ਭਾਰਤ ਸਰਕਾਰ ਦੀ ਨਵੀਂ ਸਕੀਮ, ਘਰ ਬੈਠੇ ਕਮਾਓ ਪੈਸੇ, 100 ਰੁਪਏ ਲਾ ਕੇ ਵੀ ਬਣ ਸਕਦੇ ਹੋ ਹਿੱਸੇਦਾਰ

ਜਦੋਂ ਮਰਜ਼ੀ ਖ਼ਰੀਦੋ ਤੇ ਜਦੋਂ ਮਰਜ਼ੀ ਵੇਚੋ

ਨਵੀਂ ਦਿੱਲੀ: ਕੀ ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਘਰ ਬੈਠੇ–ਬੈਠੇ ਵੀ ਸੜਕਾਂ ਉਤੇ ਬਣੇ ਟੋਲ ਪਲਾਜ਼ਾ ਆਮਦਨ ਵੀ ਕਮਾ ਸਕਦੇ ਹੋ। ਜੀ ਹਾਂ, ਕੇਂਦਰ ਸਰਕਾਰ ਦੀ ਯੋਜਨਾ ਮੁਤਾਬਕ ਇਹ ਸਭ ਸੰਭਵ ਹੈ ਇਨਫਰਾਸਟ੍ਰਕਚਰ ਇਨਵੈਸਟਮੈਂਟ ਟਰੱਸਟ ਰਾਹੀਂ ਤੁਸੀਂ ਅਜਿਹਾ ਕਰ ਸਕਦੇ ਹੋ। ਇਹ ਭਾਰਤ ਸਰਕਾਰ ਦੀ ਯੋਜਨਾ ਹੈ, ਜਿਸ ਵਿਚ ਤੁਸੀਂ 60 ਜਾਂ 100 ਰੁਪਏ ਦੀ ਥੋੜ੍ਹੀ ਰਕਮ ਨਾਲ ਹਾਈਵੇਆਂ ਅਤੇ ਟੋਲ ਪਲਾਜ਼ਿਆਂ ਵਿਚ ਹਿੱਸਾ ਖਰੀਦ ਸਕਦੇ ਹੋ ਅਤੇ ਟੋਲ ਫੀਸ ਤੋਂ ਆਉਣ ਵਾਲੀ ਆਮਦਨ ਆਪਣੇ ਖਾਤੇ ਵਿਚ ਲੈ ਸਕਦੇ ਹੋ। ਇਹ ਉਸੇ ਤਰ੍ਹਾਂ ਹੈ ਜਿਵੇਂ ਤੁਸੀਂ ਬੈਂਕ ਵਿਚ ਫਿਕਸਡ ਡਿਪਾਜ਼ਿਟ ਰੱਖ ਕੇ ਵਿਆਜ ਲੈਂਦੇ ਹੋ, ਪਰ ਇਥੇ ਰਿਟਰਨ ਵਧੀਆ ਹੋ ਸਕਦੀ ਹੈ।

ਦਰਅਸਲ, InvIT ਇੱਕ ਟਰੱਸਟ ਹੈ ਜੋ 'ਸੇਬੀ' ਭਾਵ ਸਟਾਕ ਐਕਸਚੇਂਜ ਬੋਰਡ ਆਫ ਇੰਡੀਆ ਵੱਲੋਂ ਰੈਗੂਲੇਟ ਕੀਤਾ ਜਾਂਦਾ ਹੈ ਅਤੇ ਸਟਾਕ ਐਕਸਚੇਂਜ ਐਨਐਸਈ ਜਾਂ ਬੀਐਸਈ ਉਤੇ ਲਿਸਟ ਹੁੰਦਾ ਹੈ। ਇਹ ਟਰੱਸਟ ਪਹਿਲਾਂ ਤੋਂ ਬਣੀਆਂ ਹੋਈਆਂ ਸੜਕਾਂ ਅਤੇ ਟੋਲ ਪਲਾਜ਼ਿਆਂ ਨੂੰ ਖਰੀਦਦਾ ਹੈ ਜੋ ਪਹਿਲਾਂ ਹੀ ਟੋਲ ਇਕੱਠਾ ਕਰ ਰਹੀਆਂ ਹਨ। ਫਾਸਟੈਗ ਰਾਹੀਂ ਲੋਕਾਂ ਤੋਂ ਇਕੱਠੀ ਟੋਲ ਫੀਸ ਟਰੱਸਟ ਆਪਣੇ ਖਾਤੇ ਵਿਚ ਰੱਖਦਾ ਹੈ। ਇਸ ਵਿਚੋਂ 90% ਤੋਂ ਵੱਧ ਪੈਸਾ ਉਨ੍ਹਾਂ ਯੂਨਿਟ ਧਾਰਕਾਂ ਵਿਚ ਵੰਡ ਦਿੱਤਾ ਜਾਂਦਾ ਹੈ, ਜਿਨ੍ਹਾਂ ਨੇ ਇਸ ਵਿੱਚ ਆਪਣਾ ਧਨ ਲਾਇਆ ਹੁੰਦਾ ਹੈ। ਇਸ ਲਈ ਤੁਹਾਨੂੰ ਸਹਰ ਤਿੰਨ ਮਹੀਨਿਆਂ ਬਾਅਦ ਆਮਦਨ ਮਿਲਦੀ ਹੈ।

ਇਹ ਮਿਉਚੁਅਲ ਫੰਡ ਜਾਂ ਆਰਈਆਈਟੀਜ਼ ਵਾਂਗ ਕੰਮ ਕਰਦਾ ਹੈ। ਤੁਸੀਂ ਇਸ ਵਿਚ ਯੂਨਿਟ ਖਰੀਦਦੇ ਹੋ ਅਤੇ ਟੋਲ ਤੋਂ ਆਉਣ ਵਾਲੀ ਆਮਦਨ ਤੁਹਾਡੀ ਹੋ ਜਾਂਦੀ ਹੈ।

InvITs ਦੀਆਂ ਦੋ ਮੁੱਖ ਕਿਸਮਾਂ ਹਨ:

ਨਿੱਜੀ InvITs: ਇਹ ਧਨੀ ਲੋਕਾਂ ਲਈ ਹਨ। ਇਨ੍ਹਾਂ ਵਿਚ ਵੱਡੀ ਰਕਮ ਲਗਾਉਣੀ ਪੈਂਦੀ ਹੈ ਅਤੇ ਇਹ ਲਿਸਟ ਨਹੀਂ ਹੁੰਦੀਆਂ।

ਜਨਤਕ InvITs: ਇਹ ਆਮ ਆਦਮੀ ਲਈ ਹਨ। ਇਹ ਸਟਾਕ ਐਕਸਚੇਂਜ ਉਤੇ ਲਿਸਟ ਹੁੰਦੀਆਂ ਹਨ ਅਤੇ ਤੁਸੀਂ ਡੀਮੈਟ ਖਾਤੇ ਰਾਹੀਂ ਘਰ ਬੈਠੇ ਖਰੀਦ ਸਕਦੇ ਹੋ। ਉਦਾਹਰਣ ਵਜੋਂ IRB InvIT (ਇੱਕ ਵੱਡਾ ਰੋਡ ਟਰੱਸਟ) ਅਤੇ ਨਵਾਂ NHAI ਵਾਲਾ Raajmarg InvIT (ਜੋ ਮਾਰਚ 2026 ਵਿਚ ਲਿਸਟ ਹੋ ਰਿਹਾ ਹੈ)। ਇਨ੍ਹਾਂ ਵਿਚ ਤੁਸੀਂ ਛੋਟੀ ਰਕਮ ਨਾਲ ਹਿੱਸਾ ਲੈ ਸਕਦੇ ਹੋ।

ਹਰ ਤਿੰਨ ਮਹੀਨੇ ਬਾਅਦ ਪੈਸਾ ਖਾਤੇ ਵਿਚ ਆਉਂਦਾ ਹੈ। ਇਸ ਲਈ ਰਿਟਾਇਰਮੈਂਟ ਜਾਂ ਐਕਸਟਰਾ ਆਮਦਨ ਲਈ ਵਧੀਆ ਹੈ। ਬੈਂਕ ਦੀ ਐਫ਼ਡੀ ਵਿਚ ਵੀ ਹਜ਼ਾਰਾਂ ਲੱਗਦੇ ਹਨ, ਇਥੇ 100 ਰੁਪਏ ਦੀ ਆਮਦਨ ਨਾਲ ਵੀ ਟੋਲ ਆਮਦਨ ਸ਼ੁਰੂ ਹੋ ਜਾਂਦੀ ਹੈ। ਟੋਲ ਰੇਟ ਸਮੇਂ ਨਾਲ ਵਧਦੀਆਂ ਹਨ, ਇਸ ਲਈ ਤੁਹਾਡੀ ਆਮਦਨ ਵੀ ਵਧਦੀ ਰਹਿੰਦੀ ਹੈ।

ਆਮ ਤੌਰ ਤੇ ਸਾਲਾਨਾ 8 ਫ਼ੀ ਸਦੀ ਤੋਂ 12 ਫ਼ੀ ਸਦੀ ਤੱਕ ਰਿਟਰਨ ਮਿਲ ਸਕਦਾ ਹੈ। ਇਹ ਬੈਂਕ ਦੀ ਐਫ਼ਡੀ ਤੋਂ ਵਧੀਆ ਹੋ ਸਕਦਾ ਹੈ। ਉਦਾਹਰਣ ਵਜੋਂ IRB InvIT ਵਿਚ ਇਸ ਵੇਲੇ ਲਗਭਗ 10% ਤੱਕ ਡਿਵੀਡੈਂਡ ਯੀਲਡ ਹੈ।

ਘਰ ਬੈਠੇ ਮੋਬਾਈਲ ਐਪ ਰਾਹੀਂ ਖਰੀਦ ਅਤੇ ਵੇਚ ਸਕਦੇ ਹੋ। ਪਰ ਕੋਈ ਵੀ ਨਿਵੇਸ਼ ਬਿਨਾਂ ਰਿਸਕ ਤੋਂ ਨਹੀਂ ਹੁੰਦਾ। ਇਥੇ ਜੋਖਮ ਇਹ ਹਨ:

ਟ੍ਰੈਫਿਕ ਘੱਟ ਹੋਵੇ ਤਾਂ ਟੋਲ ਆਮਦਨ ਘੱਟ ਹੋ ਸਕਦੀ ਹੈ। ਮਹਿੰਗਾਈ ਜਾਂ ਆਰਥਿਕ ਮੰਦੀ ਕਾਰਨ ਰੋਡ ਤੇ ਗੱਡੀਆਂ ਘੱਟ ਆਉਣ। ਟਰੱਸਟ ਤੇ ਕਰਜ਼ਾ ਹੋਵੇ ਤਾਂ ਉਸ ਦਾ ਅਸਰ ਪੈ ਸਕਦਾ ਹੈ। ਇਸ ਲਈ ਆਪਣੀ ਪੂਰੀ ਰਕਮ ਇੱਕੋ ਥਾਂ ਨਾ ਲਗਾਓ। ਥੋੜ੍ਹੀ-ਥੋੜ੍ਹੀ ਕਰ ਕੇ ਨਿਵੇਸ਼ ਕਰੋ।

ਟੋਲ ਪਲਾਜ਼ਿਆਂ ਦਾ ਸ਼ੇਅਰ ਖ਼ਰੀਦਣ ਲਈ ਡੀਮੈਟ ਖਾਤਾ ਖੋਲ੍ਹੋ। ਆਪਣੇ ਫੋਨ 'ਤੇ ਜ਼ੀਰੋਧਾ, ਗ੍ਰੋਅ, ਅਪਸਟੌਕਸ ਜਾਂ ਆਈਸੀਆਈਸੀਆਈ ਡਾਇਰੈਕਟ ਵਰਗੀ ਐਪ ਡਾਊਨਲੋਡ ਕਰੋ। ਆਧਾਰ ਅਤੇ ਪੈਨ ਕਾਰਡ ਨਾਲ 5-10 ਮਿੰਟ ਵਿਚ ਖਾਤਾ ਖੁੱਲ੍ਹ ਜਾਵੇਗਾ।

ਐਪ ਵਿਚ “IRB InvIT” ਜਾਂ “Raajmarg InvIT” (ਨਵਾਂ NHAI ਵਾਲਾ) ਲਿਖ ਕੇ ਲੱਭੋ। ਜਿਵੇਂ ਤੁਸੀਂ ਸਟਾਕ ਖਰੀਦਦੇ ਹੋ, ਉਸੇ ਤਰ੍ਹਾਂ ਖਰੀਦੋ। ਘੱਟ ਰਕਮ ਨਾਲ ਵੀ ਖਰੀਦ ਸਕਦੇ ਹੋ। ਜਦੋਂ ਚਾਹੋ ਵੇਚ ਕੇ ਪੈਸਾ ਬੈਂਕ ਖਾਤੇ ਵਿਚ ਲੈ ਲਓ।

ਜੇ ਤੁਹਾਨੂੰ ਬਿਲਕੁਲ ਟੋਲ ਵਾਲੀ ਆਮਦਨ ਚਾਹੀਦੀ ਹੈ ਪਰ ਰਿਸਕ ਘੱਟ ਚਾਹੀਦਾ ਹੈ ਤਾਂ ਐਨਐਚਏਆਈ ਟੈਕਸ-ਮੁਕਤ ਬਾਂਡ ਵਿਚ ਘੱਟੋ-ਘੱਟ 10,000 ਰੁਪਏ ਲਗਾ ਸਕਦੇ ਹੋ। ਇਹ ਵੀ ਸੜਕਾਂ ਤੋਂ ਆਮਦਨ ਦਿੰਦਾ ਹੈ ਅਤੇ ਟੈਕਸ ਤੋਂ ਬਚਾਅ ਵੀ ਹੈ। ਬੈਂਕ ਜਾਂ ਪੋਸਟ ਆਫਿਸ ਰਾਹੀਂ ਖਰੀਦ ਸਕਦੇ ਹੋ।

ਟੋਲ ਰਾਹੀਂ ਆਮਦਨ ਕਮਾਉਣਾ ਇੱਕ ਵਧੀਆ ਤਰੀਕਾ ਹੈ ਜੇ ਤੁਸੀਂ ਲੰਬੇ ਸਮੇਂ ਲਈ ਨਿਵੇਸ਼ ਕਰਨਾ ਚਾਹੁੰਦੇ ਹੋ। ਪਰ ਯਾਦ ਰੱਖੋ – ਇਹ ਬੈਂਕ FD ਵਾਂਗ ਸੁਰੱਖਿਅਤ ਨਹੀਂ ਹੈ। ਪਹਿਲਾਂ ਆਪਣੀ ਆਮਦਨ, ਖਰਚ ਅਤੇ ਰਿਸਕ ਬਰਦਾਸ਼ਤ ਕਰਨ ਦੀ ਤਾਕਤ ਚੈੱਕ ਕਰੋ। ਛੋਟੀ ਰਕਮ ਤੋਂ ਸ਼ੁਰੂ ਕਰੋ ਅਤੇ ਬਾਅਦ ਵਿਚ ਵਧਾਓ। ਲੋੜ ਪੈਣ ਤੇ ਕਿਸੇ ਫਾਈਨੈਂਸ਼ੀਅਲ ਐਡਵਾਈਜ਼ਰ ਨਾਲ ਗੱਲ ਕਰ ਲਓ।

ਜੇ ਤੁਸੀਂ ਇਸ ਰਾਹੀਂ ਨਿਵੇਸ਼ ਕਰਨਾ ਚਾਹੁੰਦੇ ਹੋ ਤਾਂ ਅੱਜ ਹੀ ਡੀਮੈਟ ਖਾਤਾ ਖੋਲ੍ਹੋ ਅਤੇ IRB ਜਾਂ NHAI ਵਾਲੇ InvIT ਵਿਚ ਥੋੜ੍ਹੀ ਰਕਮ ਲਗਾ ਕੇ ਟੋਲ ਤੋਂ ਆਮਦਨ ਸ਼ੁਰੂ ਕਰੋ। ਇਹ ਤੁਹਾਡੀ ਭਵਿੱਖ ਦੀ ਆਮਦਨ ਲਈ ਇੱਕ ਵਧੀਆ ਕਦਮ ਹੋ ਸਕਦਾ ਹੈ।