AJAY DEVGAN ਫਸ ਗਏ ਨਵੇਂ LEGAL ਪੰਗੇ 'ਚ, FILM 'BHOLA' ਨੂੰ ਲੈ ਕੇ ਪੈਦਾ ਹੋਇਆ ਵਿਵਾਦ

SOUTH INDIA ਦੇ ਫ਼ਿਲਮ ਨਿਰਮਾਤਾ ਪੁੱਜੇ COURT

ਮੁੰਬਈ: ਬਾਲੀਵੁੱਡ ਅਦਾਕਾਰ ਅਜੈ ਦੇਵਗਨ ਨੂੰ ਆਪਣੀ ਫ਼ਿਲਮ ‘ਭੋਲਾ’ (FILM - BHOLA) ਨਾਲ ਜੁੜੀ ਇੱਕ ਨਵੀਂ ਕਾਨੂੰਨੀ ਲੜਾਈ (LEGAL FIGHT) ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਤਮਿਲ ਫ਼ਿਲਮ ‘ਕੈਥੀ’ (TAMIL FILM CATHY) ਦੇ ਨਿਰਮਾਤਾ ਡ੍ਰੀਮ ਵਾਰੀਅਰ ਪਿਕਚਰਜ਼ ਨੇ ਬੰਬੇ ਹਾਈ ਕੋਰਟ ਦਾ ਰੁਖ ਕੀਤਾ ਹੈ। ਇਹ ਇਲਜ਼ਾਮ ਲਾਇਆ ਗਿਆ ਹੈ ਕਿ ਅਜੈ ਦੇਵਗਨ ਦੀ ਫ਼ਿਲਮ ‘ਭੋਲਾ’ (ਜੋ ‘ਕੈਥੀ’ ਦਾ ਹਿੰਦੀ ਰੀਮੇਕ ਹੈ) ਵਿਚ ਰੀਮੇਕ ਅਧਿਕਾਰਾਂ ਅਤੇ ਕਾਪੀਰਾਈਟ ਦੀ ਉਲੰਘਣਾ ਕੀਤੀ ਗਈ ਹੈ। ਨਿਰਮਾਤਾਵਾਂ ਨੇ ਦਾਅਵਾ ਕੀਤਾ ਹੈ ਕਿ ਰੀਮੇਕ ਲਈ ਦਿੱਤੀਆਂ ਗਈਆਂ ਅਸਲੀਅਤਾਂ ਤੋਂ ਵੱਧ ਬਦਲਾਅ ਕੀਤੇ ਗਏ ਅਤੇ ਅਡੈਪਟੇਸ਼ਨ ਨਾਲ ਜੁੜੇ ਇਕਰਾਰਨਾਮਿਆਂ ਦੀਆਂ ਸ਼ਰਤਾਂ ਤੋੜੀਆਂ ਗਈਆਂ ਹਨ।

ਇਸ ਮਾਮਲੇ ਵਿਚ ਡ੍ਰੀਮ ਵਾਰੀਅਰ ਪਿਕਚਰਜ਼ (DREAM WARRIOPR PICTURES) ਨੇ ਬੰਬੇ ਹਾਈ ਕੋਰਟ (BOMBAY HIGH COURT) ਵਿਚ ਪਟੀਸ਼ਨ ਦਾਇਰ ਕਰਕੇ ਫ਼ਿਲਮ ‘ਭੋਲਾ’ ਦੀ ਡਿਸਟ੍ਰੀਬਿਊਸ਼ਨ ਅਤੇ ਮੁਨਾਫ਼ਾ ਕਮਾਉਣ ਭਾਵ ਮੌਨੀਟਾਈਜ਼ੇਸ਼ਨ ’ਤੇ ਰੋਕ ਲਗਾਉਣ ਦੀ ਮੰਗ ਕੀਤੀ ਹੈ। ਇਸ ਵਿਚ ਸਟ੍ਰੀਮਿੰਗ ਪਲੇਟਫਾਰਮਾਂ ਤੋਂ ਲੈ ਕੇ ਟੈਲੀਵਿਜ਼ਨ ਪ੍ਰਸਾਰਣ ਤੱਕ ਸਭ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਬਕਾਇਆ ਭੁਗਤਾਨ ਨਾ ਕਰਨ ਦਾ ਵੀ ਇਲਜ਼ਾਮ ਲਾਇਆ ਹੈ।

‘ਬਾਰ ਐਂਡ ਬੈਂਚ’ ਅਤੇ ਹੋਰ ਰਿਪੋਰਟਾਂ ਅਨੁਸਾਰ ਇਸ ਵਿਵਾਦ ਦੀਆਂ ਜੜ੍ਹਾਂ ਫਰਵਰੀ 2020 ਵਿਚ ਰਿਲਾਇੰਸ ਗਰੁੱਪ ਦੀ ਇੱਕ ਕੰਪਨੀ ਨਾਲ ਬਣੀ ਭਾਈਵਾਲ਼ੀ ਤੱਕ ਜਾ ਕੇ ਰੁਕਦੀਆਂ ਹਨ। ਇਸ ਤੋਂ ਬਾਅਦ 29 ਮਾਰਚ 2023 ਨੂੰ ਰਿਲਾਇੰਸ ਐਂਟਰਟੇਨਮੈਂਟ ਸਟੂਡੀਓਜ਼ ਅਤੇ ‘ਕੈਥੀ’ ਨਿਰਮਾਤਾ ਕੰਪਨੀ ਵਿਚਾਲੇ ਇੱਕ ਵਿਸ਼ੇਸ਼ ‘ਰੀਮੇਕ ਰਾਈਟਸ ਅਸਾਈਨਮੈਂਟ ਐਗਰੀਮੈਂਟ’ ’ਤੇ ਦਸਤਖਤ ਹੋਏ ਸਨ। ਇਸ ਇਕਰਾਰਨਾਮੇ ਤਹਿਤ ਡ੍ਰੀਮ ਵਾਰੀਅਰ ਪਿਕਚਰਜ਼ ਨੇ ‘ਭੋਲਾ’ ਲਈ ਰੀਮੇਕ ਅਧਿਕਾਰਾਂ ਨੂੰ ਲਾਗੂ ਕੀਤਾ ਸੀ ਅਤੇ ਉਹ ਖੁਦ ਨੂੰ ਇਨ੍ਹਾਂ ਅਧਿਕਾਰਾਂ ਦਾ ਇਕਲੌਤਾ ਮਾਲਕ ਦੱਸ ਰਿਹਾ ਹੈ।

ਹੁਣ ਡ੍ਰੀਮ ਵਾਰੀਅਰ ਪਿਕਚਰਜ਼ ਵੱਲੋਂ ਇਲਜ਼ਾਮ ਲਾਇਆ ਗਿਆ ਹੈ ਕਿ ‘ਭੋਲਾ’ ਦੇ ਨਿਰਮਾਤਾਵਾਂ ਨੇ ਇਸ ਇਕਰਾਰਨਾਮੇ ਦੀਆਂ ਸੀਮਾਵਾਂ ਨੂੰ ਉਲੰਘਿਆ ਅਤੇ ਕਹਾਣੀ ਵਿਚ ਵੱਡੇ ਬਦਲਾਅ ਕਰਕੇ ਅਡੈਪਟੇਸ਼ਨ ਨਾਲ ਜੁੜੀਆਂ ਸ਼ਰਤਾਂ ਦੀ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਉਨ੍ਹਾਂ ਨੂੰ ਵਿੱਤੀ ਨੁਕਸਾਨ ਵੀ ਹੋਇਆ ਹੈ ਅਤੇ ਭੁਗਤਾਨ ਵੀ ਹਾਲ਼ੇ ਮੁਲਤਵੀ ਪਿਆ ਹੈ।

ਬੰਬੇ ਹਾਈ ਕੋਰਟ ਦੇ ਜਸਟਿਸ ਸ਼ਰਮੀਲਾ ਦੇਸ਼ਮੁਖ ਦੀ ਅਗਵਾਈ ਹੇਠਲੇ ਸਿੰਗਲ ਬੈਂਚ ਨੇ ਇਸ ਪਟੀਸ਼ਨ ’ਤੇ ਸੁਣਵਾਈ ਕੀਤੀ। ਫ਼ਿਲਮ ‘ਭੋਲਾ’ ਦੇ ਨਿਰਮਾਤਾਵਾਂ ਵੱਲੋਂ ਇੱਕ ਬੁਨਿਆਦੀ ਇਤਰਾਜ਼ ਉਠਾਇਆ ਗਿਆ ਸੀ ਕਿ ਇਸ ਮਾਮਲੇ ਲਈ ਬੰਬੇ ਹਾਈ ਕੋਰਟ ਵਿਚ ਖੇਤਰੀ ਅਧਿਕਾਰ ਖੇਤਰ ਨਹੀਂ ਹੈ। ਅਦਾਲਤ ਨੇ ਦੋਵਾਂ ਪੱਖਾਂ ਦੀਆਂ ਦਲੀਲਾਂ ਸੁਣ ਲਈਆਂ ਹਨ ਅਤੇ ਇਸ ਇਤਰਾਜ਼ ’ਤੇ ਫੈਸਲਾ ਸੁਰੱਖਿਅਤ ਰੱਖ ਲਿਆ ਹੈ। ਇਸ ਤੋਂ ਬਾਅਦ ਮੁੱਖ ਮੁੱਦੇ ’ਤੇ ਵਿਚਾਰ ਹੋਵੇਗਾ।

ਫ਼ਿਲਮ ‘ਭੋਲਾ’ 2023 ਵਿਚ ਰਿਲੀਜ਼ ਹੋਈ ਸੀ ਅਤੇ ਇਹ ਅਜੈ ਦੇਵਗਨ ਦੀ ਇੱਕ ਵੱਡੀ ਐਕਸ਼ਨ ਫ਼ਿਲਮ ਸੀ, ਜਿਸ ਵਿਚ ਉਨ੍ਹਾਂ ਨੇ ਇੱਕਲਾ ਯੋਧਾ ਵਾਲਾ ਰੋਲ ਨਿਭਾਇਆ ਸੀ। ਇਹ ਅਧਿਕਾਰਤ ਤੌਰ ’ਤੇ ‘ਕੈਥੀ’ (2019) ਦਾ ਹਿੰਦੀ ਰੀਮੇਕ ਸੀ, ਜਿਸ ਵਿਚ ਕਮਲ ਹਾਸਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਰੀਮੇਕ ਲਈ ਰਿਲਾਇੰਸ ਐਂਟਰਟੇਨਮੈਂਟ ਨੇ ਅਧਿਕਾਰ ਲਏ ਸਨ ਪਰ ਹੁਣ ਇਸ ਵਿਵਾਦ ਨੇ ਫ਼ਿਲਮ ਦੀ ਡਿਸਟ੍ਰੀਬਿਊਸ਼ਨ ਅਤੇ ਡਿਜੀਟਲ ਰਿਲੀਜ਼ ਉੱਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।

ਇਸ ਕਾਨੂੰਨੀ ਲੜਾਈ ਨੇ ਬਾਲੀਵੁੱਡ ਵਿਚ ਰੀਮੇਕ ਅਧਿਕਾਰਾਂ ਨਾਲ ਜੁੜੀਆਂ ਗੁੰਝਲਦਾਰੀਆਂ ਫਿਰ ਤੋਂ ਉਜਾਗਰ ਕੀਤੀਆਂ ਹਨ। ਡ੍ਰੀਮ ਵਾਰੀਅਰ ਪਿਕਚਰਜ਼ ਵੱਲੋਂ ਇਹ ਕਦਮ ਇਸ ਗੱਲ ਵੱਲ ਇਸ਼ਾਰਾ ਕਰਦਾ ਹੈ ਕਿ ਰੀਮੇਕ ਬਣਾਉਣ ਵਾਲਿਆਂ ਨੂੰ ਅਸਲ ਫ਼ਿਲਮ ਦੀਆਂ ਸੀਮਾਵਾਂ ਅਤੇ ਇਕਰਾਰਨਾਮਿਆਂ ਨੂੰ ਸਖ਼ਤੀ ਨਾਲ ਮੰਨਣਾ ਪੈਂਦਾ ਹੈ।

ਅਜੈ ਦੇਵਗਨ ਜਾਂ ਰਿਲਾਇੰਸ ਐਂਟਰਟੇਨਮੈਂਟ ਵੱਲੋਂ ਇਸ ਮਾਮਲੇ ’ਤੇ ਅਜੇ ਤੱਕ ਕੋਈ ਰਸਮੀ ਟਿੱਪਣੀ ਨਹੀਂ ਆਈ ਹੈ। ਅਦਾਲਤ ਵੱਲੋਂ ਅਗਲਾ ਫੈਸਲਾ ਇਸ ਵਿਵਾਦ ਨੂੰ ਨਵੀਂ ਦਿਸ਼ਾ ਦੇ ਸਕਦਾ ਹੈ। ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਫ਼ਿਲਮ ਉਦਯੋਗ ਵਿਚ ਇਕਰਾਰਨਾਮਿਆਂ ਦੀ ਪਾਲਣਾ ਅਤੇ ਅਧਿਕਾਰਾਂ ਦੀ ਰੱਖਿਆ ਲਈ ਇੱਕ ਚਿਤਾਵਨੀ ਵਜੋਂ ਵੀ ਵੇਖੀਆਂ ਜਾ ਰਹੀਆਂ ਹਨ।