ਈਰਾਨ ਨੇ ਹਮਲਾ ਕੀਤਾ ਤਾਂ ਕਰਾਂਗੇ ਇਜ਼ਰਾਈਲ ਦੀ ਮਦਦ: ਬਾਈਡਨ

ਵਾਸ਼ਿੰਗਟਨ, 12 ਅਪੈ੍ਰਲ, ਨਿਰਮਲ : ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡਨ ਨੇ ਈਰਾਨ ਤੋਂ ਹਮਲੇ ਦੀ ਧਮਕੀ ਦੇ ਵਿਚਕਾਰ ਇਜ਼ਰਾਈਲ ਦੀ ਸੁਰੱਖਿਆ ਦਾ ਵਾਅਦਾ ਕੀਤਾ ਹੈ। ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਜੇਕਰ ਈਰਾਨ ਹਮਲਾ ਕਰਦਾ ਹੈ ਤਾਂ ਅਮਰੀਕਾ ਇਜ਼ਰਾਈਲ ਦੀ ਰੱਖਿਆ ਲਈ ਸਭ ਕੁਝ ਕਰੇਗਾ। ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਕਿ ਅਸੀਂ ਇਜ਼ਰਾਈਲ ਲਈ ਢਾਲ ਬਣਾਂਗੇ। ਜੋਅ ਬਾਈਡਨ ਦਾ ਬਿਆਨ ਅਜਿਹੇ ਸਮੇਂ ’ਚ ਆਇਆ ਹੈ, ਜਦੋਂ ਇਕ ਦਿਨ ਪਹਿਲਾਂ ਬੁੱਧਵਾਰ ਨੂੰ ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਅਲੀ ਖਮੇਨੀ ਨੇ ਸੀਰੀਆ ’ਚ ਕੌਂਸਲੇਟ ’ਤੇ ਹੋਏ ਹਮਲੇ ਦਾ ਬਦਲਾ ਲੈਣ ਦੀ ਸਹੁੰ ਖਾਧੀ ਸੀ। ਦਮਿਸ਼ਕ ’ਚ ਹੋਏ ਹਵਾਈ ਹਮਲੇ ’ਚ ਈਰਾਨ ਦੇ ਚੋਟੀ ਦੇ ਜਨਰਲ ਅਤੇ 7 ਸੀਨੀਅਰ ਫੌਜੀ ਅਧਿਕਾਰੀ ਮਾਰੇ ਗਏ।

ਅਯਾਤੁੱਲਾ ਅਲੀ ਖਮੇਨੇਈ ਨੇ ਬੁੱਧਵਾਰ ਨੂੰ ਰਮਜ਼ਾਨ ਦੇ ਅੰਤ ਦੇ ਮੌਕੇ ’ਤੇ ਇਕ ਸੰਬੋਧਨ ’ਚ ਕਿਹਾ ਕਿ ਦਮਿਸ਼ਕ ’ਚ ਇਜ਼ਰਾਈਲ ਦਾ ਹਮਲਾ ਸਾਡੀ ਧਰਤੀ ’ਤੇ ਹਮਲੇ ਦੇ ਬਰਾਬਰ ਹੈ। ਜਦੋਂ ਉਨ੍ਹਾਂ ਨੇ ਸਾਡੇ ਵਣਜ ਦੂਤਘਰ ’ਤੇ ਹਮਲਾ ਕੀਤਾ, ਤਾਂ ਇਹ ਇਸ ਤਰ੍ਹਾਂ ਸੀ ਜਿਵੇਂ ਉਨ੍ਹਾਂ ਨੇ ਸਾਡੀ ਧਰਤੀ ’ਤੇ ਹਮਲਾ ਕੀਤਾ ਹੈ। ਇਸ ਹਮਲੇ ਨੂੰ ਅੰਜਾਮ ਦੇਣ ਵਾਲੀਆਂ ਬੁਰਾਈਆਂ ਨੂੰ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ, ਖਮੇਨੀ ਨੇ ਈਰਾਨ ਦੇ ਸਰਕਾਰੀ ਟੀਵੀ ’ਤੇ ਪ੍ਰਸਾਰਿਤ ਕੀਤੇ ਗਏ ਸੰਬੋਧਨ ਵਿੱਚ ਕਿਹਾ। ਹਾਲਾਂਕਿ, ਉਸਨੇ ਇਹ ਨਹੀਂ ਦੱਸਿਆ ਕਿ ਈਰਾਨ ਕੀ ਜਵਾਬ ਦੇਵੇਗਾ।

ਮੱਧ ਪੂਰਬ ਦੇ ਮਾਹਰਾਂ ਦਾ ਕਹਿਣਾ ਹੈ ਕਿ ਜੇਕਰ ਈਰਾਨ ਇਜ਼ਰਾਈਲ ’ਤੇ ਸਿੱਧਾ ਹਮਲਾ ਕਰਦਾ ਹੈ ਤਾਂ ਮੌਜੂਦਾ ਸੰਘਰਸ਼ ਵੱਡੇ ਖੇਤਰ ’ਚ ਫੈਲ ਸਕਦਾ ਹੈ ਅਤੇ ਈਰਾਨ ਕੋਲ ਇਜ਼ਰਾਈਲ ਦਾ ਮੁਕਾਬਲਾ ਕਰਨ ਦੀ ਫੌਜੀ ਸਮਰੱਥਾ ਨਹੀਂ ਹੈ। ਜ਼ਿਆਦਾ ਸੰਭਾਵਨਾ ਹੈ ਕਿ ਇਰਾਨ ਲੇਬਨਾਨ ਵਿੱਚ ਆਪਣੀ ਪ੍ਰੌਕਸੀ ਹਿਜ਼ਬੁੱਲਾ ਰਾਹੀਂ ਇਜ਼ਰਾਈਲ ਉੱਤੇ ਹੋਰ ਹਮਲੇ ਕਰ ਸਕਦਾ ਹੈ। ਗਾਜ਼ਾ ਵਿੱਚ ਲੜਾਈ ਸ਼ੁਰੂ ਹੋਣ ਦੇ ਬਾਅਦ ਤੋਂ ਹਿਜ਼ਬੁੱਲਾ ਇਜ਼ਰਾਇਲੀ ਸਰਹੱਦ ’ਤੇ ਲਗਾਤਾਰ ਗੋਲੀਬਾਰੀ ਕਰ ਰਿਹਾ ਹੈ।

ਮਾਹਰਾਂ ਦਾ ਮੰਨਣਾ ਹੈ ਕਿ ਹਿਜ਼ਬੁੱਲਾ, ਜਿਸ ਨੇ ਇਜ਼ਰਾਈਲੀ ਸਰਹੱਦ ਦੇ ਨੇੜੇ ਲੇਬਨਾਨ ਦੇ ਖੇਤਰਾਂ ’ਤੇ ਕਬਜ਼ਾ ਕਰ ਲਿਆ ਹੈ, ਉਸ ਕੋਲ ਲੱਖਾਂ ਰਾਕੇਟ ਅਤੇ ਮਿਜ਼ਾਈਲਾਂ ਹਨ ਜੋ ਦੱਖਣੀ ਇਜ਼ਰਾਈਲ ’ਤੇ ਹਮਲਾ ਕਰ ਸਕਦੇ ਹਨ। ਅਮਰੀਕੀ ਫੌਜ ਦੀ ਕੇਂਦਰੀ ਕਮਾਨ ਦੇ ਸਾਬਕਾ ਅਧਿਕਾਰੀ ਜੋਅ ਬੁਚੀਨੋ ਨੇ ਬੀਬੀਸੀ ਨੂੰ ਦੱਸਿਆ ਕਿ ਹਿਜ਼ਬੁੱਲਾ ਕੋਲ ਹਮਾਸ ਨਾਲੋਂ ਜ਼ਿਆਦਾ ਸਮਰੱਥਾ ਹੈ ਅਤੇ ਉਹ ਇਜ਼ਰਾਈਲ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ

ਸਿਕੰਦਰ ਸਿੰਘ ਮਲੂਕਾ ਦੇ ਨੂੰਹ-ਪੁੱਤ ਬੀਜੇਪੀ ਵਿਚ ਸ਼ਾਮਲ ਹੋ ਗਏ ਹਨ। ਦੱਸਦੇ ਚਲੀਏ ਕਿ ਅਕਾਲੀ ਦਲ ਦੀ ਸਰਕਾਰ ਵਿਚ ਮੰਤਰੀ ਰਹੇ ਸਿਕੰਦਰ ਸਿੰਘ ਮਲੂਕਾ ਦੇ ਬੇਟੇ ਗੁਰਪ੍ਰੀਤ ਮਲੁਕਾ ਅਤੇ ਸਾਬਕਾ ਆਈਏਐਸ ਨੂੰਹ ਬੀਜੇਪੀ ਵਿਚ ਸ਼ਾਮਲ ਹੋ ਗਏ ਹਨ। ਆਈਏਐਸ ਅਧਿਕਾਰੀ ਪਰਮਪਾਲ ਕੌਰ ਨੇ ਕੁਝ ਹੀ ਦਿਨ ਪਹਿਲਾਂ ਅਸਤੀਫ਼ਾ ਦਿੱਤਾ ਸੀ। ਦੂਜੇ ਪਾਸੇ ਸੀਐਮ ਭਗਵੰਤ ਮਾਨ ਦਾ ਕਹਿਣਾ ਹੈ ਕਿ ਪਰਮਪਾਲ ਦਾ ਅਸਤੀਫ਼ਾ ਹਾਲੇ ਮਨਜ਼ੂਰ ਨਹੀਂ ਹੋਇਆ।

ਲੋਕ ਸਭਾ ਚੋਣਾਂ ਵਿਚ ਉਹ ਬਠਿੰਡਾ ਤੋਂ ਬੀਜੇਪੀ ਦੀ ਉਮੀਦਵਾਰ ਹੋ ਸਕਦੀ ਹੈ। ਇੱਥੇ ਉਨ੍ਹਾਂ ਦਾ ਮੁਕਾਬਲਾ ਹਰਸਿਮਰਤ ਕੌਰ ਬਾਦਲ ਨਾਲ ਹੋਵੇਗਾ। 2015 ਵਿਚ ਹੀ ਉਨ੍ਹਾਂ ਪੀਸੀਐਸ ਤੋਂ ਆਈਏਐਸ ਕੇਡਰ ’ਤੇ ਪ੍ਰਮੋਟ ਕੀਤਾ ਗਿਆ ਸੀ। ਪੰਜਾਬ ਦੇ ਕਈ ਮਹੱਤਵਪੂਰਣ ਅਹੁਦਿਆਂ ’ਤੇ ਉਹ ਕੰਮ ਕਰ ਚੁੱਕੀ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਮਲੂਕਾ ਪਰਵਾਰ ਆਈਏਐਸ ਪਰਮਪਾਲ ਕੌਰ ਅਸਤੀਫ਼ਾ ਦੇਣ ਤੋਂ ਪਹਿਲਾਂ ਹੀ ਭਾਜਪਾ ਦੇ ਸੰਪਰਕ ਵਿਚ ਸੀ। ਭਾਜਪਾ ਪਿਛਲੇ ਕੁਝ ਸਮੇਂ ਤੋਂ ਸਿਕੰਦਰ ਸਿੰਘ ਮਲੂਕਾ ਦੇ ਪਰਵਾਰ ਨੂੰ ਬੀਜੇਪੀ ਵਿਚ ਸ਼ਾਮਲ ਕਰਨ ਲਈ ਮਨਾ ਰਹੀ ਸੀ ਹਾਲਾਂਕਿ ਸਿਕੰਦਰ ਸਿੰਘ ਮਲੂਕਾ ਖੁਦ ਬੀਜੇਪੀ ਵਿਚ ਸ਼ਾਮਲ ਨਹੀਂ ਹੋਏ।
ਇਸ ਤੋਂ ਇਲਾਵਾ ਯੂਥ ਕਾਂਗਰਸ ਦੇ ਕੌਮੀ ਬੁਲਾਰੇ ਡਾ. ਜਹਾਨਜੇਬ ਸਿਰਸਾ ਅਤੇ ਕਾਂਗਰਸ ਆਈਟੀ ਸੈਲ ਦੇ ਚੇਅਰਮੈਨ ਰਹਿ ਚੁੱਕੇ ਰੋਹਨ ਗੁਪਤਾ ਵੀ ਬੀਜੇਪੀ ਵਿਚ ਸ਼ਾਮਲ ਹੋਏ।

ਬੀਜੇਪੀ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਆਈਏਐਸ ਪਰਮਪਾਲ ਕੌਰ ਨੇ ਕਿਹਾ ਕਿ ਮੈਂ ਅਤੇ ਪਤੀ ਦੋਵੇਂ ਇਕੱਠੇ ਬੀਜੇਪੀ ਵਿਚ ਆਏ ਹਨ। ਮੇਰਾ ਕੋਈ ਸਿਆਸੀ ਕਰੀਅਰ ਨਹੀਂ ਰਿਹਾ। ਹੁਣ ਮੈਂ ਸ਼ੁਰੂਆਤ ਕਰਨ ਜਾ ਰਹੀ ਸੀ ਅਤੇ ਸਾਰੀ ਪਾਰਟੀਆਂ ਨੂੰ ਦੇਖ ਲਿਆ। ਮੈਨੂੰ ਸਭ ਤੋਂ ਚੰਗੀ ਪਾਰਟੀ ਚੁਣਨੀ ਸੀ। ਬੀਤੇ ਦਸ ਸਾਲਾਂ ਵਿਚ ਜੋ ਵਿਕਾਸ ਹੋਇਆ ਅਤੇ ਜੋ ਮਹਿਲਾਵਾਂ ਲਈ ਕੀਤਾ ਉਸ ਨੂੰ ਦੇਖ ਕੇ ਹੀ ਮੈਂ ਬੀਜੇਪੀ ਜਵਾਇਨ ਕਰਨ ਲਈ ਪ੍ਰਭਾਵਤ ਹੋਈ। ਹਰ ਫੀਲਡ ਅਤੇ ਹਰ ਵਰਗ ਵਿਚ ਬੀਜੇਪੀ ਨੇ ਵਧੀਆ ਕੰਮ ਕੀਤਾ।