ਮੂਸੇਵਾਲਾ ਦੇ ਨਵੇਂ ਗੀਤ ਦਾ ਟੀਜ਼ਰ ਰਿਲੀਜ਼, ਰੈਪਰ stefflondon ਨਾਲ ਆ ਰਿਹਾ ਧਾਕੜ ਗੀਤ

ਮਾਨਸਾ: ਸਿੱਧੂ ਮੂਸੇਵਾਲਾ ਦਾ ਟੀਜ਼ਰ UK ਦੀ ਮਸ਼ਹੂਰ ਗਾਇਕਾ ਸਟੈਫ ਲੰਡਨ ਨੇ ਰਿਲੀਜ ਕੀਤਾ ਹੈ। ਸਟੈਫ ਲੰਡਨ ਨੇ ਲੰਘੇ ਦਿਨ ਆਪਣੇ ਇੰਸਟਾਗ੍ਰਾਮ ਉਤੇ ‘Dillema’ ਗੀਤ ਦਾ ਟੀਜ਼ਰ ਪੋਸਟ ਕਰਦਿਆਂ ਲਿਖਿਆ ਕਿ ਜੇਕਰ ਇਸ ਟੀਜ਼ਰ ਉਤੇ 1 ਲੱਖ ਕਮੈਂਟ ਆ ਗਏ ਤਾਂ ਮੈਂ ਸਿੱਧੂ ਮੂਸੇਵਾਲਾ ਗੀਤ ਰਿਲੀਜ਼ ਕਰ ਦਵਾਂਗੀ।

ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਨੂੰ ਇਸ ਫ਼ਾਨੀ ਜਹਾਨ ਤੋਂ ਗਈਆਂ ਨੂੰ 2 ਸਾਲ ਤੋਂ ਉੱਪਰ ਦਾ ਸਮਾਂ ਹੋ ਗਿਆ ਹੈ ਪਰ ਮੂਸੇਵਾਲਾ ਦਾ ਫ਼ੈਨ ਬੇਸ ਪਹਿਲਾਂ ਵਾਂਗ ਹੀ ਬਰਕਰਾਰ ਹੈ। ਜਾਂ ਕਹਿ ਲਈਏ ਕਿ ਗਾਇਕ ਦੀ ਮੌਤ ਪਿੱਛੋਂ ਪ੍ਰਸ਼ੰਸਕਾਂ ਅਤੇ ਸਰੋਤਿਆਂ ਦੀ ਗਿਣਤੀ ਵਿਚ ਵਾਧਾ ਹੀ ਹੋਇਆ ਹੈ। 29 ਮਈ 2022 ਦੇ ਉਸ ਕਾਲੇ ਦਿਨ ਤੋਂ ਬਾਅਦ ਮੂਸੇਵਾਲਾ ਦੇ 4 ਦੇ ਕਰੀਬ ਗੀਤ ਆ ਚੁੱਕੇ ਹਨ ਅਤੇ ਅਗਲਾ ਗੀਤ UK ਦੀ ਮਸ਼ਹੂਰ ਗਾਇਕਾ ਸਟੈਫ ਲੰਡਨ ਰਿਲੀਜ ਕੀਤਾ ਜਾਣਾ ਹੈ।

ਸਟੈਫ ਲੰਡਨ (stefflondon) ਨੇ ਲੰਘੇ ਦਿਨ ਆਪਣੇ ਇੰਸਟਾਗ੍ਰਾਮ ਉਤੇ ‘Dillema’ ਗੀਤ ਦਾ ਟੀਜ਼ਰ ਪੋਸਟ ਕਰਦਿਆਂ ਲਿਖਿਆ ਕਿ ਜੇਕਰ ਇਸ ਟੀਜ਼ਰ ਉਤੇ 1 ਲੱਖ ਕਮੈਂਟ ਆ ਗਏ ਤਾਂ ਮੈਂ ਸਿੱਧੂ ਮੂਸੇਵਾਲਾ ਵਾਲਾ ਗੀਤ ਰਿਲੀਜ਼ ਕਰ ਦਵਾਂਗੀ। ਕਮੈਂਟ ਤਾਂ 2 ਲੱਖ ਦੇ ਕਰੀਬ ਆ ਗਏ ਹਨ ਭਾਵ ਗੀਤ ਜਲਦ ਹੀ ਰਿਲੀਜ਼ ਕਰ ਦਿੱਤਾ ਜਾਵੇਗਾ। ਦੱਸ ਦਈਏ ਕਿ ਸਟੈਫ ਲੰਡਨ ਦੀ ਨਵੀਂ ਐਲਬਮ 28 ਜੂਨ ਨੂੰ ਰਿਲੀਜ਼ ਹੋਣੀ ਹੈ। ਐਲਬਮ ਵਿਚ ਸਿੱਧੂ ਮੂਸੇਵਾਲਾ ਨਾਲ ਵੀ ਸਟੈਫ ਲੰਡਨ ਦਾ ਇਕ ਗੀਤ ‘Dillema’ ਹੈ ਜਿਸਦਾ ਕਿ ਮੂਸੇਵਾਲਾ ਦੇ ਪ੍ਰਸ਼ੰਸਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ।