ਕੈਨੇਡਾ : ਗੋਲੀਬਾਰੀ ਦੇ ਮਾਮਲੇ ਵਿਚ ਗਗਨਦੀਪ ਬਖਸ਼ੀ ਗ੍ਰਿਫ਼ਤਾਰ

ਸਰੀ : ਕੈਨੇਡਾ ਦੇ ਬੀ.ਸੀ. ਵਿਚ ਪਿਛਲੇ ਸਾਲ ਹੋਈ ਗੋਲੀਬਾਰੀ ਦੇ ਮਾਮਲੇ ਵਿਚ 21 ਸਾਲ ਦੇ ਗਗਨਦੀਪ ਬਖਸ਼ੀ ਵਿਰੁੱਧ ਦੋਸ਼ ਆਇਦ ਕੀਤੇ ਗਏ ਹਨ। ਆਰ.ਸੀ.ਐਮ.ਪੀ. ਦੇ ਸਰੀ ਪ੍ਰੋਵਿਨਸ਼ੀਅਲ ਆਪ੍ਰੇਸ਼ਨਜ਼ ਸਪੋਰਟ ਯੂਨਿਟ ਮੁਤਾਬਕ ਸਰੀ ਦੇ ਨਿਊਟਨ ਇਲਾਕੇ ਵਿਚ ਇਕ ਔਰਤ ਅਤੇ ਉਸ ਦੇ ਪਤੀ ਨੂੰ ਗੋਲੀਆਂ ਮਾਰ ਕੇ ਜ਼ਖਮੀ ਕਰ ਦਿਤਾ ਗਿਆ ਜਿਸ ਦੀ ਪੜਤਾਲ ਕਰਦਿਆਂ ਗਗਨਦੀਪ ਵਿਰੁੱਧ ਕਾਰਵਾਈ ਕੀਤੀ ਗਈ ਹੈ। ਪੜਤਾਲ ਨਤੀਜਿਆਂ ਮੁਤਾਬਕ 16 ਦਸੰਬਰ 2024 ਨੂੰ ਸ਼ਾਮ 6 ਵਜੇ ਤੋਂ ਐਨ ਪਹਿਲਾਂ ਸਰੀ ਪੁਲਿਸ ਦੇ ਫਰੰਟਲਾਈਨ ਅਫ਼ਸਰ 67 ਬੀ ਐਵੇਨਿਊ ਦੇ 12600 ਬਲਾਕ ਵਿਚ ਪੁੱਜੇ ਤਾਂ ਦੋ ਜਣੇ ਜ਼ਖਮੀ ਹਾਲਤ ਵਿਚ ਮਿਲੇ ਜਿਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ।

ਸਰੀ ਦੇ ਨਿਊਟਨ ਇਲਾਕੇ ਵਿਚ ਚੱਲੀਆਂ ਸਨ ਗੋਲੀਆਂ

ਇਸੇ ਦੌਰਾਨ 15 ਜਨਵਰੀ 2025 ਨੂੰ ਸਕੁਐਮਿਸ਼ ਦੇ ਗਗਨਦੀਪ ਸਿੰਘ ਬਖਸ਼ੀ ਨੂੰ ਗ੍ਰਿਫ਼ਤਾਰ ਕਰਦਿਆਂ 16 ਜਨਵਰੀ ਨੂੰ ਬੀ.ਸੀ. ਪ੍ਰੌਸੀਕਿਊਸ਼ਨ ਸਰਵਿਸ ਨੇ ਦੋਸ਼ ਆਇਦ ਕਰਨ ਦੀ ਪ੍ਰਵਾਨਗੀ ਦੇ ਦਿਤੀ। ਗਗਨਦੀਪ ਸਿੰਘ ਬਖ਼ਸ਼ੀ ਵਿਰੁੱਧ ਇਰਾਦਾ ਕਤਲ, ਜਾਣ ਬੁੱਝ ਕੇ ਹਥਿਆਰ ਚਲਾਉਣ, ਹਮਲਾ ਕਰਨ ਅਤੇ ਹਥਿਆਰ ਨਾਲ ਹਮਲਾ ਕਰਨ ਦੇ ਦੋਸ਼ ਲੱਗੇ। ਸਰੀ ਪ੍ਰੋਵਿਨਸ਼ੀਅਲ ਕੋਰਟ ਵਿਚ 10 ਫਰਵਰੀ ਨੂੰ ਹੋਣ ਵਾਲੀ ਸੁਣਵਾਈ ਤੱਕ ਗਗਨਦੀਪ ਸਿੰਘ ਬਖਸ਼ੀ ਜੇਲ ਵਿਚ ਰਹੇਗਾ। ਇਥੇ ਦਸਣਾ ਬਣਦਾ ਹੈ ਕਿ ਇਸ ਮਾਮਲੇ ਵਿਚ 16 ਜਨਵਰੀ ਅਤੇ 17 ਜਨਵਰੀ ਨੂੰ ਸੀਅ ਟੂ ਸਕਾਈ ਆਰ.ਸੀ.ਐਮ.ਪੀ., ਡੈਲਟਾ ਪੁਲਿਸ, ਸਰੀ ਪੁਲਿਸ ਸਰਵਿਸ ਅਤੇ ਆਈ.ਈ.ਆਰ.ਟੀ. ਦੀਆਂ ਟੀਮਾਂ ਵੱਲੋਂ ਸਰੀ, ਡੈਲਟਾ ਅਤੇ ਸਕੁਐਮਿਸ਼ਨ ਵਿਖੇ ਕਈ ਟਿਕਾਣਿਆਂ ’ਤੇ ਛਾਪੇ ਵੀ ਮਾਰੇ ਗਏ।