ਉਤਰ ਪ੍ਰਦੇਸ਼ : ਐਸਟੀਐਫ ਨੇ ਇਨਾਮੀ ਬਦਮਾਸ਼ ਮੁਕਾਬਲੇ ਵਿਚ ਕੀਤਾ ਢੇਰ

ਕੌਸ਼ੰਬੀ,27 ਜੂਨ, ਹ.ਬ. : ਉਤਰ ਪ੍ਰਦੇਸ਼ ਦੇ ਕੌਸ਼ੰਬੀ ਜ਼ਿਲ੍ਹੇ ਵਿੱਚ ਯੂਪੀ ਐਸਟੀਐਫ ਅਤੇ ਇੱਕ ਇਨਾਮੀ ਬਦਮਾਸ਼ ਵਿਚਾਲੇ ਮੁਕਾਬਲਾ ਹੋਇਆ ਹੈ। ਮੁੱਠਭੇੜ ’ਚ ਅਪਰਾਧੀ ਮਾਰਿਆ ਗਿਆ ਹੈ। ਮੁਲਜ਼ਮ ਕਤਲ ਅਤੇ ਡਕੈਤੀ ਦੇ ਕਈ ਮਾਮਲਿਆਂ ਵਿੱਚ ਲੋੜੀਂਦਾ ਸੀ। ਪੁਲਸ ਨੇ ਲਾਸ਼ ਨੂੰ ਕਬਜ਼ੇ ’ਚ ਲੈ ਕੇ ਪੋਸਟਮਾਰਟਮ ਲਈ ਰਖਵਾ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਾਣਕਾਰੀ ਮੁਤਾਬਕ ਮੰਝਨਪੁਰ ਸਥਿਤ ਸਮਦਾ ਸ਼ੂਗਰ ਮਿੱਲ ਨੇੜੇ ਯੂਪੀ ਐਸਟੀਐਫ ਨਾਲ ਮੁਕਾਬਲੇ ਵਿੱਚ ਮੁਹੰਮਦ ਗੁਫਰਾਨ ਨਾਮ ਦਾ ਇੱਕ ਅਪਰਾਧੀ ਮਾਰਿਆ ਗਿਆ ਹੈ। ਉਸ ’ਤੇ 1,25,000 ਰੁਪਏ ਦਾ ਇਨਾਮ ਸੀ। ਕੌਸ਼ਾਂਬੀ ਦੇ ਐਸਪੀ ਬ੍ਰਿਜੇਸ਼ ਸ਼੍ਰੀਵਾਸਤਵ ਨੇ ਦੱਸਿਆ ਕਿ ਮੁਕਾਬਲੇ ਵਿੱਚ ਇੱਕ ਲੋੜੀਂਦਾ ਅਪਰਾਧੀ ਮਾਰਿਆ ਗਿਆ ਹੈ। ਦੋਸ਼ੀ ਦੀ ਪਛਾਣ ਗੁਫਰਾਨ ਵਜੋਂ ਹੋਈ ਹੈ, ਜੋ ਕਤਲ ਅਤੇ ਡਕੈਤੀ ਦੇ ਕਈ ਮਾਮਲਿਆਂ ’ਚ ਲੋੜੀਂਦਾ ਸੀ।