ਨਾਈਜੀਰੀਆ ਵਿੱਚ ਵੱਡਾ ਹਾਦਸਾ, ਕਿਸ਼ਤੀ ਪਲਟਣ ਨਾਲ 26 ਮੌਤਾਂ

Nigeria Boat Accident: ਮੰਗਲਵਾਰ ਨੂੰ ਨਾਈਜੀਰੀਆ ਵਿੱਚ ਨਾਈਜਰ ਨਦੀ 'ਤੇ ਇੱਕ ਯਾਤਰੀ ਕਿਸ਼ਤੀ ਹਾਦਸੇ ਵਿੱਚ ਘੱਟੋ-ਘੱਟ 26 ਲੋਕਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਉੱਤਰੀ-ਮੱਧ ਨਾਈਜੀਰੀਆ ਵਿੱਚ ਕੋਗੀ ਰਾਜ ਦੇ ਇਬਾਜੀ ਖੇਤਰ ਵਿੱਚ ਵਾਪਰਿਆ। ਕੋਗੀ ਰਾਜ ਦੇ ਸੂਚਨਾ ਕਮਿਸ਼ਨਰ ਕਿੰਗਸਲੇ ਫੈਨਵੋ ਨੇ ਕਿਹਾ ਕਿ ਜ਼ਿਆਦਾਤਰ ਯਾਤਰੀ ਗੁਆਂਢੀ ਈਡੋ ਰਾਜ ਦੇ ਇੱਕ ਬਾਜ਼ਾਰ ਵਿੱਚ ਯਾਤਰਾ ਕਰ ਰਹੇ ਵਪਾਰੀ ਸਨ। ਹਾਦਸੇ ਦੇ ਕਾਰਨਾਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ। ਉਨ੍ਹਾਂ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਅਤੇ ਪੂਰੇ ਇਬਾਜੀ ਖੇਤਰ ਪ੍ਰਤੀ ਸੰਵੇਦਨਾ ਪ੍ਰਗਟ ਕੀਤੀ।