ਬੇਲਾਰੂਸ ਪੁੱਜੇ ਰੂਸ ਦੇ ਪਰਮਾਣੂ ਹਥਿਆਰ

ਮਾਸਕੋ, 15 ਜੂਨ, ਹ.ਬ. : ਰੂਸ ਦੇ ਪ੍ਰਮਾਣੂ ਹਥਿਆਰਾਂ ਦਾ ਭੰਡਾਰ ਹੁਣ ਬੇਲਾਰੂਸ ਤੱਕ ਪੁੱਜਣਾ ਸ਼ੁਰੂ ਹੋ ਗਿਆ ਹੈ। ਇਸ ਦੀ ਪੁਸ਼ਟੀ ਬੇਲਾਰੂਸ ਦੇ ਰਾਸ਼ਟਰਪਤੀ ਅਲੈਗਜ਼ੈਂਡਰ ਲੁਕਾਸ਼ੈਂਕੋ ਨੇ ਕੀਤੀ ਹੈ। ਰੂਸ ਦੇ ਟੀਵੀ ਚੈਨਲ ਰੋਸੀਆ ਨੂੰ ਦਿੱਤੇ ਇੰਟਰਵਿਊ ਵਿੱਚ ਉਨ੍ਹਾਂ ਕਿਹਾ ਕਿ ਸਾਡੇ ਕੋਲ ਮਿਜ਼ਾਈਲਾਂ ਅਤੇ ਬੰਬ ਹਨ। ਇਹ ਬੰਬ 1945 ’ਚ ਹੀਰੋਸ਼ੀਮਾ ਅਤੇ ਨਾਗਾਸਾਕੀ ’ਤੇ ਸੁੱਟੇ ਗਏ ਬੰਬਾਂ ਤੋਂ 3 ਗੁਣਾ ਜ਼ਿਆਦਾ ਖਤਰਨਾਕ ਹਨ। 1991 ਤੋਂ ਬਾਅਦ ਪਹਿਲੀ ਵਾਰ ਰੂਸ ਨੇ ਵਿਦੇਸ਼ੀ ਧਰਤੀ ’ਤੇ ਪ੍ਰਮਾਣੂ ਹਥਿਆਰ ਤਾਇਨਾਤ ਕੀਤੇ ਹਨ।ਲੁਕਾਸੈਂਕੋ ਨੇ ਦੱਸਿਆ ਕਿ ਇਨ੍ਹਾਂ ਪ੍ਰਮਾਣੂ ਹਥਿਆਰਾਂ ਨੂੰ ਰੱਖਣ ਲਈ ਸੋਵੀਅਤ ਸੰਘ ਦੀਆਂ 6 ਪਰਮਾਣੂ ਸੁਵਿਧਾਵਾਂ ਤੈਅ ਕੀਤੀਆਂ ਗਈਆਂ ਸਨ। ਉਨ੍ਹਾਂ ਕਿਹਾ- ਪੱਛਮੀ ਦੇਸ਼ 2020 ਤੋਂ ਸਾਨੂੰ ਕਈ ਟੁਕੜਿਆਂ ਵਿੱਚ ਤੋੜਨਾ ਚਾਹੁੰਦੇ ਹਨ। ਅਸੀਂ ਹਮੇਸ਼ਾ ਉਨ੍ਹਾਂ ਦਾ ਨਿਸ਼ਾਨਾ ਰਹੇ ਹਾਂ। ਹੁਣ ਇਹ ਬਦਲ ਜਾਵੇਗਾ।