ਪੁਤਿਨ ਦੇ ਮਨਪਸੰਦ ਅਖਬਾਰ ਦੀ ਉਪ ਸੰਪਾਦਕ ਦੀ ਸ਼ੱਕੀ ਹਾਲਾਤ ਵਿਚ ਮੌਤ

ਮਾਸਕੋ, 14 ਦਸੰਬਰ, ਨਿਰਮਲ : ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਪਸੰਦੀਦਾ ਅਖਬਾਰ ਦੀ ਡਿਪਟੀ ਸੰਪਾਦਕ ਐਨਾ ਜ਼ਾਰੇਵਾ ਦੀ ਸ਼ੱਕੀ ਤੌਰ ’ਤੇ ਮੌਤ ਹੋ ਗਈ। ਐਨਾ ਜ਼ਾਰੇਵਾ, 35, ਪੁਤਿਨ ਪੱਖੀ ਅਖਬਾਰ ਕੋਮਸੋਮੋਲਸਕਾਇਆ ਪ੍ਰਵਦਾ ਦੀ ਡਿਪਟੀ ਸੰਪਾਦਕ ਦੀ ਮਾਸਕੋ ਵਿੱਚ ਆਪਣੇ ਅਪਾਰਟਮੈਂਟ ਵਿੱਚ ਮੌਤ ਹੋ ਗਈ। ਸੋਸ਼ਲ ਮੀਡੀਆ ’ਤੇ ਦਾਅਵਾ ਕੀਤਾ ਗਿਆ ਸੀ ਕਿ ਐਨਾ ਦੀ ਮੌਤ ਤੋਂ ਇਕ ਸਾਲ ਪਹਿਲਾਂ ਅਖਬਾਰ ਦੇ ਸੰਪਾਦਕ ਦੀ ਵੀ ਸ਼ੱਕੀ ਹਾਲਾਤਾਂ ’ਚ ਮੌਤ ਹੋ ਗਈ ਸੀ।

ਐਨਾ ਦੇ ਪਿਤਾ ਨੇ ਦੱਸਿਆ ਕਿ ਕੁਝ ਦਿਨਾਂ ਤੋਂ ਕੋਈ ਸੰਪਰਕ ਨਾ ਹੋਣ ਕਾਰਨ ਉਹ ਉਸ ਨੂੰ ਮਿਲਣ ਆਇਆ ਸੀ। ਘਰ ਪਹੁੰਚ ਕੇ ਉਨ੍ਹਾਂ ਨੂੰ ਐਨਾ ਦੀ ਲਾਸ਼ ਮਿਲੀ। ਉਸ ਨੇ ਕਿਹਾ ਕਿ ਅਪਾਰਟਮੈਂਟ ਵਿੱਚ ਭੰਨਤੋੜ ਦੇ ਕੋਈ ਸੰਕੇਤ ਨਹੀਂ ਹਨ ਅਤੇ ਹਿੰਸਕ ਮੌਤ ਦੇ ਕੋਈ ਸੰਕੇਤ ਨਹੀਂ ਹਨ। ਐਨਾ ਨੂੰ ਸਾਹ ਦੀ ਸਮੱਸਿਆ ਹੋ ਗਈ ਸੀ ਅਤੇ ਪਿਛਲੇ ਕੁਝ ਦਿਨਾਂ ਤੋਂ ਬੁਖਾਰ ਵੀ ਚੱਲ ਰਿਹਾ ਸੀ। ਐਨਾ ਦੀ ਮੌਤ ਦਿਲ ਬੰਦ ਹੋਣ ਕਾਰਨ ਹੋਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ।

ਪਿਛਲੇ ਸਾਲ, 68 ਸਾਲਾ ਵਲਾਦੀਮੀਰ ਸੁੰਗੋਰਕਿਨ, ਐਨਾ ਦੇ ਬੌਸ ਅਤੇ ਪੁਤਿਨ ਪੱਖੀ ਅਖਬਾਰ ਦੇ ਡਾਇਰੈਕਟਰ ਜਨਰਲ ਅਤੇ ਸੰਪਾਦਕ-ਇਨ-ਚੀਫ਼ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ। ਹਾਲਾਂਕਿ ਬਾਅਦ ’ਚ ਰਿਪੋਰਟ ’ਚ ਡਾਕਟਰਾਂ ਨੇ ਇਸ ਨੂੰ ਸ਼ੱਕੀ ਮੌਤ ਦੱਸਿਆ ਅਤੇ ਖੁਲਾਸਾ ਕੀਤਾ ਕਿ ਉਸ ਦੀ ਮੌਤ ਦਮ ਘੁੱਟਣ ਕਾਰਨ ਹੋਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਐਨਾ ਸਰੇਵਾ ਨੂੰ ਇਸ ਸਾਲ ਕੰਟੈਂਟ ਦਾ ਇੰਚਾਰਜ ਬਣਾਇਆ ਗਿਆ ਸੀ। ਕੋਮਸੋਮੋਲੇਸਕਿਆ ਵੈੱਬਸਾਈਟ ਰੂਸ ਦੀ ਸਭ ਤੋਂ ਵੱਡੀ ਨਿਊਜ਼ ਵੈੱਬਸਾਈਟ ਹੈ, ਜਿਸ ਦੇ 83.9 ਮਿਲੀਅਨ ਤੋਂ ਵੱਧ ਪਾਠਕ ਹਨ।