ਕੈਨੇਡਾ ਪੋਸਟ ਦੇ ਟਰੱਕ ਨੇ ਪੁਲਿਸ ਦੀ ਗੱਡੀ ਨੂੰ ਮਾਰੀ ਟੱਕਰ

ਟੋਰਾਂਟੋ, 14 ਜੂਨ (ਹਮਦਰਦ ਨਿਊਜ਼ ਸਰਵਿਸ) : ਕੈਨੇਡਾ ਪੋਸਟ ਦੇ ਇੱਕ ਟਰੱਕ ਨੇ ਯਾਰਕ ਰੀਜਨਲ ਪੁਲਿਸ ਦੀ ਗੱਡੀ ਨੂੰ ਪਿੱਛਿਓਂ ਜਬਰਦਸਤ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਇੱਕ ਪੁਲਿਸ ਅਧਿਕਾਰੀ ਗੰਭੀਰ ਜ਼ਖਮੀ ਹੋ ਗਿਆ। ਹਾਲਾਂਕਿ ਟਰੱਕ ਡਰਾਈਵਰ ਮੌਕੇ ’ਤੇ ਹੀ ਮੌਜੂਦ ਰਿਹਾ ਹੈ, ਪਰ ਪੁਲਿਸ ਨੇ ਹਿਰਾਸਤ ਵਿੱਚ ਨਹੀਂ ਲਿਆ।
ਟੋਰਾਂਟੋ ਪੁਲਿਸ ਨੇ ਦੱਸਿਆ ਕਿ ਇਹ ਹਾਦਸਾ ਯਾਰਕ ਰੀਜਨ ’ਚ ਹਾਈਵੇਅ 404 ਨੇੜੇ ਸਟੀਲਜ਼ ਐਵੇਨਿਊ ਵਿਖੇ ਤੜਕੇ ਲਗਭਗ ਢਾਈ ਵਜੇ ਵਾਪਰਿਆ। ਇਸ ਦੌਰਾਨ ਕੈਨੇਡਾ ਪੋਸਟ ਦਾ ਟਰੱਕ ਜਾ ਰਿਹਾ ਸੀ, ਜਿਸ ਨੇ ਅੱਗੇ ਖੜ੍ਹੀ ਪੁਲਿਸ ਦੀ ਕਰੂਜ਼ਰ ਗੱਡੀ ਨੂੰ ਪਿੱਛਿਓਂ ਭਿਆਨਕ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਯਾਰਕ ਰੀਜਨਲ ਪੁਲਿਸ ਦਾ ਸਾਰਜੈਂਟ ਗੰਭੀਰ ਜ਼ਖਮੀ ਹੋ ਗਿਆ, ਜਿਸ ਨੂੰ ਤੁਰੰਤ ਟਰੌਮਾ ਸੈਂਟਰ ਲਿਜਾਇਆ ਗਿਆ, ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ।