ ਗਿਆ ਸੀ। ਹਾਲਾਂਕਿ ਬਾਅਦ ‘ਚ ਦੋਵਾਂ ਵਿਚਾਲੇ ਸਮਝੌਤਾ ਹੋ ਗਿਆ। ਸ਼ਕੀਲ ਨੇ ਕਿਹਾ, “ਨਿਹਾਲ 15 ਫਰਵਰੀ ਨੂੰ ਸੜਕ ਰਾਹੀਂ ਇੱਥੇ ਆਇਆ ਸੀ। ਲੱਗਦਾ ਹੈ ਕਿ ਮੇਰਾ ਭਰਾ ਕਾਮਿਲ 2016 ਦੇ ਐਪੀਸੋਡ ਨੂੰ ਲੈ ਕੇ ਅਜੇ ਵੀ ਨਿਹਾਲ ਤੋਂ ਨਾਰਾਜ਼ ਸੀ ਅਤੇ ਬਦਲਾ ਲੈਣਾ ਚਾਹੁੰਦਾ ਸੀ।” ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ‘ਚ ਪਾਕਿਸਤਾਨ ‘ਚ ਲੁਕੇ ਭਾਰਤ ਦੇ ਮੋਸਟ ਵਾਂਟੇਡ ਅੱਤਵਾਦੀ ਦਾਊਦ ਇਬਰਾਹਿਮ ਨੂੰ ਜ਼ਹਿਰ ਦੇਣ ਦੀਆਂ ਖਬਰਾਂ ਆਈਆਂ ਸਨ। ਉਨ੍ਹਾਂ ਨੂੰ ਕਰਾਚੀ ਦੇ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਇਸ ਖਬਰ ਦੇ ਸਾਹਮਣੇ ਆਉਣ ਤੋਂ ਬਾਅਦ ਪਾਕਿਸਤਾਨ ਵਿੱਚ ਫੇਸਬੁੱਕ, ਐਕਸ (ਪਹਿਲਾਂ ਟਵਿੱਟਰ), ਯੂਟਿਊਬ ਅਤੇ ਗੂਗਲ ਸੇਵਾਵਾਂ ਬੰਦ ਹੋ ਗਈਆਂ। ਦੱਸ ਦੇਈਏ ਕਿ ਦਾਊਦ ਪਹਿਲਾਂ ਤੋਂ ਹੀ ਕਿਡਨੀ ਦੀ ਗੰਭੀਰ ਬੀਮਾਰੀ ਤੋਂ ਪੀੜਤ ਹੈ।