ਕੋਲੰਬੀਆ ਵਿੱਚ ਭੂਚਾਲ, ਇੱਕ ਦੀ ਮੌਤ

ਬੋਗੋਟਾ : ਕੋਲੰਬੀਆ ਦੀ ਰਾਜਧਾਨੀ ਬੋਗੋਟਾ 'ਚ ਵੀਰਵਾਰ ਨੂੰ 6.3 ਤੀਬਰਤਾ ਦਾ ਭੂਚਾਲ ਆਇਆ। ਭੂਚਾਲ ਦੇ ਡਰੋਂ ਲੋਕ ਆਪਣੇ ਘਰ ਅਤੇ ਦਫਤਰ ਛੱਡ ਕੇ ਸੜਕਾਂ 'ਤੇ ਭੱਜ ਗਏ। ਇਸ ਦੌਰਾਨ ਡਿੱਗਣ ਕਾਰਨ ਇਕ ਔਰਤ ਦੀ ਮੌਤ ਹੋ ਗਈ। ਕਰੀਬ 15 ਮਿੰਟ ਬਾਅਦ ਇੱਥੇ 5.7 ਤੀਬਰਤਾ ਦਾ ਝਟਕਾ ਵੀ ਮਹਿਸੂਸ ਕੀਤਾ ਗਿਆ।

ਭੂਚਾਲ ਕਾਰਨ ਕੋਲੰਬੀਆ ਦੀ ਸੰਸਦ ਦੀ ਛੱਤ ਦਾ ਹਿੱਸਾ ਢਹਿ ਗਿਆ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਰਹੀ ਕਿ ਉਸ ਸਮੇਂ ਸੰਸਦ 'ਚ ਕੋਈ ਵੀ ਮੌਜੂਦ ਨਹੀਂ ਸੀ। ਕੋਲੰਬੀਆ ਦੇ ਕੈਲੀ ਅਤੇ ਮੇਡੇਲਿਨ ਸ਼ਹਿਰਾਂ ਵਿੱਚ ਵੀ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।