ਟਰੰਪ ਦੇ ਸਮਰਥਕ ਨੂੰ 22 ਸਾਲ ਕੈਦ
- ਅਮਰੀਕਾ
- September 6, 2023 5:12 pm...
- No Comment
- 266
ਵਾਸ਼ਿੰਗਟਨ, 6 ਸਤੰਬਰ (ਹਮਦਰਦ ਨਿਊਜ਼ ਸਰਵਿਸ) : ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੌਨਾਲਡ ਟਰੰਪ ਦੇ ਇੱਕ ਸਮਰਥਕ ਨੂੰ ਅਦਾਲਤ ਨੇ 22 ਸਾਲ ਕੈਦ ਦੀ ਸਜ਼ਾ ਸੁਣਾ ਦਿੱਤੀ। ਉਸ ਨੂੰ ਕੈਪਿਟਲ ਹਿੱਲ ਹਿੰਸਾ ਮਾਮਲੇ ਵਿੱਚ ਕੋਰਟ ਨੇ ਇਹ ਸਜ਼ਾ ਸੁਣਾਈ। ਇਸ ਮਾਮਲੇ ਵਿੱਚ 1100 ਤੋਂ ਵੱਧ ਲੋਕਾਂ ਦੇ ਕੇਸ ਦਰਜ ਐ।
ਅਦਾਲਤ ਨੇ ਟਰੰਪ ਦੇ ਜਿਸ ਸਮਰਥਕ ਨੂੰ ਕੈਦ ਦੀ ਸਜ਼ਾ ਸੁਣਾਈ ਉਸ ਦਾ ਨਾਮ ਐਨਰਿਕ ਟੋਰਿਓ ਹੈ, ਜੋ ਕੱਟੜਪੰਥੀ ਗਰੁੱਪ ਪਰਾਊਡ ਬੁਆਇਸ ਦਾ ਸਾਬਕਾ ਲੀਡਰ ਹੈ।
ਐਨਰਿਕ ’ਤੇ 6 ਜਨਵਰੀ 2021 ਨੂੰ ਅਮਰੀਕਾ ਦੇ ਕੈਪਿਟਲ ਹਿਲ ਵਿੱਚ ਹਿੰਸਾ ਫੈਲਾਉਣ ਦੇ ਦੋਸ਼ ਵਿੱਚ ਦੇਸ਼ਧਰੋਹ ਦਾ ਕੇਸ ਦਰਜ ਕੀਤਾ ਗਿਆ ਸੀ।
ਕੈਪਿਟਲ ਹਿੱਲ ਹਿੰਸਾ ਮਾਮਲੇ ਵਿੱਚ ਇਹ ਹੁਣ ਤੱਕ ਦੀ ਸਭ ਤੋਂ ਵੱਡੀ ਸਜ਼ਾ ਹੈ। ਇਸ ਮਾਮਲੇ ਵਿੱਚ 1100 ਤੋਂ ਵੱਧ ਲੋਕਾਂ ’ਤੇ ਕੇਸ ਦਰਜ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ ਪਿਛਲੇ ਹਫ਼ਤੇ ਐਨਰਿਕ ਦੇ ਇੱਕ ਸਾਥੀ ਐਥੇਨ ਨੌਰਡਿਨ ਨੂੰ 18 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ, ਜੋ ਹੁਣ ਤੱਕ ਦੀ ਸਭ ਤੋਂ ਵੱਡੀ ਸਜ਼ਾ ਸੀ।
ਕੈਪਿਟਲ ਹਿੰਸਾ ਨਾਲ ਜੁੜੇ ਇੱਕ ਅਲੱਗ ਮਾਮਲੇ ਵਿੱਚ ਮਈ ਮਹੀਨੇ ਵਿੱਚ ਸਜ਼ਾ ਸੁਣਾਈ ਗਈ ਸੀ। ਵਾਸ਼ਿੰਗਟਨ ਦੀ ਜ਼ਿਲ੍ਹਾ ਅਦਾਲਤ ਨੇ ਤਿੰਨ ਘੰਟੇ ਤੱਕ ਚੱਲੀ ਲੰਬੀ ਸੁਣਵਾਈ ਮਗਰੋਂ ਐਨਰਿਕ ਨੂੰ ਦੋਸ਼ੀ ਠਹਿਰਾਇਆ। ਪਰਾਊਡ ਬੁਆਇਸ ਗਰੁੱਪ ਦੇ 5 ਲੋਕਾਂ ਨੂੰ ਹਿੰਸਾ ਨਾਲ ਜੁੜੇ ਦੇਸ਼ ਧਰੋਹ ਦੇ ਮਾਮਲਿਆਂ ਵਿੱਚ ਕੋਰਟ ਨੇ ਇਹ ਆਖਰੀ ਸਜ਼ਾ ਸੁਣਾਈ ਹੈ। ਹੋਰ ਤਿੰਨ ਲੋਕਾਂ ਨੂੰ 10 ਤੋਂ 17 ਸਾਲ ਵਿਚਾਲੇ ਸਜ਼ਾ ਸੁਣਾਈ ਗਈ ਸੀ।