ਭਾਰਤੀ ਔਰਤ ਨੂੰ ਕੁੱਟਣ ਵਾਲਾ ਚੀਨੀ ਵਿਅਕਤੀ ਦੋਸ਼ੀ ਕਰਾਰ
- ਤਾਜ਼ਾ ਖਬਰਾਂਦੁਨੀਆ
- June 14, 2023 1:02 pm...
- No Comment
- 50
ਸਿੰਗਾਪੁਰ, 14 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਸਿੰਗਾਪੁਰ ਵਿੱਚ ਭਾਰਤੀ ਮੂਲ ਦੀ ਔਰਤ ’ਤੇ ਹਮਲਾ ਕਰਨ ਵਾਲੇ ਚੀਨੀ ਵਿਅਕਤੀ ਨੂੰ ਅਦਾਲਤ ਨੇ ਦੋਸ਼ੀ ਕਰਾਰ ਦੇ ਦਿੱਤਾ, ਜਿਸ ਨੂੰ ਜਲਦ ਹੀ ਸਜ਼ਾ ਸੁਣਾਈ ਜਾਵੇਗੀ। ਦੋ ਸਾਲ ਪਹਿਲਾਂ ਮਾਸਕ ਕਾਰਨ ਇਹ ਝਗੜਾ ਹੋਇਆ ਸੀ, ਜਿਸ ਵਿੱਚ ਚੀਨੀ ਵਿਅਕਤੀ ਨੇ ਭਾਰਤੀ ਮੂਲ ਦੀ ਔਰਤ ਦੀ ਕੁੱਟਮਾਰ ਕੀਤੀ ਤੇ ਹੁਣ ਅਦਾਲਤ ਨੇ ਉਸ ਨੂੰ ਦੋਸ਼ੀ ਕਰਾਰ ਦੇ ਦਿੱਤਾ।
ਇਹ ਘਟਨਾ ਦੋ ਸਾਲ ਪਹਿਲਾਂ ਉਸ ਸਮੇਂ ਦੀ ਹੈ, ਜਦੋਂ ਕੋਰੋਨਾ ਤੇਜ਼ੀ ਨਾਲ ਫੈਲਣ ਕਾਰਨ ਸਿੰਗਾਪੁਰ ਵਿੱਚ ਮਾਸਕ ਪਾਉਣਾ ਲਾਜ਼ਮੀ ਕੀਤਾ ਹੋਇਆ ਸੀ। ਭਾਰਤੀ ਮੂਲ ਦੀ ਨੀਤਾ ਵਿਸ਼ਣੂ ਭਾਈ ਨਾਮ ਦੀ ਮਹਿਲਾ ਨੇ ਦੱਸਿਆ ਕਿ ਉਹ ਆਮ ਤੌਰ ’ਤੇ ਤੇਜ਼ ਕਦਮਾਂ ਨਾਲ ਚਲਦੀ ਹੈ। ਇਸੇ ਤਰ੍ਹਾਂ 7 ਮਈ 2021 ਨੂੰ ਉਸ ਨੇ ਤੇਜ਼ ਕਦਮਾਂ ਨਾਲ ਚੱਲਣ ਕਾਰਨ ਸਾਹ ਚੜ੍ਹਨ ਦੇ ਚਲਦਿਆਂ ਆਪਣਾ ਮਾਸਕ ਮੂੰਹ ਤੋਂ ਥੋੜਾ ਥੱਲੇ ਕਰ ਲਿਆ। ਇਸੇ ਦੌਰਾਨ ਉੱਥੇ ਮੌਜੂਦ ਚੀਨੀ ਮੂਲ ਦੇ 32 ਸਾਲਾ ਜਿੰਗ ਫੋਂਗ ਅਤੇ ਉਸ ਦੀ ਮੰਗੇਤਰ ਚੁਆ ਯੂੰ ਹਾਨ ਨੇ ਉੱਚੀ-ਉੱਚੀ ਰੌਲ਼ਾ ਪਾਉਣਾ ਸ਼ੁਰੂ ਕਰ ਦਿੱਤਾ ਤੇ ਉਹ ਉਸ ਨਾਲ ਬਹਿਸ ਕਰਨ ਲੱਗ ਪਏ।