CID 'ਚ ACP ਪ੍ਰਦੁਮਨ ਨਾਲ ਜੁੜੀ ਵੱਡੀ ਖ਼ਬਰ ਦਾ ਖੁਲਾਸਾ

ਟੀਵੀ ਦੀ ਦੁਨੀਆਂ ਦਾ ਮਸ਼ਹੂਰ ਸ਼ੋਅ ਸੀਆਈਡੀ ਇੱਕ ਵਾਰ ਫਿਰ ਸੁਰਖੀਆਂ 'ਚ ਹੈ। ਇਸ ਵਾਰ ਗੱਲ ਹੈ ਸ਼ੋਅ ਦੇ ਸਭ ਤੋਂ ਲੋਕਪ੍ਰਿਆ ਕਿਰਦਾਰ, ਏਸੀਪੀ ਪ੍ਰਦੁਮਨ ਦੇ ਟਰੈਕ ਦੇ ਅਚਾਨਕ ਖਤਮ ਹੋਣ ਦੀ। ਇਹ ਕਿਰਦਾਰ ਅਦਾਕਾਰ ਸ਼ਿਵਾਜੀ ਸਾਤਮ ਨੇ 22 ਸਾਲ ਤੱਕ ਨਿਭਾਇਆ ਸੀ, ਪਰ ਹੁਣ ਨਿਰਮਾਤਾਵਾਂ ਵਲੋਂ ਇਸ ਟਰੈਕ ਨੂੰ ਖਤਮ ਕਰ ਦਿੱਤਾ ਗਿਆ ਹੈ।

ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਸ਼ਿਵਾਜੀ ਸਾਤਮ ਨੂੰ ਇਸ ਬਾਰੇ ਕਿਸੇ ਨੇ ਦੱਸਿਆ ਵੀ ਨਹੀਂ। ਉਨ੍ਹਾਂ ਨੇ ਆਪਣੇ ਬਿਆਨ 'ਚ ਕਿਹਾ, “ਮੈਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਮੈਂ ਸਿਰਫ਼ ਕੁਝ ਸਮੇਂ ਲਈ ਬ੍ਰੇਕ 'ਤੇ ਗਿਆ ਹਾਂ। ਨਿਰਮਾਤਾ ਹੀ ਜਾਣਦੇ ਹਨ ਕਿ ਅੱਗੇ ਕੀ ਹੋਣਾ ਹੈ।”

ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਦੀ ਨਾਰਾਜ਼ਗੀ

ਜਦੋਂ ਤੋਂ ਇਹ ਖ਼ਬਰ ਆਈ ਹੈ, ਸੋਸ਼ਲ ਮੀਡੀਆ 'ਤੇ ਫੈਨਜ਼ ਨੇ ਨਿਰਮਾਤਾਵਾਂ 'ਤੇ ਆਪਣਾ ਗੁੱਸਾ ਕੱਢਣਾ ਸ਼ੁਰੂ ਕਰ ਦਿੱਤਾ ਹੈ। ਲੋਕਾਂ ਨੇ ਕਿਹਾ ਕਿ ਏਸੀਪੀ ਪ੍ਰਦੁਮਨ ਬਿਨਾਂ ਸ਼ੋਅ ਦੀ ਕੋਈ ਪਹਿਚਾਣ ਨਹੀਂ।

ਨਿਰਮਾਤਾਵਾਂ ਵਲੋਂ ਅਧਿਕਾਰਤ ਐਲਾਨ

ਸੋਨੀ ਟੀਵੀ ਦੇ ਇੰਸਟਾਗ੍ਰਾਮ ਪੇਜ 'ਤੇ ਇੱਕ ਪੋਸਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਗਈ ਕਿ ਏਸੀਪੀ ਪ੍ਰਦੁਮਨ ਦਾ ਟਰੈਕ ਹੁਣ ਖਤਮ ਹੋ ਚੁੱਕਾ ਹੈ। ਉਨ੍ਹਾਂ ਲਿਖਿਆ, "ਏਸੀਪੀ ਪ੍ਰਦੁਮਨ ਦੀ ਪਿਆਰੀ ਯਾਦ ਵਿੱਚ... ਇੱਕ ਯੁੱਗ ਦਾ ਅੰਤ।" ਇਹ ਪੋਸਟ ਦੇਖਕੇ ਹਜ਼ਾਰਾਂ ਲੋਕ ਭਾਵੁਕ ਹੋ ਗਏ।

ਸ਼ਿਵਾਜੀ ਸਾਤਮ ਦਾ ਅੱਗੇ ਦਾ ਯੋਜਨਾ

ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਉਹ ਮਈ ਮਹੀਨੇ 'ਚ ਛੁੱਟੀ ਲੈਣ ਦੀ ਯੋਜਨਾ ਬਣਾ ਰਹੇ ਹਨ, ਕਿਉਂਕਿ ਉਨ੍ਹਾਂ ਦਾ ਪੁੱਤਰ ਵਿਦੇਸ਼ ਤੋਂ ਵਾਪਸ ਆ ਰਿਹਾ ਹੈ। ਉਨ੍ਹਾਂ ਕਿਹਾ, “ਮੈਂ ਸਾਲਾਂ ਤੱਕ ਮਿਹਨਤ ਕੀਤੀ ਹੈ। ਹੁਣ ਸਮਾਂ ਆ ਗਿਆ ਹੈ ਕਿ ਕੁਝ ਆਰਾਮ ਲਵਾਂ। ਜੇਕਰ ਟਰੈਕ ਮੁੜ ਆਉਂਦਾ ਹੈ ਤਾਂ ਚੰਗਾ, ਨਹੀਂ ਤਾਂ ਮੈਂ ਆਪਣੀ ਯਾਤਰਾ ਤੋਂ ਖੁਸ਼ ਹਾਂ।”

22 ਸਾਲਾਂ ਦੀ ਯਾਦਗਾਰ ਯਾਤਰਾ

ਸ਼ਿਵਾਜੀ ਸਾਤਮ ਨੇ ਆਖ਼ਰ 'ਚ ਕਿਹਾ, “ਮੈਂ 22 ਸਾਲਾਂ ਤੱਕ ਇਹ ਭੂਮਿਕਾ ਨਿਭਾਈ ਅਤੇ ਹਰ ਪਲ ਦਾ ਆਨੰਦ ਲਿਆ। ਇਹ ਮੇਰੇ ਲਈ ਇਕ ਸੁਹਾਵਣੀ ਯਾਤਰਾ ਰਹੀ।”