Gold Price : ਹੁਣ ਉਹ ਦਿਨ ਦੂਰ ਨਹੀਂ... ਜਦੋਂ 1 ਲੱਖ ਦੇ ਪਾਰ ਹੋ ਜਾਵੇਗਾ ਸੋਨਾ

ਨਵੀਂ ਦਿੱਲੀ (17 ਅਪ੍ਰੈਲ), ਰਜਨੀਸ਼ ਕੌਰ : ਸੋਨੇ ਦੀਆਂ ਕੀਮਤਾਂ (Gold Price) ਵਿੱਚ ਤੂਫਾਨੀ ਤੇਜੀ ਜਾਰੀ ਹੈ। ਭਾਰਤ ਵਿੱਚ ਸੋਨੇ ਦੀ ਕੀਮਤ 70,000 ਦੇ ਕਰੀਬ ਪਹੁੰਚ ਗਈ ਹੈ। ਆਲਮੀ ਵਿਕਾਸ ਦੇ ਵਿਚਕਾਰ, ਵਿਆਹਾਂ ਦਾ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ, ਸੋਨੇ ਦੀਆਂ ਕੀਮਤਾਂ ਨਵੇਂ ਸਿਖਰ 'ਤੇ ਪਹੁੰਚ ਰਹੀਆਂ ਹਨ ਅਤੇ ਫਿਲਹਾਲ ਇਨ੍ਹਾਂ ਦੇ ਘੱਟਣ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਜੀ ਹਾਂ, ਰਿਪੋਰਟ ਮੁਤਾਬਕ ਸੋਨੇ ਦੀਆਂ ਕੀਮਤਾਂ 'ਚ ਹੋਰ ਵਾਧਾ ਹੋਵੇਗਾ ਅਤੇ 25 ਫੀਸਦੀ ਦਾ ਵਾਧਾ ਵੇਖਿਆ ਜਾ ਸਕਦਾ ਹੈ।

3000 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚੇਗਾ ਸੋਨਾ

ਵੌਲ ਸਟਰੀਟ ਜਰਨਲ ਦੀ ਰਿਪੋਰਟ ਮੁਤਾਬਕ ਰਿਸਰਚ ਫਰਮ ਸਿਟੀ ਨੇ ਸੋਨੇ ਦੀਆਂ ਕੀਮਤਾਂ ਨੂੰ ਲੈ ਕੇ ਅਨੁਮਾਨ ਜਾਰੀ ਕੀਤਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਅੰਤਰਰਾਸ਼ਟਰੀ ਸੋਨੇ ਦੀ ਕੀਮਤ 3,000 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚ ਸਕਦੀ ਹੈ ਅਤੇ ਪੀਲੀ ਧਾਤੂ ਦੀ ਤੇਜ਼ ਰਫਤਾਰ ਨੂੰ ਵੇਖਦੇ ਹੋਏ, ਇਹ ਸਿਰਫ਼ 6 ਤੋਂ 18 ਮਹੀਨਿਆਂ ਵਿੱਚ ਵੇਖਿਆ ਜਾ ਸਕਦਾ ਹੈ। ਸਿਟੀ ਦੇ ਅਨੁਸਾਰ ਫਿਲਹਾਲ ਸੋਨੇ ਦੀਆਂ ਕੀਮਤਾਂ ਵਿੱਚ ਰਾਹਤ ਦੀ ਕੋਈ ਉਮੀਦ ਨਹੀਂ ਹੈ।

US Fed ਦਾ ਸੋਨੇ ਦਾ ਕੁਨੈਕਸ਼ਨ

ਮੰਗਲਵਾਰ ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਸੋਨੇ ਦੀ ਭਵਿੱਖੀ ਕੀਮਤ ਸਵੇਰੇ ਤੇਜ਼ੀ ਨਾਲ ਵਧਦੀ ਨਜ਼ਰ ਆ ਰਹੀ ਸੀ ਅਤੇ ਇਹ 2371.40 ਡਾਲਰ ਪ੍ਰਤੀ ਔਂਸ 'ਤੇ ਕਾਰੋਬਾਰ ਕਰ ਰਹੀ ਸੀ। ਰਿਪੋਰਟ ਮੁਤਾਬਕ ਪਿਛਲੇ 19 ਦਿਨਾਂ 'ਚੋਂ ਸੋਨੇ ਦੀ ਕੀਮਤ 16 ਦਿਨਾਂ ਤੋਂ ਲਗਾਤਾਰ ਵਧੀ ਹੈ ਅਤੇ ਇਸ 'ਚ 15 ਫੀਸਦੀ ਦਾ ਉਛਾਲ ਵੇਖਿਆ ਗਿਆ ਹੈ। ਸਿਟੀ ਰਿਪੋਰਟ ਮੁਤਾਬਕ ਆਉਣ ਵਾਲੇ 6-18 ਮਹੀਨਿਆਂ 'ਚ ਸੋਨੇ ਦੀ ਕੀਮਤ 'ਚ 25 ਫੀਸਦੀ ਤੱਕ ਦਾ ਵਾਧਾ ਦੇਖਿਆ ਜਾ ਸਕਦਾ ਹੈ। 2024 ਦੇ ਦੂਜੇ ਅੱਧ ਵਿੱਚ ਇਹ 2,500 ਪ੍ਰਤੀ ਔਂਸ ਡਾਲਰ ਨੂੰ ਪਾਰ ਕਰ ਜਾਵੇਗਾ। ਸਿਟੀ ਨੇ ਕਿਹਾ ਹੈ ਕਿ ਯੂਐਸ ਫੈਡਰਲ ਰਿਜ਼ਰਵ (ਯੂਐਸ ਫੈੱਡ) ਦੁਆਰਾ ਦਰਾਂ ਵਿੱਚ ਕਟੌਤੀ ਅਤੇ ਖਜ਼ਾਨਾ ਵਿੱਚ ਤੇਜ਼ੀ ਕਾਰਨ ਸੋਨਾ 3,000 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚ ਸਕਦਾ ਹੈ।

ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਸੋਨੇ ਦੀ ਕੀਮਤ ਦਾ ਇਹ ਹੈ ਗਣਿਤ

ਜ਼ਿਕਰਯੋਗ ਹੈ ਕਿ 1 ਔਂਸ 'ਚ ਲਗਭਗ 28 ਗ੍ਰਾਮ ਹੁੰਦੇ ਹਨ ਅਤੇ ਜੇ ਇਸ ਹਿਸਾਬ ਨਾਲ ਵੇਖਿਆ ਜਾਵੇ ਤਾਂ ਜਦੋਂ ਅੰਤਰਰਾਸ਼ਟਰੀ ਪੱਧਰ 'ਤੇ 1 ਔਂਸ ਸੋਨੇ ਦੀ ਕੀਮਤ 2300 ਡਾਲਰ ਦੇ ਕਰੀਬ ਹੈ ਤਾਂ ਭਾਰਤ 'ਚ ਇਸ ਸਮੇਂ 10 ਗ੍ਰਾਮ ਸੋਨੇ ਦੀ ਕੀਮਤ ਹੈ। ਲਗਪਗ 73,300 ਰੁਪਏ ਅਤੇ ਇਸ ਹਿਸਾਬ ਨਾਲ ਇਕ ਤੋਲਾ ਸੋਨਾ ਲਗਭਗ 87000 ਰੁਪਏ ਬਣਦਾ ਹੈ। ਅਜਿਹੇ 'ਚ 1 ਔਂਸ ਜਾਂ 28 ਗ੍ਰਾਮ ਸੋਨੇ ਦੀ ਕੀਮਤ ਕਰੀਬ 1.8 ਲੱਖ ਰੁਪਏ ਹੈ। ਰਿਪੋਰਟ 'ਚ ਦਿੱਤੇ ਜਾ ਰਹੇ ਅੰਦਾਜ਼ੇ ਮੁਤਾਬਕ ਜੇਕਰ ਸੋਨੇ ਦੀ ਕੀਮਤ 3000 ਡਾਲਰ ਪ੍ਰਤੀ ਔਂਸ ਦੇ ਨੇੜੇ ਪਹੁੰਚ ਜਾਂਦੀ ਹੈ ਤਾਂ ਭਾਰਤ 'ਚ 10 ਗ੍ਰਾਮ ਸੋਨੇ ਦੀ ਕੀਮਤ 100,000 ਰੁਪਏ ਨੂੰ ਪਾਰ ਕਰ ਜਾਵੇਗੀ।

ਇਹ ਵੀ ਖਬਰ ਪੜ੍ਹੋ

ਰਾਜ ਮੰਦਰ ਹੀ ਨਹੀਂ, ਦੇਸ਼ ਦੇ ਇਨ੍ਹਾਂ 8 ਮੰਦਰਾਂ ‘ਚ ਵੀ ਮੂਰਤੀ ਦਾ ਹੋਇਆ ਹੈ ਸੂਰਜ ਤਿਲਕ

ਬੁੱਧਵਾਰ ਨੂੰ ਰਾਮਨਵਮੀ ਦੇ ਮੌਕੇ ‘ਤੇ ਅਯੁੱਧਿਆ ਦੇ ਰਾਮ ਮੰਦਰ (Ram Mandir) ‘ਚ ਰਾਮਲਲਾ ਦੀ ਮੂਰਤੀ ‘ਤੇ ਸੂਰਜ-ਤਿਲਕ ਲਗਾਇਆ ਗਿਆ। ਇਹ ਸੂਰਜ-ਤਿਲਕ (Surya Tilak) ਸੂਰਜ ਤੋਂ ਆਉਣ ਵਾਲੀਆਂ ਕਿਰਨਾਂ ਦਾ ਸੀ। ਜਿਸ ਵਿੱਚ ਕਿਰਨਾਂ ਪ੍ਰਤੀਬਿੰਬਤ ਹੋ ਕੇ ਭਗਵਾਨ ਰਾਮ ਦੀ ਮੂਰਤੀ ਤੱਕ ਪਹੁੰਚੀਆਂ। ਭਗਵਾਨ ਰਾਮ ਨੂੰ ਸੂਰਜਵੰਸ਼ੀਆਂ ਦਾ ਵੰਸ਼ਜ ਮੰਨਿਆ ਜਾਂਦਾ ਹੈ, ਇਸ ਲਈ ਇਸ ਸੂਰਜ ਤਿਲਕ ਦਾ ਵਿਸ਼ੇਸ਼ ਮਹੱਤਵ ਹੈ।

ਇੱਕ ਨਿੱਜੀ ਸਮਾਚਾਰ ਏਜੰਸੀ ਦੀ ਰਿਪੋਰਟ ਮੁਤਾਬਕ ਆਈਆਈਟੀ-ਰੁੜਕੀ ਦੇ ਵਿਗਿਆਨੀਆਂ ਨੇ ਅਯੁੱਧਿਆ ਦੇ ਰਾਮਲਲਾ ਮੰਦਰ ਵਿੱਚ ਸੂਰਜ ਤਿਲਕ ਯੰਤਰ ਦਾ ਡਿਜ਼ਾਈਨ ਤਿਆਰ ਕੀਤਾ ਹੈ। ਉਹਨਾਂ ਨੇ ਰਾਮ ਨੌਮੀ ‘ਤੇ ਰਾਮਲਲਾ ਦੇ ਮੱਥੇ ‘ਤੇ ਸੂਰਜ ਦੀਆਂ ਕਿਰਨਾਂ ਨੂੰ ਸਹੀ ਢੰਗ ਨਾਲ ਲਾਉਣ ਲਈ ਉੱਚ ਗੁਣਵੱਤਾ ਵਾਲੇ ਲੈਂਸਾਂ ਵਾਲੇ ਉਪਕਰਣਾਂ ਦੀ ਵਰਤੋਂ ਕੀਤੀ। ਹਾਲਾਂਕਿ ਰਾਮ ਮੰਦਰ ਤੋਂ ਪਹਿਲਾਂ ਵੀ ਦੇਸ਼ ਦੇ ਕਈ ਮੰਦਰਾਂ ‘ਚ ਇਸ ਤਕਨੀਕ ਦੀ ਵਰਤੋਂ ਕੀਤੀ ਜਾ ਚੁੱਕੀ ਹੈ।

ਆਓ ਜਾਣੋ ਹਾਂ ਉਹਨਾਂ ਮੰਦਰਾਂ ਦੇ ਨਾਮ ਜਿੱਥੇ ਕੀਤਾ ਗਿਆ ਹੈ ਸੂਰਜ ਤਿਲਕ

ਸੂਰਿਆਨਾਰ ਕੋਵਿਲ ਮੰਦਰ (ਤਾਮਿਲਨਾਡੂ): ਸੂਰਜ ਨੂੰ ਸਮਰਪਿਤ 11-12ਵੀਂ ਸਦੀ ਦਾ ਮੰਦਰ, ਇਸ ਤਰੀਕੇ ਨਾਲ ਤਿਆਰ ਕੀਤਾ ਗਿਆ ਹੈ ਕਿ ਸਾਲ ਦੇ ਕੁਝ ਸਮੇਂ ਦੌਰਾਨ ਸੂਰਜ ਦੀ ਰੌਸ਼ਨੀ ਮੰਦਰ ਦੇ ਖਾਸ ਬਿੰਦੂਆਂ ਨਾਲ ਜੁੜਦੀ ਹੈ ਅਤੇ ਸੂਰਿਆਨਾਰ (ਸੂਰਜ) ‘ਤੇ ਸੂਰਜ ਦੀ ਰੌਸ਼ਨੀ ਪੈਂਦੀ ਹੈ।