ਪੀਏਪੀ ਵਿਚ ਪਾਸਿੰਗ ਆਊਟ ਪਰੇਡ ਵਿਚ ਸ਼ਾਮਲ ਹੋਏ ਸੀਐਮ ਭਗਵੰਤ ਮਾਨ

ਜਲੰਧਰ, 22 ਸਤੰਬਰ, ਹ.ਬ. : ਜਲੰਧਰ ਵਿਖੇ ਪੀਏਪੀ ਪਾਸਿੰਗ ਆਊਟ ਪਰੇਡ ਵਿਚ ਸੀਐਮ ਭਗਵੰਤ ਮਾਨ ਸ਼ਾਮਲ ਹੋਏ। ਇਸ ਦੌਰਾਨ ਸੀਐਮ ਭਗਵੰਤ ਮਾਨ ਨੇ ਕਿਹਾ ਕਿ ਇਹ ਪਾਸਿੰਗ ਆਊਟ ਪਰੇਡ ਨਹੀਂ, ਸਗੋਂ ਉਮੀਦ ਪਰੇਡ ਹੈ। ਪੰਜਾਬ ਵਿੱਚ ਸਿਰਫ਼ ਸਿਆਸੀ ਰੈਲੀਆਂ ਹੀ ਰਹਿ ਗਈਆਂ। ਅਸਲ ਵਿੱਚ ਰੰਗਲੇ ਪੰਜਾਬ ਦਾ ਇਹ ਰੰਗ ਹੈ ਕਿ ਪੰਜਾਬ ਵਿੱਚ ਨਿਯੁਕਤੀ ਪੱਤਰ ਅਤੇ ਨਿਵੇਸ਼ ਸੰਮੇਲਨ ਹੋ ਰਹੇ ਹਨ। ਇਹ ਰੰਗਲੇ ਪੰਜਾਬ ਦਾ ਰੰਗ ਹੈ।
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ੁੱਕਰਵਾਰ ਨੂੰ ਜਲੰਧਰ ਪੀਏਪੀ ਪੁੱਜੇ ਅਤੇ ਪਾਸਿੰਗ ਆਊਟ ਪਰੇਡ ਦਾ ਨਿਰੀਖਣ ਕੀਤਾ। ਪੰਜਾਬ ਪੁਲਿਸ ਦੇ 2999 ਨਵੇਂ ਭਰਤੀ ਪੁਲਿਸ ਮੁਲਾਜ਼ਮਾਂ ਨੇ ਸਿਖਲਾਈ ਪੂਰੀ ਕਰਨ ਉਪਰੰਤ ਮੁੱਖ ਮੰਤਰੀ ਨੂੰ ਸਲਾਮੀ ਦਿੱਤੀ। ਇਸ ਦੌਰਾਨ ਮਾਨ ਨੇ ਸ਼ਹੀਦ ਏ.ਐਸ.ਆਈ ਗੁਰਦੀਪ ਸਿੰਘ ਅਤੇ ਏ.ਐਸ.ਆਈ ਬਲਬੀਰ ਸਿੰਘ ਦੇ ਪਰਿਵਾਰਾਂ ਨੂੰ ਪੰਜਾਬ ਪੁਲਿਸ ਬੀਮਾ ਯੋਜਨਾ ਤਹਿਤ 1-1 ਕਰੋੜ ਰੁਪਏ ਦਾ ਚੈੱਕ ਸੌਂਪਿਆ।
ਸੀ.ਐਮ ਮਾਨ ਨੇ ਕਿਹਾ ਕਿ ਇਹ ਪਾਸਿੰਗ ਆਊਟ ਪਰੇਡ ਨਹੀਂ, ਸਗੋਂ ਉਮੀਦ ਪਰੇਡ ਹੈ। ਪੰਜਾਬ ਵਿੱਚ ਸਿਰਫ਼ ਸਿਆਸੀ ਰੈਲੀਆਂ ਹੀ ਰਹਿ ਗਈਆਂ। ਅਸਲ ਵਿੱਚ ਰੰਗਲੇ ਪੰਜਾਬ ਦਾ ਇਹ ਰੰਗ ਹੈ ਕਿ ਪੰਜਾਬ ਵਿੱਚ ਨਿਯੁਕਤੀ ਪੱਤਰ ਅਤੇ ਨਿਵੇਸ਼ ਸੰਮੇਲਨ ਹੋ ਰਹੇ ਹਨ।

ਇਹ ਰੰਗਲੇ ਪੰਜਾਬ ਦਾ ਰੰਗ ਹੈ। ਅੱਜ ਕੁੜੀਆਂ ਦੇ ਮਾਪੇ ਖੁਸ਼ ਹੋਣਗੇ ਕਿ ਸਾਡੀਆਂ ਧੀਆਂ ਨੇ ਇੰਨੀ ਸਖ਼ਤ ਸਿਖਲਾਈ ਲਈ ਹੈ। ਜਦੋਂ 560 ਸਬ-ਇੰਸਪੈਕਟਰਾਂ ਨੂੰ ਨੌਕਰੀਆਂ ਮਿਲੀਆਂ ਤਾਂ ਪਿੰਡਾਂ ਵਿੱਚ ਢੋਲ ਵਜਾਏ ਗਏ। ਹਰ ਸਾਲ ਪੁਲਿਸ ਨੂੰ ਅਪਡੇਟ ਕਰਾਂਗੇ। ਨਿਯੁਕਤੀ ਪੱਤਰ ਹਰ ਦਸੰਬਰ ਵਿੱਚ ਉਪਲਬਧ ਹੋਣਗੇ। ਸੀਐਮ ਨੇ ਕਿਹਾ ਕਿ ਅਸੀਂ ਏਆਈ ਵਿੱਚ ਪੁਲਿਸਿੰਗ ਲਿਆ ਰਹੇ ਹਾਂ। ਗੂਗਲ ਸਾਡੇ ਨਾਲ ਸੰਪਰਕ ਵਿੱਚ ਹੈ। ਅਸੀਂ ਪੁਲਿਸ ਨੂੰ ਨੰਬਰ ਵਨ ਬਣਾਵਾਂਗੇ। ਮਾਨ ਨੇ ਕਿਹਾ ਕਿ ਹੁਣ ਨਿਯੁਕਤੀ ਪੱਤਰ ਵੰਡਣ ਦਾ ਸਮਾਂ ਹੈ। ਜੇ ਨੀਅਤ ਸਾਫ਼ ਹੋਵੇ ਤਾਂ ਰੱਬ ਸਹਾਰਾ ਦਿੰਦਾ ਹੈ। ਹੁਣ ਅਸੀਂ ਕਾਫ਼ੀ ਇੰਤਜ਼ਾਰ ਕਰ ਲਿਆ ਹੈ, ਹੁਣ ਫਲ ਖਾਣ ਦਾ ਸਮਾਂ ਹੈ।