ਪੰਜਾਬ ਸ਼ਰਮਸਾਰ! 4 ਸਾਲ ਦੀ ਮਾਸੂਮ ਨਾਲ ਜਬਰ-ਜਨਾਹ!
ਮਾਮਲਾ ਪੰਜਾਬ ਦੇ ਰਾਜਪੁਰਾ ਇਲਾਕੇ ਦੇ ਇੱਕ ਪਿੰਡ ਦਾ ਦੱਸਿਆ ਜਾ ਰਿਹਾ ਹੈ ਜਿੱਥੇ ਮਾਂ ਦੀਆਂ ਅੱਖਾਂ ਦੇ ਸਾਹਮਣੇ ਉਸਦੀ 4 ਸਾਲਾਂ ਦੀ ਮਾਸੂਮ ਧੀ ਨਾਲ ਕੁਕਰਮ ਕੀਤਾ ਗਿਆ ਹੈ ਜਦੋ ਉਹ ਘਰ ਦੇ ਵਿੱਚ ਕੱਲੀ ਖੇਡ ਰਹੀ ਸੀ।
By : Makhan shah
ਰਾਜਪੁਰਾ, ਸੁਖਵੀਰ ਸਿੰਘ ਸ਼ੇਰਗਿੱਲ- ਮਾਮਲਾ ਪੰਜਾਬ ਦੇ ਰਾਜਪੁਰਾ ਇਲਾਕੇ ਦੇ ਇੱਕ ਪਿੰਡ ਦਾ ਦੱਸਿਆ ਜਾ ਰਿਹਾ ਹੈ ਜਿੱਥੇ ਮਾਂ ਦੀਆਂ ਅੱਖਾਂ ਦੇ ਸਾਹਮਣੇ ਉਸਦੀ 4 ਸਾਲਾਂ ਦੀ ਮਾਸੂਮ ਧੀ ਨਾਲ ਕੁਕਰਮ ਕੀਤਾ ਗਿਆ ਹੈ ਜਦੋ ਉਹ ਘਰ ਦੇ ਵਿੱਚ ਕੱਲੀ ਖੇਡ ਰਹੀ ਸੀ। ਦਰਅਸਲ ਨੀਤੀਸ਼ ਕੁਮਾਰ ਨਾਮਕ ਇੱਕ 18 ਸਾਲਾਂ ਦੇ ਨੌਜਵਾਨ ਦੇ ਵਲੋਂ ਮਾਸੂਮ ਆਰਤੀ(ਕਾਲਪਨਿਕ ਨਾਮ) ਨੂੰ ਆਪਣੇ ਕਮਰੇ 'ਚ ਖੇਡਣ ਦੇ ਬਹਾਨੇ ਬੁਲਾਇਆ ਤੇ ਉਸਦੇ ਨਾਲ ਬਦਫ਼ੈਲੀ ਕੀਤੀ।
ਜਦੋਂ ਉਸਦੇ ਵਲੋਂ ਇਹ ਹਰਕਤ ਕੀਤੀ ਗਈ ਉਸ ਵੇਲੇ ਬੱਚੀ ਘਰ ਦੇ ਵਿੱਚ ਕੱਲੀ ਸੀ ਤੇ ਉਸਦੇ ਮਾਤਾ ਪਿਤਾ ਘਰ ਦੇ ਲਾਗਿਓਂ ਕਰਿਆਨੇ ਦੀ ਦੁਕਾਨ ਤੋਂ ਰਾਸ਼ਨ ਲੈਣ ਗਏ ਹੋਏ ਸਨ ਤੇ ਜਦੋ ਉਹ ਵਾਪਿਸ ਆਏ ਤਾਂ ਉਹਨਾਂ ਨੇ ਦੇਖਿਆ ਕਿ ਉਹਨਾਂ ਦੀ ਧੀ ਘਰ ਦੇ ਵਿੱਚ ਮੌਜੂਦ ਨਹੀਂ ਸੀ ਤਾਂ ਉਹਨਾਂ ਨੇ ਏਧਰ ਉੱਧਰ ਲੱਭਣਾ ਸ਼ੁਰੂ ਕੀਤਾ ਤਾਂ ਉਹਨਾਂ ਨੂੰ ਨਾਲਦੇ ਘਰ ਤੋਂ ਉਹਨਾਂ ਦੀ ਬੱਚੀ ਦੀ ਚੀਕਣ ਦੀ ਆਵਾਜ਼ ਸੁਣਾਈ ਦਿੱਤੀ ਜਿਸਤੋਂ ਬਾਅਦ ਜਦੋਂ ਜਾਕੇ ਵੇਖਿਆ ਤਾਂ ਨੀਤੀਸ਼ ਨਾਮਕ ਲੜਕੇ ਦੇ ਕਮਰੇ 'ਚੋਂ ਇਹ ਆਵਾਜ਼ ਆ ਰਹੀ ਸੀ।
ਉਹਨਾਂ ਦੇ ਵਲੋਂ ਅੰਦਰੋਂ ਲੱਗੇ ਹੋਏ ਦਰਵਾਜ਼ੇ ਨੂੰ ਖੁਲਵਾਂ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਇਸ ਲੜਕੇ ਦੇ ਵਲੋਂ ਇਸਨੂੰ ਨਾ ਖੋਲਿਆ ਗਿਆ ਜਿਸਤੋਂ ਬਾਅਦ ਪੀੜਤਾ ਦੀ ਮਾਂ ਦੇ ਵਲੋਂ ਜਦੋਂ ਕਮਰੇ ਦੀ ਬਾਰੀ ਵਿੱਚ ਦੀ ਦੇਖਿਆ ਗਿਆ ਤਾਂ ਇਹ ਲੜਕਾ ਉਹਨਾਂ ਦੀ ਧੀ ਦੇ ਨਾਲ ਬਦਫ਼ੈਲੀ ਕਰ ਰਿਹਾ ਸੀ ਜਦੋਂ ਰੌਲਾ ਪਾਇਆ ਗਿਆ ਤਾਂ ਇਸ ਨੌਜਵਾਨ ਦੇ ਵਲੋਂ ਦਰਵਾਜ਼ਾ ਖੋਲ ਕੇ ਉਥੋਂ ਇਹ ਫ਼ਰਾਰ ਹੋ ਗਿਆ ਦੱਸਿਆ ਜਾ ਰਿਹਾ ਹੈ। ਪੀੜਤਾ ਨੂੰ ਹਸਪਤਾਲ ਦੇ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ ਤੇ ਪੀੜਤਾ ਦੇ ਮਾਤਾ ਦੇ ਬਿਆਨਾਂ 'ਤੇ ਮਾਮਲਾ ਵੀ ਦਰਜ ਕਰ ਲਿਆ ਗਿਆ ਹੈ ਤੇ ਪੁਲਿਸ ਦੇ ਵਲੋਂ ਛਾਪੇਮਾਰੀ ਵੀ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਸ ਖ਼ਬਰ ਦੇ ਨਸ਼ਰ ਹੋਣ ਤੋਂ ਬਾਅਦ ਇਲਾਕੇ ਦੇ ਵਿੱਚ ਲੋਕਾਂ ਵਲੋਂ ਇਸ ਬਾਰੇ ਜਾਣ ਕੇ ਹੈਰਾਨ ਤੇ ਪ੍ਰੇਸ਼ਾਨ ਹੋਇਆ ਜਾ ਰਿਹਾ ਹੈ ਤੇ ਪੁਲਿਸ ਦੇ ਕੋਲੋਂ ਇਸਦੇ ਦੋਸ਼ੀ ਨੂੰ ਕਾਬੂ ਕਰਕੇ ਸਖ਼ਤ ਸਜ਼ਾਵਾਂ ਦੇਣ ਦੀ ਮੰਗ ਵੀ ਕੀਤੀ ਜਾ ਰਹੀ ਹੈ।
