ਆਸਟ੍ਰੇਲੀਆਈ ਬੱਲੇਬਾਜ਼ ਨੇ ਤੋੜਿਆ ਗੇਲ ਅਤੇ ਡੀਵਿਲੀਅਰਸ ਦਾ ਰਿਕਾਰਡ

ਐਡੀਲੇਡ : ਪੇਸ਼ੇਵਰ ਕ੍ਰਿਕਟ 'ਚ ਸਭ ਤੋਂ ਤੇਜ਼ ਸੈਂਕੜਾ ਲਗਾਉਣ ਦਾ ਰਿਕਾਰਡ ਕ੍ਰਿਸ ਗੇਲ ਦੇ ਨਾਂ ਸੀ। ਉਸ ਨੇ ਆਈਪੀਐਲ ਵਿੱਚ 30 ਗੇਂਦਾਂ ਵਿੱਚ ਸੈਂਕੜਾ ਲਗਾਇਆ ਸੀ। ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਏਬੀ ਡਿਵਿਲੀਅਰਸ ਨੇ 31 ਗੇਂਦਾਂ ਵਿੱਚ ਸਭ ਤੋਂ ਤੇਜ਼ ਸੈਂਕੜਾ ਲਗਾਇਆ। ਉਨ੍ਹਾਂ ਨੇ ਵਨਡੇ 'ਚ ਅਜਿਹਾ ਕੀਤਾ। ਇਹ ਲਿਸਟ ਏ ਕ੍ਰਿਕਟ 'ਚ ਸਭ ਤੋਂ ਤੇਜ਼ ਸੈਂਕੜਾ ਵੀ ਸੀ। ਪਰ ਆਸਟ੍ਰੇਲੀਆਈ ਬੱਲੇਬਾਜ਼ ਜੇਕ ਫਰੇਜ਼ਰ-ਮੈਕਗੁਰਕ ਨੇ ਕ੍ਰਿਸ ਗੇਲ ਅਤੇ ਡੀਵਿਲੀਅਰਸ ਦੋਵਾਂ ਦੇ ਰਿਕਾਰਡ ਤੋੜ ਦਿੱਤੇ ਹਨ।

ਮੈਕਗਰਕ ਨੇ 29 ਗੇਂਦਾਂ ਵਿੱਚ ਸੈਂਕੜਾ ਜੜਿਆ
ਆਸਟ੍ਰੇਲੀਆ ਦੇ ਘਰੇਲੂ ਵਨਡੇ ਟੂਰਨਾਮੈਂਟ ਮਾਰਸ਼ ਕੱਪ 'ਚ ਇਹ ਮੈਚ ਤਸਮਾਨੀਆ ਅਤੇ ਦੱਖਣੀ ਆਸਟ੍ਰੇਲੀਆ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਇਸ 'ਚ ਦੱਖਣੀ ਆਸਟ੍ਰੇਲੀਆ ਦੇ 21 ਸਾਲਾ ਬੱਲੇਬਾਜ਼ ਜੇਕ ਫਰੇਜ਼ਰ-ਮੈਕਗਰਕ ਨੇ ਸਿਰਫ 29 ਗੇਂਦਾਂ 'ਚ ਸੈਂਕੜਾ ਲਗਾਇਆ। ਇਹ ਪੇਸ਼ੇਵਰ ਕ੍ਰਿਕਟ ਇਤਿਹਾਸ ਦਾ ਸਭ ਤੋਂ ਤੇਜ਼ ਸੈਂਕੜਾ ਹੈ। ਉਸ ਨੇ ਪਹਿਲੇ ਪਾਵਰਪਲੇ ਵਿੱਚ ਹੀ ਆਪਣਾ ਸੈਂਕੜਾ ਪੂਰਾ ਕੀਤਾ। ਓਪਨਰ ਦੇ ਤੌਰ 'ਤੇ ਬੱਲੇਬਾਜ਼ੀ ਕਰਨ ਆਏ ਮੈਕਗਰਕ ਨੇ 38 ਗੇਂਦਾਂ 'ਚ 10 ਚੌਕਿਆਂ ਅਤੇ 13 ਛੱਕਿਆਂ ਦੀ ਮਦਦ ਨਾਲ 125 ਦੌੜਾਂ ਬਣਾਈਆਂ। ਉਹ ਪਾਰੀ ਦੇ 12ਵੇਂ ਓਵਰ ਵਿੱਚ ਹੀ ਆਊਟ ਹੋ ਗਏ।

Jake Fraser-McGurk has just blasted the FASTEST EVER ton in List A cricket (29 balls), surpassing AB de Villiers' record (31 balls) 🤯

Check out all the highlights now (Pt 1)👇 #MarshCup pic.twitter.com/XkSYok31LH

— Dylan Bolch (@BolchDylan) October 8, 2023