ਜਾਣੋ ਕਿਵੇਂ ਵੱਡੇ ਤਾਂਤਰਿਕਾਂ ਨੇ ਲੁੱਟੇ ਕਰੋੜਾਂ ਰੁਪਏ

ਨਵੀਂ ਦਿੱਲੀ: ਅੱਜ ਦੇ ਵਿਗਿਆਨਕ ਯੁੱਗ ਵਿੱਚ ਵੀ ਪੜ੍ਹੇ-ਲਿਖੇ ਅਤੇ ਅਲੀਤ ਲੋਕ ਧੋਖੇ ਦਾ ਸ਼ਿਕਾਰ ਹੋ ਰਹੇ ਹਨ। ਇੱਕ ਨਵਾਂ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਪਰਿਵਾਰ ਨੂੰ ਅੰਧਵਿਸ਼ਵਾਸ ਇਸ ਲਈ ਮਹਿੰਗਾ ਪੈ ਗਿਆ ਕਿਉਂਕਿ ਅੰਧਵਿਸ਼ਵਾਸ ਖਾਤਰ ਓਨ੍ਹਾਂ ਨੂੰ 1 ਕਰੋੜ ਦੀ ਕੀਮਤ ਦੇਣੀ ਪਈ। ਭੂਤ ਭੱਜਾਉਣ ਦੇ ਲਈ ਅਤੇ ਪੂਜਾ ਅਰਚਨਾ ਦੇ ਨਾਂ 'ਤੇ ਇੱਕ ਪਰਿਵਾਰ ਨਾਲ ਕਰੋੜਾਂ ਰੁਪਏ ਦੀ ਠੱਗੀ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਧੋਖਾਧੜੀ ਸੱਭ ਤੋਂ ਅਲੀਟ ਕਹੇ ਜਾਣ ਵਾਲੇ ਇਲਾਕੇ 'ਚ ਹੋਈ ਹੈ। ਇਸ ਘਟਨਾ ਬਾਰੇ ਜਾਣਕਾਰੀ ਦਿੰਦੀਆਂ ਪੀੜਤ ਸ਼ਕੁੰਤਲਾ ਬਾਤਵ ਨੇ ਪੁਲਿਸ ਨੂੰ ਦੱਸਿਆ ਕਿ ਪਿਛਲੇ ਕੁੱਝ ਸਾਲਾਂ ਦੌਰਾਨ ਤਿੰਨ ਧੋਖੇਬਾਜ਼ਾਂ ਨੇ ਮਿਲ ਕੇ ਉਸ ਨਾਲ ਠੱਗੀ ਮਾਰੀ ਹੈ। ਧੋਖੇਬਾਜ਼ਾਂ ਵਿੱਚ ਦੋ ਸਕੇ ਭਰਾ ਅਤੇ ਉਨ੍ਹਾਂ ਦਾ ਇੱਕ ਦੋਸਤ ਸ਼ਾਮਲ ਹੈ। ਧੋਖਾਧੜੀ ਦਾ ਸ਼ਿਕਾਰ ਹੋਈ ਸ਼ਕੁੰਤਲਾ ਅਨੁਸਾਰ ਪੂਜਾ ਦੇ ਨਾਂ 'ਤੇ ਉਸ ਨਾਲ ਇਕ ਕਰੋੜ ਰੁਪਏ ਤੋਂ ਵੱਧ ਦੀ ਠੱਗੀ ਮਾਰੀ ਗਈ ਹੈ। ਸ਼ਕੁੰਤਲਾ ਦੇਵੀ ਨੇ ਪੁਲਿਸ ਨੂੰ ਦੱਸਿਆ ਕਿ ਅਰੁਣ ਦੁਬੇ ਅਤੇ ਵਰੁਣ ਦੂਬੇ ਨਾਮ ਦੇ ਦੋ ਸਕੇ ਭਰਾ ਹਨ, ਜਿਨ੍ਹਾਂ ਨੇ ਸ਼ਕੁੰਤਲਾ ਦੇ ਬੇਟੇ ਬ੍ਰਿਜੇਂਦਰ ਨਾਲ 2016 ਵਿੱਚ ਸੋਸ਼ਲ ਮੀਡੀਆ ਰਾਹੀਂ ਦੋਸਤੀ ਕੀਤੀ ਸੀ। ਕੁਝ ਦਿਨ ਗੱਲਬਾਤ ਕਰਨ ਤੋਂ ਬਾਅਦ, ਅਰੁਣ ਅਤੇ ਵਰੁਣ ਦੂਬੇ ਨੇ ਦੱਸਿਆ ਕਿ ਉਹ ਵੈਦਿਕ ਜੋਤਿਸ਼ ਦੇ ਮਹਾਨ ਵਿਦਵਾਨ ਹਨ ਅਤੇ ਕਿਸੇ ਵੀ ਸਮੱਸਿਆ ਨੂੰ ਪਲ ਵਿੱਚ ਹੱਲ ਕਰ ਸਕਦੇ ਹਨ।

ਧੋਖੇਬਾਜ਼ਾਂ ਨੇ ਇਹ ਵੀ ਦੱਸਿਆ ਕਿ ਜਿਨ੍ਹਾਂ ਸਮੱਸਿਆਵਾਂ ਦਾ ਹੱਲ ਜੋਤਿਸ਼ ਨਾਲ ਨਹੀਂ ਕੀਤਾ ਜਾ ਸਕਦਾ, ਉਨ੍ਹਾਂ ਦੇ ਗੁਰੂ ਦੰਡੀ ਸਵਾਮੀ ਉਨ੍ਹਾਂ ਨੂੰ ਤੁਰੰਤ ਠੀਕ ਕਰ ਸਕਦੇ ਹਨ। ਦੋਵੇਂ ਪੀੜਤ, ਸ਼ਕੁੰਤਲਾ ਦੇਵੀ ਅਤੇ ਉਸ ਦਾ ਪੁੱਤਰ ਵਿਜੇਂਦਰ, ਧੋਖੇਬਾਜ਼ ਭਰਾਵਾਂ ਦੇ ਜਾਲ ਵਿੱਚ ਪੈ ਗਏ ਅਤੇ ਮਹਿਸੂਸ ਕਰਨ ਲੱਗੇ ਕਿ ਉਨ੍ਹਾਂ ਦੇ ਘਰ ਵਿੱਚ ਕਿਸੇ ਭੂਤ ਦਾ ਸਾਇਆ ਹੈ। ਜਿਸਤੋਂ ਬਾਅਦ ਘਬਰਾ ਕੇ ਉਨ੍ਹਾਂ ਨੇ ਦੋਵੇਂ ਭਰਾਵਾਂ ਅਤੇ ਓਨ੍ਹਾਂ ਦੇ ਦੋਸਤ ਨੂੰ ਪੂਜਾ ਕਰਨ ਲਈ ਬੁਲਾ ਲਿਆ।

ਪੂਜਾ ਤੋਂ ਬਾਅਦ ਧੋਖੇਬਾਜ਼ ਅਰੁਣ ਦੂਬੇ ਅਤੇ ਵਰੁਣ ਦੂਬੇ ਨੇ ਸ਼ਕੁੰਤਲਾ ਦੇਵੀ ਨੂੰ ਕਿਹਾ ਕਿ ਉਸ ਨੂੰ ਦੰਡੀ ਸਵਾਮੀ ਨੂੰ ਚਿੱਠੀ ਲਿਖਣੀ ਪਵੇਗੀ, ਜਿਸ ਨਾਲ ਉਸ ਦੀਆਂ ਸਾਰੀਆਂ ਸਮੱਸਿਆਵਾਂ ਹੱਲ ਹੋ ਜਾਣਗੀਆਂ। ਪੀੜਤ ਪਰਿਵਾਰ ਨੇ ਦੰਡੀ ਸਵਾਮੀ ਨੂੰ ਪੱਤਰ ਲਿਖ ਕੇ ਆਪਣੀਆਂ ਸਮੱਸਿਆਵਾਂ ਦੱਸੀਆਂ। ਕੁਝ ਦਿਨਾਂ ਬਾਅਦ, ਦੋਵੇਂ ਭਰਾ ਦੰਡੀ ਸਵਾਮੀ ਦੀ ਚਿੱਠੀ ਲੈ ਕੇ ਪਹੁੰਚੇ, ਜੋ ਸ਼ਕੁੰਤਲਾ ਦੇਵੀ ਦੀ ਚਿੱਠੀ ਦੇ ਜਵਾਬ ਵਿੱਚ ਲਿਖਿਆ ਗਿਆ ਸੀ। ਇਸ ਪੱਤਰ ਵਿੱਚ ਦੱਸਿਆ ਗਿਆ ਸੀ ਕਿ ਉਸ ਦੇ ਕੋਲ ਜੋ ਜ਼ਮੀਨ ਹੈ ਉਸ ਵਿੱਚ 14 ਭੂਤ ਰਹਿੰਦੇ ਹਨ। ਇਸ ਕਾਰਨ ਉਸ ਦੀ ਜ਼ਿੰਦਗੀ ਵਿਚ ਮੁਸ਼ਕਲਾਂ ਆ ਰਹੀਆਂ ਹਨ।

ਸ਼ਕੁੰਤਲਾ ਨੇ ਧੋਖੇਬਾਜ਼ਾਂ ਦੀਆਂ ਗੱਲਾਂ 'ਤੇ ਵਿਸ਼ਵਾਸ ਕੀਤਾ ਅਤੇ ਇੱਕ ਤੋਂ ਬਾਅਦ ਇੱਕ ਭੂਤ ਭੱਜਾਉਣ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ। ਮੁਲਜ਼ਮਾਂ ਨੇ ਪੀੜਤ ਪਰਿਵਾਰ ਤੋਂ 14 ਭੂਤ ਕੱਢਣ ਦੇ ਨਾਂ ’ਤੇ ਕਰੀਬ 40 ਲੱਖ ਰੁਪਏ ਵਸੂਲੇ। ਦੋ ਸੱਕੇ ਭਰਾਵਾਂ ਅਰੁਣ ਦੂਬੇ ਅਤੇ ਵਰੁਣ ਦੂਬੇ ਦੇ ਨਾਲ-ਨਾਲ ਸ਼ਾਂਤੀ ਨਗਰ ਦੇ ਅੰਬੇਡਕਰ ਚੌਕ 'ਚ ਰਹਿਣ ਵਾਲਾ ਸਚਿਨ ਉਪਾਧਿਆਏ ਵੀ ਇਸ ਧੋਖਾਧੜੀ ਦਾ ਦੋਸ਼ੀ ਹੈ। ਇਹ ਤਿੰਨੇ ਮਿਲ ਕੇ ਪੀੜਤ ਪਰਿਵਾਰ ਨਾਲ ਠੱਗੀ ਮਾਰਦੇ ਰਹੇ। ਕੁਝ ਦਿਨਾਂ ਬਾਅਦ ਤਿੰਨੇ ਦੋਸ਼ੀ ਦੰਦੀ ਸਵਾਮੀ ਦੀ ਇਕ ਹੋਰ ਚਿੱਠੀ ਲੈ ਕੇ ਪੀੜਤ ਪਰਿਵਾਰ ਕੋਲ ਪਹੁੰਚੇ। ਜਿਸ ਵਿੱਚ ਉਸਨੇ ਦੱਸਿਆ ਕਿ ਸ਼ਕੁੰਤਲਾ ਦੇਵੀ ਦੇ ਕੋਲ ਇੱਕ ਹੋਰ ਘਰ ਵਿੱਚ ਸੈਂਕੜੇ ਭੂਤ ਰਹਿੰਦੇ ਹਨ। ਧੋਖੇਬਾਜ਼ਾਂ ਨੇ ਇਹ ਵੀ ਦੱਸਿਆ ਕਿ ਇਹ ਭੂਤ ਸ਼ਕੁੰਤਲਾ ਦੇ ਪਰਿਵਾਰ ਲਈ ਉਥੇ ਰਹਿ ਰਹੇ ਹਨ, ਜੇਕਰ ਉਹ ਘਰ ਦਾਨ ਕਰ ਦਿੱਤਾ ਜਾਵੇ ਤਾਂ ਪਰਿਵਾਰ ਦੇ ਸਾਰੇ ਕੰਮ ਸਫਲ ਹੋਣੇ ਸ਼ੁਰੂ ਹੋ ਜਾਣਗੇ। ਧੋਖੇਬਾਜ਼ ਭਰਾਵਾਂ ਨੇ ਇਹ ਵੀ ਕਿਹਾ ਕਿ ਭੂਤ-ਪ੍ਰੇਤ ਦੀ ਸਮੱਸਿਆ ਖਤਮ ਹੋਣ ਤੋਂ ਬਾਅਦ ਮਕਾਨ ਉਨ੍ਹਾਂ ਦੇ ਨਾਂ ਵਾਪਸ ਕਰ ਦਿੱਤਾ ਜਾਵੇਗੀ। ਪੀੜਤ ਪਰਿਵਾਰ ਨੇ ਧੋਖੇਬਾਜ਼ਾਂ ਦੇ ਝਾਂਸੇ ਵਿੱਚ ਆ ਕੇ ਆਪਣਾ ਘਰ ਦਾਨ ਕਰ ਦਿੱਤਾ। ਅਤੇ ਜਿਵੇਂ ਹੀ ਘਰ ਦਾਨ ਕਰ ਦਿੱਤਾ ਉਸਤੋਂ ਬਾਅਦ ਦੂਬੇ ਭਰਾ ਇਸ ਵਿੱਚ ਰਹਿਣ ਲੱਗ ਪਏ।

ਇਸ ਤੋਂ ਇਲਾਵਾ ਧੋਖੇਬਾਜ਼ ਦੂਬੇ ਭਰਾਵਾਂ ਨੇ ਸ਼ਕੁੰਤਲਾ ਦੇ ਪਰਿਵਾਰ ਨੂੰ ਵੀ ਛੁਪੇ ਪੈਸੇ ਮਿਲਣ ਦਾ ਲਾਲਚ ਦਿੱਤਾ। ਜਿਸ ਵਿੱਚ ਪਰਿਵਾਰ ਬੁਰੀ ਤਰ੍ਹਾਂ ਫਸ ਗਿਆ। ਅੰਧਵਿਸ਼ਵਾਸ ਵਿੱਚ ਫਸੇ ਇਸ ਪਰਿਵਾਰ ਨੂੰ ਇਸ ਗੱਲ ਦਾ ਲਾਲਚ ਦਿੱਤਾ ਗਿਆ ਕਿ ਸ਼ਕੁੰਤਲਾ ਦੇਵੀ ਦੀ ਧਰਤੀ ਦੇ ਹੇਠਾਂ ਸੈਂਕੜੇ ਟਨ ਸੋਨਾ ਅਤੇ ਚਾਂਦੀ ਹੈ, ਜਿਸ ਨੂੰ ਦੰਡੀ ਸਵਾਮੀ ਆਪਣੇ ਧਿਆਨ ਦੌਰਾਨ ਦੇਖ ਸਕਦੇ ਸਨ। ਇਹ ਪੂਜਾ ਦੁਆਰਾ ਵੀ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਇਸ ਪੂਜਾ 'ਤੇ ਕਰੀਬ 6 ਲੱਖ ਰੁਪਏ ਖਰਚ ਕੀਤੇ ਗਏ ਸਨ। ਇਸ ਤੋਂ ਇਲਾਵਾ ਇੱਕ ਸੋਨੇ ਦੀ ਮੁੰਦਰੀ ਵੀ ਦਿੱਤੀ ਗਈ, ਜਿਸ ਵਿੱਚ 90 ਹਜ਼ਾਰ ਰੁਪਏ ਦੀ ਕੀਮਤ ਦਾ ਪੁਖਰਾਜ ਪੱਥਰ ਸੀ। ਇੱਥੋਂ ਤੱਕ ਕਿ ਇਸ ਨੂੰ ਪਹਿਨਣ ਦੇ 1 ਲੱਖ 25 ਹਜ਼ਾਰ ਰੁਪਏ ਵੱਖਰੇ ਲਏ ਗਏ।

ਸ਼ਕੁੰਤਲਾ ਦੇਵੀ ਦੇ ਪਰਿਵਾਰ ਨਾਲ ਇੰਨੇ ਪੈਸੇ ਦੀ ਠੱਗੀ ਮਾਰਨ ਤੋਂ ਬਾਅਦ ਵੀ ਧੋਖੇਬਾਜ਼ ਦੂਬੇ ਭਰਾ ਸੰਤੁਸ਼ਟ ਨਹੀਂ ਹੋਏ ਅਤੇ ਦੋਸ਼ੀ ਸ਼ਕੁੰਤਲਾ ਦੇਵੀ ਦੇ ਪਰਿਵਾਰ ਨਾਲ ਠੱਗੀ ਮਾਰਨ ਤੋਂ ਨਹੀਂ ਹਟੇ। ਇਸ ਵਾਰ ਮੁਲਜ਼ਮਾਂ ਨੇ ਨੂੰਹ ਦੇ ਗਹਿਣੇ ਉਸ ਦੇ ਪੁੱਤਰ ਅਤੇ ਪਤੀ ਗੁਲਾਬਚੰਦ ਨੂੰ ਜਾਨ ਦਾ ਖਤਰਾ ਦੱਸ ਕੇ ਨੂੰਹ ਦੇ ਗਹਿਣੇ ਵਿਕਵਾ ਦਿੱਤੇ ਅਤੇ ਓਹ ਪੈਸੇ ਵੀ ਧੋਖੇਬਾਜਾਂ ਨੇ ਹੜਪ ਲਏ। ਇਸ ਤਰ੍ਹਾਂ ਧੋਖੇਬਾਜ਼ਾਂ ਨੇ ਸ਼ਕੁੰਤਲਾ ਦੇਵੀ ਦੇ ਪਰਿਵਾਰ ਨਾਲ ਇੱਕ ਕਰੋੜ ਰੁਪਏ ਤੋਂ ਵੱਧ ਦੀ ਠੱਗੀ ਮਾਰੀ ਹੈ। ਸਭ ਕੁਝ ਧੋਖੇਬਾਜਾਂ ਤੋਂ ਲੁਟਵਾਉਣ ਤੋਂ ਬਾਅਦ ਪੀੜਤ ਪਰਿਵਾਰ ਪੁਲਿਸ ਸ਼ਿਕਾਇਤ ਲੈ ਕੇ ਆਏ। ਇਹ ਮਾਮਲਾ ਜਬਲਪੁਰ ਦੇ ਗੋਰਾ ਬਾਜ਼ਾਰ ਇਲਾਕੇ ਦਾ ਹੈ। ਇਸ ਮਾਮਲੇ ਸਬੰਧੀ ਐਡਿਸ਼ਨਲ ਐਸਪੀ ਸੂਰਿਆਕਾਂਤ ਸ਼ਰਮਾ ਨੇ ਦੱਸਿਆ ਕਿ ਅਰੁਣ, ਵਰੁਣ ਅਤੇ ਸਚਿਨ ਉਪਾਧਿਆਏ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ ਦਰਜ ਕਰ ਲਿਆ ਗਿਆ ਹੈ। ਉਨ੍ਹਾਂ ਨੂੰ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ, ਕਿਉਂਕਿ ਉਹ ਜਬਲਪੁਰ ਦਾ ਰਹਿਣ ਵਾਲਾ ਹੈ ਅਤੇ ਉਸ ਦੀ ਜਾਣਕਾਰੀ ਵੀ ਹੈ। ਪੁਲੀਸ ਜਲਦੀ ਹੀ ਇਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰਕੇ ਚਲਾਨ ਪੇਸ਼ ਕਰੇਗੀ।