5 ਸਟਾਰ ਰੇਟਿੰਗ ਵਾਲੀ ਕਾਰ 'ਤੇ ਭਾਰੀ ਡਿਸਕਾਉਂਟ

ਮੌਜੂਦਾ ਸਮੇਂ 'ਚ ਕਾਰ ਕੰਪਨੀਆਂ ਕਾਰ ਬਾਜ਼ਾਰ 'ਚ ਪੁਰਾਣੇ ਸਟਾਕ ਨੂੰ ਕਲੀਅਰ ਕਰਨ ਲਈ ਡਿਸਕਾਊਂਟ 'ਤੇ ਛੋਟ ਦੇ ਰਹੀਆਂ ਹਨ। ਅਜਿਹੇ 'ਚ ਗਾਹਕਾਂ ਨੂੰ ਸਿੱਧਾ ਫਾਇਦਾ ਹੋਵੇਗਾ। ਜੇਕਰ ਤੁਸੀਂ ਵੀ ਇਸ ਸਮੇਂ ਨਵੀਂ SUV ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਇਸ ਮਹੀਨੇ (ਨਵੰਬਰ), ਟਾਟਾ ਮੋਟਰਸ ਆਪਣੀ ਸਭ ਤੋਂ ਮਸ਼ਹੂਰ SUV ਹੈਰੀਅਰ 'ਤੇ ਬਹੁਤ ਵਧੀਆ ਆਫਰ ਦੇ ਰਹੀ ਹੈ। ਨਿਊਜ਼ ਵੈੱਬਸਾਈਟ ਆਟੋਕਾਰ ਇੰਡੀਆ ਦੀ ਰਿਪੋਰਟ ਦੇ ਮੁਤਾਬਕ, ਕੰਪਨੀ ਡੀਲਰਸ਼ਿਪ ਦੇ ਜ਼ਰੀਏ MY 2023 Tata Harrier 'ਤੇ ਗਾਹਕਾਂ ਨੂੰ ਵੱਧ ਤੋਂ ਵੱਧ 2.75 ਲੱਖ ਰੁਪਏ ਤੱਕ ਦੀ ਛੋਟ ਦੇ ਰਹੀ ਹੈ।

ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਇਸ SUV ਨੂੰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ ਡਿਸਕਾਉਂਟ ਬਾਰੇ ਵਧੇਰੇ ਜਾਣਕਾਰੀ ਲਈ ਟਾਟਾ ਡੀਲਰਸ਼ਿਪ ਨਾਲ ਸੰਪਰਕ ਕਰ ਸਕਦੇ ਹੋ। ਇਸ ਪੇਸ਼ਕਸ਼ ਵਿੱਚ ਨਕਦ ਛੋਟ, ਐਕਸਚੇਂਜ ਬੋਨਸ ਅਤੇ ਕਾਰਪੋਰੇਟ ਛੂਟ ਵੀ ਸ਼ਾਮਲ ਹੈ। ਹਾਲਾਂਕਿ, ਕੰਪਨੀ MY 2024 Tata Harrier 'ਤੇ ਸਿਰਫ 25,000 ਰੁਪਏ ਦੀ ਛੋਟ ਦੇ ਰਹੀ ਹੈ।

ਟਾਟਾ ਹੈਰੀਅਰ ਨੂੰ 5-ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ

ਸੁਰੱਖਿਆ ਦੇ ਲਿਹਾਜ਼ ਨਾਲ ਇਹ ਕਾਫੀ ਵਧੀਆ ਹੈ। ਇਸ 'ਚ ਐਂਟੀ ਲਾਕ ਬ੍ਰੇਕਿੰਗ ਸਿਸਟਮ ਦੇ ਨਾਲ EBD, 6 ਏਅਰਬੈਗ, ਬ੍ਰੇਕ ਅਸਿਸਟ, 3 ਪੁਆਇੰਟ ਸੀਟ ਬੈਲਟ ਅਤੇ ਡਿਸਕ ਬ੍ਰੇਕ ਦੀ ਸੁਵਿਧਾ ਹੈ। ਨੇ ਕਰੈਸ਼ ਟੈਸਟ 'ਚ 5-ਸਟਾਰ ਰੇਟਿੰਗ ਦਿੱਤੀ ਹੈ। Harrier 4 ਵੇਰੀਐਂਟਸ ਅਤੇ 7 ਕਲਰ ਆਪਸ਼ਨ 'ਚ ਉਪਲੱਬਧ ਹੈ। ਇਹ ਇੱਕ ਭਰੋਸੇਮੰਦ SUV ਹੈ ਪਰ ਹੁਣ ਗਾਹਕ ਇਸ ਗੱਡੀ ਨੂੰ ਪਹਿਲਾਂ ਵਾਂਗ ਪਸੰਦ ਨਹੀਂ ਕਰ ਰਹੇ ਹਨ। ਇਸ ਦੀ ਵਿਕਰੀ ਲਗਾਤਾਰ ਘਟ ਰਹੀ ਹੈ।

ਇੰਜਣ ਦੀ ਗੱਲ ਕਰੀਏ ਤਾਂ ਟਾਟਾ ਹੈਰੀਅਰ 'ਚ 2.0-ਲੀਟਰ ਡੀਜ਼ਲ ਇੰਜਣ ਹੈ ਜੋ 170bhp ਦੀ ਪਾਵਰ ਅਤੇ 350Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਨੂੰ 6-ਸਪੀਡ ਮੈਨੂਅਲ ਅਤੇ 6-ਸਪੀਡ ਆਟੋਮੈਟਿਕ ਗਿਅਰਬਾਕਸ ਦਾ ਵਿਕਲਪ ਦਿੱਤਾ ਗਿਆ ਹੈ। ਮਾਈਲੇਜ ਦੀ ਗੱਲ ਕਰੀਏ ਤਾਂ ਹੈਰੀਅਰ ਮੈਨੂਅਲ ਵੇਰੀਐਂਟ 'ਚ 16.80 ਕਿਲੋਮੀਟਰ ਪ੍ਰਤੀ ਲੀਟਰ ਜਦਕਿ ਆਟੋਮੈਟਿਕ ਵੇਰੀਐਂਟ 'ਚ 14.60 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦੇਣ ਦਾ ਦਾਅਵਾ ਕਰਦਾ ਹੈ।

ਟਾਟਾ ਹੈਰੀਅਰ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ ਟਾਪ ਮਾਡਲ ਲਈ 14.99 ਲੱਖ ਰੁਪਏ ਤੋਂ ਲੈ ਕੇ 25.89 ਲੱਖ ਰੁਪਏ ਤੱਕ ਹੈ। ਟਾਟਾ ਹੈਰੀਅਰ 'ਚ 12.3 ਇੰਚ ਦੀ ਟੱਚਸਕਰੀਨ ਇੰਫੋਟੇਨਮੈਂਟ ਸਿਸਟਮ ਹੈ। ਇਸ ਤੋਂ ਇਲਾਵਾ ਇਸ 'ਚ 10.25 ਇੰਚ ਦੀ ਪੂਰੀ ਡਿਜ਼ੀਟਲ ਡਰਾਈਵਰ ਡਿਸਪਲੇਅ ਵੀ ਹੈ। ਇਸ ਤੋਂ ਇਲਾਵਾ ਇਸ 'ਚ 10-ਸਪੀਕਰ ਸਾਊਂਡ ਸਿਸਟਮ, ਡਿਊਲ ਜ਼ੋਨ ਆਟੋਮੈਟਿਕ ਏਸੀ, ਵੈਂਟੀਲੇਟਿਡ ਫਰੰਟ ਸੀਟਾਂ ਅਤੇ ਪੈਨੋਰਾਮਿਕ ਸਨਰੂਫ ਵਰਗੇ ਫੀਚਰਸ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਸਟੈਂਡਰਡ 6-ਏਅਰਬੈਗਸ, 360-ਡਿਗਰੀ ਕੈਮਰਾ, ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ, ਟਾਇਰ ਪ੍ਰੈਸ਼ਰ ਮਾਨੀਟਰਿੰਗ ਸਿਸਟਮ ਅਤੇ ਐਡਵਾਂਸ ਡਰਾਈਵਰ ਅਸਿਸਟ ਸਿਸਟਮ ਵਰਗੇ ਫੀਚਰਸ ਵੀ ਇਸ 'ਚ ਮੌਜੂਦ ਹਨ। Tata Harrier ਇੱਕ ਸ਼ਕਤੀਸ਼ਾਲੀ SUV ਹੈ ਅਤੇ ਇਹ ਮਹਿੰਦਰਾ XUV 700 ਨਾਲ ਸਿੱਧਾ ਮੁਕਾਬਲਾ ਕਰੇਗੀ।