ਟਰੰਪ ਨੇ ਫਿਰ ਕਿਹਾ, ਦੇਸ਼ ਅਮੀਰ ਹੋ ਰਿਹੈ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਆਪਣੀ ਟੈਰਿਫ ਨੀਤੀ ਦਾ ਜ਼ੋਰਦਾਰ ਬਚਾਅ ਕਰਦੇ ਹੋਏ ਕਿਹਾ ਹੈ ਕਿ 'ਟੈਰਿਫ' ਉਨ੍ਹਾਂ ਦਾ ਅੰਗਰੇਜ਼ੀ ਸ਼ਬਦਕੋਸ਼ ਵਿੱਚ ਪਸੰਦੀਦਾ ਸ਼ਬਦ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਸ ਨੀਤੀ ਕਾਰਨ ਅਮਰੀਕਾ "ਖਰਬਾਂ ਡਾਲਰ" ਕਮਾ ਰਿਹਾ ਹੈ, ਜਿਸ ਨਾਲ ਦੇਸ਼ ਅਮੀਰ ਹੋ ਰਿਹਾ ਹੈ। ਟਰੰਪ ਦੇ ਅਨੁਸਾਰ, ਇਹ ਕਮਾਈ ਇੰਨੀ ਜ਼ਿਆਦਾ ਹੈ ਕਿ ਇਸ ਨਾਲ "ਬਹੁਤ ਸਾਰੇ ਜੰਗੀ ਜਹਾਜ਼ ਖਰੀਦੇ ਜਾ ਸਕਦੇ ਹਨ।"

ਸੁਪਰੀਮ ਕੋਰਟ ਵਿੱਚ ਟੈਰਿਫਾਂ ਦੀ ਸੁਣਵਾਈ

ਟਰੰਪ ਦੀਆਂ ਇਹ ਟਿੱਪਣੀਆਂ ਅਜਿਹੇ ਸਮੇਂ 'ਤੇ ਆਈਆਂ ਹਨ ਜਦੋਂ ਅਮਰੀਕੀ ਸੁਪਰੀਮ ਕੋਰਟ ਨਵੰਬਰ ਦੇ ਪਹਿਲੇ ਹਫ਼ਤੇ ਵਿੱਚ ਉਨ੍ਹਾਂ ਦੁਆਰਾ ਲਗਾਏ ਗਏ ਟੈਰਿਫਾਂ ਦੀ ਕਾਨੂੰਨੀਤਾ ਨੂੰ ਚੁਣੌਤੀ ਦੇਣ ਵਾਲੇ ਮਾਮਲਿਆਂ ਦੀ ਸੁਣਵਾਈ ਕਰੇਗੀ। ਕਈ ਕਾਰੋਬਾਰਾਂ ਨੇ ਟਰੰਪ ਦੀ ਐਮਰਜੈਂਸੀ ਸ਼ਕਤੀਆਂ ਦੀ ਵਰਤੋਂ ਕਰਕੇ ਟੈਰਿਫ ਲਗਾਉਣ ਦੀ ਕਾਰਵਾਈ ਨੂੰ ਗੈਰ-ਕਾਨੂੰਨੀ ਕਰਾਰ ਦਿੱਤਾ ਹੈ।

ਅਮਰੀਕੀ ਵਪਾਰ ਪ੍ਰਤੀਨਿਧੀ ਜੈਮੀਸਨ ਗ੍ਰੀਰ ਨੇ ਵੀ ਚੇਤਾਵਨੀ ਦਿੱਤੀ ਹੈ ਕਿ ਭਾਵੇਂ ਸੁਪਰੀਮ ਕੋਰਟ ਟਰੰਪ ਦੇ ਖਿਲਾਫ ਫੈਸਲਾ ਦਿੰਦੀ ਹੈ, ਫਿਰ ਵੀ ਪ੍ਰਸ਼ਾਸਨ ਟੈਰਿਫ ਲਗਾਉਣਾ ਜਾਰੀ ਰੱਖੇਗਾ। ਉਨ੍ਹਾਂ ਕਿਹਾ ਕਿ ਟੀਮ ਟਰੰਪ ਅਦਾਲਤ ਵਿੱਚ ਜਿੱਤ ਦੀ ਉਮੀਦ ਕਰਦੀ ਹੈ, ਪਰ ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ ਵੀ ਉਹ ਟੈਰਿਫ ਲਾਗੂ ਕਰਨ ਲਈ ਬਦਲਵੇਂ ਕਾਨੂੰਨੀ ਤਰੀਕੇ ਲੱਭਣਗੇ। ਗ੍ਰੀਰ ਨੇ ਜ਼ੋਰ ਦੇ ਕੇ ਕਿਹਾ ਕਿ ਟੈਰਿਫ ਹੁਣ ਉਨ੍ਹਾਂ ਦੀ "ਨੀਤੀਗਤ ਦ੍ਰਿਸ਼ ਦਾ ਇੱਕ ਹਿੱਸਾ" ਬਣ ਗਏ ਹਨ।