Stock Market: ਬਾਜ਼ਾਰ ਵਿਚ ਰਿਕਾਰਡ ਵਾਧਾ, 350 ਅੰਕ ਵਧਿਆ ਸੈਂਸੈਕਸ

Stock Market: ਬਾਜ਼ਾਰ ਵਿਚ ਰਿਕਾਰਡ ਵਾਧਾ, 350 ਅੰਕ ਵਧਿਆ ਸੈਂਸੈਕਸ

ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਘਰੇਲੂ ਸ਼ੇਅਰ ਬਾਜ਼ਾਰ 'ਚ ਹਰਿਆਲੀ ਦੇਖਣ ਨੂੰ ਮਿਲੀ। ਸੋਮਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ ਸੈਂਸੈਕਸ ਅਤੇ ਨਿਫਟੀ ਰਿਕਾਰਡ ਪੱਧਰ 'ਤੇ ਪਹੁੰਚ ਗਏ। ਇਸ ਦੌਰਾਨ ਸੈਂਸੈਕਸ 350 ਅੰਕਾਂ ਤੋਂ ਵੱਧ ਮਜ਼ਬੂਤ ਹੋਇਆ। ਦੂਜੇ ਪਾਸੇ ਨਿਫਟੀ ਨੇ ਪਹਿਲੀ ਵਾਰ 24900 ਨੂੰ ਪਾਰ ਕੀਤਾ। ਸਵੇਰੇ 9:48 ਵਜੇ, ਸੈਂਸੈਕਸ 318.88 (0.39%) ਅੰਕਾਂ ਦੇ ਵਾਧੇ ਨਾਲ 81,670.00 'ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ। ਦੂਜੇ ਪਾਸੇ ਨਿਫਟੀ 74.56 (0.30%) ਅੰਕ ਵਧ ਕੇ 24,909.40 'ਤੇ ਪਹੁੰਚ ਗਿਆ।

ਸੋਮਵਾਰ ਨੂੰ ਸਵੇਰੇ 9.15 ਵਜੇ ਸ਼ੇਅਰ ਬਾਜ਼ਾਰ 'ਚ ਕਾਰੋਬਾਰ ਸ਼ੁਰੂ ਹੋਣ ਦੇ ਨਾਲ ਹੀ ਬੀ.ਐੱਸ.ਈ. ਦਾ ਸੈਂਸੈਕਸ 81,332.72 ਦੇ ਪਿਛਲੇ ਬੰਦ ਦੇ ਮੁਕਾਬਲੇ 81,679.65 ਦੇ ਪੱਧਰ 'ਤੇ ਖੁੱਲ੍ਹਿਆ ਅਤੇ ਖੁੱਲ੍ਹਣ ਦੇ ਨਾਲ ਹੀ ਇਹ ਲਗਭਗ 400 ਅੰਕਾਂ ਦੀ ਛਾਲ ਮਾਰ ਕੇ 81,749.34 ਦੇ ਪੱਧਰ 'ਤੇ ਪਹੁੰਚ ਗਿਆ। ਜੋ ਕਿ ਇਸਦਾ ਆਲ-ਟਾਈਮ ਉੱਚ ਪੱਧਰ ਹੈ। ਕੁੱਝ ਦੇਰ ਬਾਅਦ ਸੈਂਸੈਕਸ 380 ਅੰਕਾਂ ਦੀ ਤੇਜ਼ੀ ਨਾਲ ਕਾਰੋਬਾਰ ਕਰ ਰਿਹਾ ਸੀ।

ਸੈਂਸੈਕਸ ਵਾਂਗ NSE ਨਿਫਟੀ ਵੀ ਮਜ਼ਬੂਤ ਰਫ਼ਤਾਰ ਨਾਲ ਚੱਲਦਾ ਨਜ਼ਰ ਆ ਰਿਹਾ ਹੈ। ਨਿਫਟੀ ਨੇ 126.70 ਅੰਕ ਜਾਂ 0.51 ਫੀਸਦੀ ਦੇ ਵਾਧੇ ਨਾਲ 24,961.50 ਦੇ ਪੱਧਰ 'ਤੇ ਕਾਰੋਬਾਰ ਸ਼ੁਰੂ ਕੀਤਾ। ਪਿਛਲੇ ਕਾਰੋਬਾਰੀ ਦਿਨ ਸ਼ੁੱਕਰਵਾਰ ਨੂੰ ਇਹ 24,834 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਇਸ ਤੋਂ ਬਾਅਦ ਕੁਝ ਹੀ ਮਿੰਟਾਂ 'ਚ ਇਸ ਨੇ ਵੱਡੀ ਛਾਲ ਮਾਰੀ ਅਤੇ 24,980.45 ਦੇ ਪੱਧਰ 'ਤੇ ਪਹੁੰਚ ਗਿਆ, ਜੋ ਕਿ ਨਿਫਟੀ-50 ਦਾ ਨਵਾਂ ਸਰਵਕਾਲੀ ਉੱਚ ਪੱਧਰ ਹੈ।