Teachers Fight:  ਸਕੂਲ ਵਿੱਚ ਫੇਸ਼ੀਅਲ ਕਰਵਾ ਰਹੀ ਸੀ ਹੈਡਮਾਸਟਰ, ਅਧਿਆਪਕਾ ਨੇ ਬਣਾਈ ਵੀਡੀਓ ਤਾਂ ਖਾ ਗਈ ਹੱਥ

Teachers Fight Viral Vdieo : ਉਨਾਵ ਦੇ ਪ੍ਰਾਇਮਰੀ ਸਕੂਲ ਡਡਮਾਊ ‘ਚ ਹੈੱਡ ਮਾਸਟਰ ਸੰਗੀਤਾ ਸਿੰਘ ਪੜ੍ਹਾਉਣ ਦੀ ਬਜਾਏ ਰਸੋਈ ‘ਚ ‘ਫੇਸ਼ੀਅਲ’ ਕਰਵਾ ਰਹੀ ਸੀ। ਇਸ ‘ਤੇ ਸਹਾਇਕ ਅਧਿਆਪਕਾ ਅਨਮ ਖਾਨ ਨੇ ਉਸ ਦੀ ਵੀਡੀਓ ਬਣਾ ਲਈ। ਇਸ ਤੋਂ ਨਾਰਾਜ਼ ਹੋ ਕੇ ਹੈੱਡ ਮਾਸਟਰ ਸੰਗੀਤਾ ਸਿੰਘ ਨੇ ਸਹਾਇਕ ਅਧਿਆਪਕਾ ਦਾ ਸੱਜਾ ਹੱਥ ਦੰਦਾਂ ਨਾਲ ਵੱਢ ਦਿੱਤਾ। ਦੋਸ਼ ਹੈ ਕਿ ਵੀਡੀਓ ਬਣਾਉਣ ਤੋਂ ਨਾਰਾਜ਼ ਹੈੱਡ ਮਾਸਟਰ ਨੇ ਉਸ ਨਾਲ ਕੁੱਟਮਾਰ ਵੀ ਕੀਤੀ। ਪੀੜਤਾ ਨੇ ਹੈੱਡ ਮਾਸਟਰ ਖਿਲਾਫ਼ ਬਿਘਾਪੁਰ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ।

ਹੈੱਡਮਾਸਟਰ ਵਿਰੁੱਧ ਐਫਆਈਆਰ ਦਰਜ

ਸਹਾਇਕ ਅਧਿਆਪਕਾ ਦਾ ਦੋਸ਼ ਹੈ ਕਿ ਮੁੱਖ ਅਧਿਆਪਕਾ ਨੇ ਧਮਕੀ ਦਿੱਤੀ ਕਿ ਉਸਦਾ ਪਤੀ ਪਵਨ ਸਿੰਘ ਬੀਆਰਸੀ ਬੀਘਾਪੁਰ ਵਿੱਚ ਹੈ। ਮੈਂ ਤੈਨੂੰ ਇਸ ਸਕੂਲ ਵਿੱਚ ਦਾਖਲ ਨਹੀਂ ਹੋਣ ਦਿਆਂਗਾ। ਰੌਲਾ ਸੁਣ ਕੇ ਆਸ-ਪਾਸ ਦੇ ਲੋਕ ਇਕੱਠੇ ਹੋ ਗਏ ਅਤੇ ਉਹਨਾਂ ਨੇ ਮੇਰੀ ਜਾਨ ਬਚਾਈ। ਸ਼ਿਕਾਇਤ ਦੇ ਆਧਾਰ ‘ਤੇ ਪੁਲਿਸ ਨੇ ਪੀੜਤ ਅਧਿਆਪਕਾ ਦਾ ਮੈਡੀਕਲ ਕਰਵਾਇਆ ਹੈ। ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਦੋਵਾਂ ਮਾਮਲਿਆਂ ਦੇ ਪੱਖ ਨੂੰ ਲੈ ਕੇ ਰਿਪੋਰਟ ਤਿਆਰ ਕੀਤੀ ਗਈ ਹੈ। ਮੁੱਖ ਅਧਿਆਪਕ ਵਿਰੁੱਧ ਅਨੁਸ਼ਾਸਨੀ ਕਾਰਵਾਈ ਦੀ ਸਿਫ਼ਾਰਸ਼ ਕਰਦਿਆਂ ਬੀਐੱਸਏ ਨੂੰ ਰਿਪੋਰਟ ਦਿੱਤੀ ਜਾਵੇਗੀ। ਫਿਲਹਾਲ ਦੋਵੇਂ ਅਧਿਆਪਕਾਂ ਨੂੰ ਬੀਐਸਏ ਨੇ ਸਸਪੈਂਡ ਕਰ ਦਿੱਤਾ ਹੈ।

ਉੱਥੇ ਹੀ ਹੈੱਡ ਮਾਸਟਰ ਨੇ ਦੱਸਿਆ ਕਿ ਤੇਜ਼ ਹਵਾ ਚੱਲਣ ਕਾਰਨ ਉਸ ਦੀਆਂ ਅੱਖਾਂ ਵਿੱਚ ਮਿੱਟੀ ਪੈ ਗਈ ਸੀ। ਉਸ ਨੂੰ ਉਹ ਸਾਫ ਕਰ ਰਹੀ ਸੀ। ਕੁੱਟਮਾਰ ਤੇ ਹੱਥ ਕੱਟਣ ਦਾ ਦੋਸ਼ ਗ਼ਲਤ ਹੈ।

ਮਾਮਲਾ ਥਾਣੇ ਪੁੱਜਾ ਤਾਂ ਸਥਾਨਕ ਅਧਿਆਪਕ ਆਗੂ ਹਾਜ਼ਰ ਹੋ ਗਏ ਅਤੇ ਮਾਮਲੇ ਵਿਚ ਸਮਝੌਤਾ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਪੀੜਤ ਅਧਿਆਪਕ ਨਹੀਂ ਮੰਨੀ। ਇਸ ਸਬੰਧੀ ਮੁੱਖ ਅਧਿਆਪਕਾ ਨੇ ਪੁਲਿਸ ਨੂੰ ਅਪੀਲ ਦਿੱਤਾ ਹੈ, ਜਿਸ ’ਤੇ ਪੁਲਿਸ ਨੇ ਮੈਡੀਕਲ ਕਰਵਾਉਣ ਲਈ ਭੇਜ ਦਿੱਤਾ ਹੈ।