Georgian Parliament Video: ਜਾਰਜ਼ੀਆ ਦੀ ਸੰਸਦ ਬਣੀ ਜੰਗ ਦਾ ਮੈਦਾਨ, ਚੱਲੇ ਲੱਤਾਂ-ਮੁੱਕੇ, ਵੀਡੀਓ ਵਾਇਰਲ, ਜਾਣੋ ਕੀ ਹੈ ਮਾਮਲਾ?

ਜਾਰਜ਼ੀਆ (16 ਅਪ੍ਰੈਲ), ਰਜਨੀਸ਼ ਕੌਰ : ਜਾਰਜ਼ੀਆ ਦੀ ਸੰਸਦ (Georgian Parliament) 'ਚ ਸੰਸਦ ਮੈਂਬਰਾਂ ਵਿਚਾਲੇ ਹੋਈ ਲੜਾਈ ਦਾ ਵੀਡੀਓ ਵਾਇਰਲ (Watch georgian politics fighiting video) ਹੋ ਰਿਹਾ ਹੈ। ‘ਵਿਦੇਸ਼ੀ ਏਜੰਟਾਂ’ ਸਬੰਧੀ ਇੱਕ ਵਿਵਾਦਤ ਬਿੱਲ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਸੱਤਾਧਾਰੀ ਪਾਰਟੀ ਇਸ ਬਿੱਲ ਨੂੰ ਪਾਸ ਕਰਵਾਉਣਾ ਚਾਹੁੰਦੀ ਹੈ। ਜਿੱਥੇ ਇਸ ਬਿੱਲ ਦਾ ਘਰੇਲੂ ਪੱਧਰ 'ਤੇ ਵਿਰੋਧ ਹੋ ਰਿਹਾ ਹੈ, ਉੱਥੇ ਹੀ ਅੰਤਰਰਾਸ਼ਟਰੀ ਪੱਧਰ 'ਤੇ ਵੀ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ।

ਜਾਰਜੀਅਨ ਟੀਵੀ ਦੇ ਵੀਡੀਓ ਵਿੱਚ ਸੱਤਾਧਾਰੀ ਪਾਰਟੀ ਦੇ ਨੇਤਾ ਮਾਮੂਕਾ ਮਦੀਨਾਰਦਜ਼ੇ ਨੂੰ ਸੰਸਦ ਵਿੱਚ ਬੋਲਦੇ ਹੋਏ ਵਿਰੋਧੀ ਸੰਸਦ ਮੈਂਬਰ ਅਲੇਕੋ ਇਲਿਆਸ਼ਵਿਲੀ ਦੁਆਰਾ ਮੁੱਕਾ ਮਾਰਦੇ ਹੋਏ ਦਿਖਾਇਆ ਗਿਆ ਹੈ। ਇਸ ਤੋਂ ਬਾਅਦ ਸੰਸਦ ਜੰਗ ਦੇ ਮੈਦਾਨ ਵਿੱਚ ਬਦਲ ਜਾਂਦੀ ਹੈ ਅਤੇ ਦੋਵਾਂ ਪਾਸਿਆਂ ਦੇ ਕਈ ਸੰਸਦ ਮੈਂਬਰ ਆਪਸ ਵਿੱਚ ਟਕਰਾਅ ਵਿੱਚ ਘਿਰ ਜਾਂਦੇ ਹਨ। ਵੀਡੀਓ ਵਿੱਚ ਪ੍ਰਦਰਸ਼ਨਕਾਰੀਆਂ ਨੂੰ ਸੰਸਦ ਭਵਨ ਦੇ ਬਾਹਰ ਇਲਿਆਸ਼ਵਿਲੀ ਦਾ ਸਮਰਥਨ ਕਰਦੇ ਵਿਖਾਇਆ ਗਿਆ ਹੈ।

ਵੇਖੋ ਵੀਡੀਓ

A fight broke out in the Georgian parliament during the first day of discussion of the bill on “foreign agents.”

Member of the Georgian Parliament from the opposition Citizens party Alexander Elisashvili got into a fight with the executive secretary of the ruling Georgian Dream… pic.twitter.com/dzjd1SdrAC

— Ignorance, the root and stem of all evil (@ivan_8848) April 15, 2024

ਇਸ ਬਿੱਲ ਦਾ ਵਿਰੋਧ ਕਰਨ ਵਾਲੇ ਯੂਰਪੀ ਦੇਸ਼ਾਂ ਅਤੇ ਅਮਰੀਕਾ ਵਿੱਚ ਤਣਾਅ ਪੈਦਾ ਕਰ ਦਿੱਤਾ ਹੈ। ਯੂਰਪੀਅਨ ਸੰਘ ਨੇ ਕਿਹਾ, ਇਹ ਕਾਰਵਾਈ ਬਲਾਕ ਦੇ ਮੁੱਲਾਂ ਦੇ ਵਿਰੁੱਧ ਹੈ। ਦੱਸ ਦੇਈਏ ਕਿ ਸੰਘ ਨੇ ਦਸੰਬਰ ਵਿੱਚ ਜਾਰਜ਼ੀਆ ਨੂੰ ਉਮੀਦਵਾਰ ਦਾ ਦਰਜਾ (Candidate Status) ਦਿੱਤਾ ਸੀ।

ਜਾਰਜੀਅਨ ਡ੍ਰੀਮ ਕਲੇਮ

ਜਾਰਜੀਅਨ ਡ੍ਰੀਮ ਦਾ ਦਾਅਵਾ ਹੈ ਕਿ ਇਸ ਦਾ ਟੀਚਾ ਦੇਸ਼ ਨੂੰ ਯੂਰਪੀਅਨ ਸੰਘ ਅਤੇ ਨਾਟੋ ਦੋਵਾਂ ਦਾ ਮੈਂਬਰ ਬਣਾਉਣਾ ਹੈ। ਪਾਰਟੀ ਦੀ ਦਲੀਲ ਹੈ ਕਿ ਇਹ ਬਿੱਲ ਵਿਦੇਸ਼ੀਆਂ ਵੱਲੋਂ ਥੋਪੀਆਂ ਗਈਆਂ 'ਸੂਡੋ-ਉਦਾਰਵਾਦੀ ਕਦਰਾਂ-ਕੀਮਤਾਂ' ਦਾ ਮੁਕਾਬਲਾ ਕਰਨ ਅਤੇ ਪਾਰਦਰਸ਼ਤਾ ਵਧਾਉਣ ਲਈ ਜ਼ਰੂਰੀ ਹੈ।

ਜਾਰਜੀਆ ਦੀ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਪ੍ਰਧਾਨ ਮੰਤਰੀ ਇਰਾਕਲੀ ਕੋਬਾਖਿਦਜ਼ੇ ਨੇ ਸੋਮਵਾਰ ਨੂੰ ਈਯੂ, ਬ੍ਰਿਟੇਨ ਤੇ ਸੰਯੁਕਤ ਰਾਜ ਦੇ ਰਾਜਦੂਤਾਂ ਨਾਲ ਬਿੱਲ 'ਤੇ ਚਰਚਾ ਕਰਨ ਲਈ ਮੁਲਾਕਾਤ ਕੀਤੀ। ਇੱਕ ਬਿਆਨ ਵਿੱਚ, ਕੋਬਾਖਿਦਜ਼ੇ ਨੇ ਜਵਾਬਦੇਹੀ ਵਧਾਉਣ ਦੇ ਇੱਕ ਸਾਧਨ ਵਜੋਂ ਪ੍ਰਸਤਾਵਿਤ ਕਾਨੂੰਨ ਦਾ ਬਚਾਅ ਕੀਤਾ ਅਤੇ ਹੈਰਾਨੀ ਪ੍ਰਗਟਾਈ ਕਿ ਪੱਛਮੀ ਦੇਸ਼ ਇਸਦੇ ਵਿਰੁੱਧ ਕਿਉਂ ਹਨ।

ਆਲੋਚਕਾਂ ਨੇ ਇਸ ਬਿੱਲ ਨੂੰ 'ਰੂਸੀ ਕਾਨੂੰਨ' ਕਰਾਰ ਦਿੱਤਾ ਹੈ ਅਤੇ ਇਸ ਦੀ ਤੁਲਨਾ ਰੂਸ ਵਿਚ ਅਸਹਿਮਤੀ ਨੂੰ ਦਬਾਉਣ ਲਈ ਕ੍ਰੇਮਲਿਨ ਦੁਆਰਾ ਲਾਏ ਗਏ ਕਾਨੂੰਨ ਨਾਲ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਜਾਰਜੀਅਨ ਡ੍ਰੀਮ 'ਤੇ ਰੂਸ ਨਾਲ ਸਬੰਧ ਵਧਾਉਣ ਦੇ ਦੋਸ਼ ਵੀ ਲੱਗ ਰਹੇ ਹਨ।