ਚੰਡੀਗੜ੍ਹ 'ਚ ਵਾਪਰਿਆ ਹਾਦਸਾ, ਮੇਅਰ ਸੌਰਭ ਜੋਸ਼ੀ ਨੇ ਤੁਰੰਤ ਕੀਤੀ ਮਦਦ

ਸਤਨਾਮ ਸਿੰਘ ਸੰਧੂ ਨੇ ਸ਼ੇਅਰ ਕੀਤੀ ਵਿਡੀਓ, ਹੋਈ ਵਾਇਰਲ

ਚੰਡੀਗੜ੍ਹ; ਚੰਡੀਗੜ੍ਹ ਦੇ ਸੇਕਟਰ–26 'ਚ ਅੱਜ ਇੱਕ ਕਾਰ ਹਾਦਸਾ ਵਾਪਰ ਗਿਆ। ਕਾਰ ਅੱਧੀ ਤੋਂ ਵੱਧ ਪਲਟੀ ਖਾ ਕੇ ਸੜਕ ਦੇ ਕੰਢੇ ਬਣੀ ਪੇਵਮੈਂਟ ਸਹਾਰੇ ਟਿਕ ਗਈ। ਉਸ ਵਿੱਚ ਕੁਝ ਔਰਤਾਂ ਤੇ ਹੋਰ ਵਿਅਕਤੀ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ ਦੋ ਔਰਤਾਂ ਜ਼ਖ਼ਮੀ ਹੋਈਆਂ।

ਉਸੇ ਵੇਲੇ ਉਥੋਂ ਚੰਡੀਗੜ੍ਹ ਦੇ ਮੇਅਰ ਸੌਰਭ ਜੋਸ਼ੀ ਵੀ ਆਪਣੀ ਕਾਰ 'ਤੇ ਲੰਘ ਰਹੇ ਸਨ। ਉਨ੍ਹਾਂ ਨੇ ਤੁਰੰਤ ਮਦਦ ਕੀਤੀ। ਇਸ ਦੀ ਵਿਡੀਓ 'ਐਕਸ' ਉਤੇ ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਚਾਂਸਲਰ ਸਤਨਾਮ ਸਿੰਘ ਸੰਧੂ ਨੇ ਸ਼ੇਅਰ ਕੀਤੀ ਹੈ, ਜੋ ਤੇਜ਼ੀ ਨਾਲ਼ ਵਾਇਰਲ ਹੋ ਰਹੀ ਹੈ।

ਇਹ ਘਟਨਾ ਅੱਜ ਦੁਪਹਿਰ ਬਾਅਦ ਵਾਪਰੀ, ਜਦੋਂ ਕਾਰ ਤੇਜ਼ ਰਫ਼ਤਾਰ ਨਾਲ਼ ਚੱਲ ਰਹੀ ਸੀ ਅਤੇ ਅਚਾਨਕ ਪਲਟ ਗਈ। ਇਹ ਬਹੁਤ ਹੀ ਰੁਝੇਵਿਆਂ ਭਰਪੂਰ ਸਕ ਹੈ ਹੈ, ਜਿੱਥੇ ਆਮ ਤੌਰ 'ਤੇ ਟ੍ਰੈਫਿਕ ਵੱਧ ਹੁੰਦਾ ਹੈ।

ਹਾਲ਼ੇ ਤੱਕ ਅਧਿਕਾਰਤ ਤੌਰ 'ਤੇ ਕਾਰਨਾਂ ਦੀ ਪੁਸ਼ਟੀ ਨਹੀਂ ਹੋਈ, ਪਰ ਮੁਢਲੀਆਂ ਰਿਪੋਰਟਾਂ ਅਨੁਸਾਰ ਇਹ ਹਾਦਸਾ ਹਾਈ ਸਪੀਡ ਜਾਂ ਅਚਾਨਕ ਬ੍ਰੇਕ ਲੱਗਣ ਕਾਰਨ ਵਾਪਰਿਆ ਹੋ ਸਕਦਾ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ ਵਿੱਚ ਵਿਖਾਈ ਦਿੰਦਾ ਹੈ ਕਿ ਕਾਰ ਪੂਰੀ ਤਰ੍ਹਾਂ ਨੁਕਸਾਨੀ ਗਈ ਅਤੇ ਇਸ ਵਿੱਚ ਫਸੇ ਲੋਕਾਂ ਨੂੰ ਬਾਹਰ ਕੱਢਣ ਵਿੱਚ ਮੁਸ਼ਕਲ ਆ ਰਹੀ ਸੀ।

ਕਾਰ ਵਿੱਚ ਕੁਝ ਔਰਤਾਂ ਅਤੇ ਹੋਰ ਵਿਅਕਤੀ ਸਵਾਰ ਸਨ। ਰਿਪੋਰਟਾਂ ਅਨੁਸਾਰ, ਇਸ ਵਿੱਚ ਦੋ ਔਰਤਾਂ ਅਤੇ ਇੱਕ ਬੱਚੀ ਵੀ ਸਵਾਰ ਸਨ। ਦੋਵੇਂ ਔਰਤਾਂ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਵੀਡੀਓ ਵਿੱਚ ਸੁਣਾਈ ਦਿੰਦਾ ਹੈ ਕਿ ਲੋਕ ਚੀਕ ਰਹੇ ਸਨ ਅਤੇ ਬੱਚੀ ਨੂੰ ਫੜਨ ਦੀ ਗੱਲ ਕਰ ਰਹੇ ਸਨ। ਜ਼ਖ਼ਮੀਆਂ ਨੂੰ ਤੁਰੰਤ ਸੈਕਟਰ-16 ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਅਤੇ ਉਹਨਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਕੋਈ ਗੰਭੀਰ ਨੁਕਸਾਨ ਤੋਂ ਬਚਾਅ ਹੀ ਰਹਿ ਗਿਆ।

ਚੰਡੀਗੜ੍ਹ ਦੇ ਮੇਅਰ ਸੌਰਭ ਜੋਸ਼ੀ ਆਪਣੀ ਨਿੱਜੀ ਕਾਰ ਵਿੱਚ ਉਸੇ ਵੇਲੇ ਉੱਥੋਂ ਲੰਘ ਰਹੇ ਸਨ। ਉਹਨਾਂ ਨੇ ਤੁਰੰਤ ਆਪਣੀ ਕਾਰ ਰੋਕੀ ਅਤੇ ਜ਼ਖ਼ਮੀਆਂ ਨੂੰ ਮੱਦਦ ਕੀਤੀ। ਮੇਅਰ ਨੇ ਆਪਣੀ ਕਾਰ ਵਿੱਚ ਜ਼ਖ਼ਮੀ ਔਰਤਾਂ ਨੂੰ ਸੈਕਟਰ-16 ਦੇ ਹਸਪਤਾਲ ਪਹੁੰਚਾਇਆ। ਵੀਡੀਓ ਵਿੱਚ ਸੁਣਾਈ ਦਿੰਦਾ ਹੈ ਕਿ ਉਹ ਆਪਣੇ ਸਾਥੀਆਂ ਨੂੰ ਹੁਕਮ ਦੇ ਰਹੇ ਸਨ ਕਿ "ਮੇਰੀ ਗਾੜੀ ਲਾਓ" ਅਤੇ "ਐੰਬੂਲੈਂਸ ਰੋਕੋ"। ਸੋਸ਼ਲ ਮੀਡੀਆ 'ਤੇ ਉਹਨਾਂ ਦੀ ਤਾਰੀਫ਼ ਹੋ ਰਹੀ ਹੈ।

ਘਟਨਾ ਸਥਾਨ 'ਤੇ ਪੁਲਿਸ ਤੁਰੰਤ ਪਹੁੰਚੀ ਅਤੇ ਟ੍ਰੈਫਿਕ ਨੂੰ ਕੰਟਰੋਲ ਕੀਤਾ। ਐੰਬੂਲੈਂਸ ਵੀ ਬੁਲਾਈ ਗਈ, ਪਰ ਮੇਅਰ ਨੇ ਪਹਿਲਾਂ ਹੀ ਜ਼ਖ਼ਮੀਆਂ ਨੂੰ ਹਸਪਤਾਲ ਭੇਜ ਦਿੱਤਾ ਸੀ। ਚੰਡੀਗੜ੍ਹ ਟ੍ਰੈਫਿਕ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਕਾਰ ਡਰਾਈਵਰ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਇਹ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਕੀ ਸੜਕ ਦੀ ਹਾਲਤ ਜਾਂ ਵਾਹਨ ਵਿੱਚ ਕੋਈ ਖਰਾਬੀ ਸੀ। ਇਸ ਘਟਨਾ ਨੇ ਸੈਕਟਰ-26 ਵਿੱਚ ਟ੍ਰੈਫਿਕ ਸੁਰੱਖਿਆ ਨੂੰ ਲੈ ਕੇ ਚਿੰਤਾ ਵਧਾ ਦਿੱਤੀ ਹੈ।