ਚੁਕੰਦਰ, ਕੱਚਾ ਜਾਂ ਉਬਾਲ ਕੇ ਖਾਣ ਦਾ ਸਹੀ ਤਰੀਕਾ ਕੀ ਹੈ?

ਚੁਕੰਦਰ ਇੱਕ ਪੌਸ਼ਟਿਕ ਅਤੇ ਸਿਹਤਮੰਦ ਸਬਜ਼ੀ ਹੈ, ਜੋ ਫੋਲੇਟ, ਆਇਰਨ, ਪੋਟਾਸ਼ੀਅਮ, ਮੈਗਨੀਸ਼ੀਅਮ ਅਤੇ ਵਿਟਾਮਿਨ ਸੀ ਵਰਗੇ ਤੱਤਾਂ ਨਾਲ ਭਰਪੂਰ ਹੁੰਦੀ ਹੈ। ਇਹ ਸਿਰਫ਼ ਊਰਜਾ ਹੀ ਨਹੀਂ ਦਿੰਦੀ, ਸਗੋਂ ਇਮਿਊਨਿਟੀ ਵਧਾਉਣ, ਦਿਲ ਦੀ ਸਿਹਤ ਸੁਧਾਰਣ ਅਤੇ ਭਾਰ ਘਟਾਉਣ ਵਿੱਚ ਵੀ ਮਦਦਗਾਰ ਹੈ। ਆਮ ਤੌਰ 'ਤੇ ਲੋਕ ਚੁਕੰਦਰ ਕੱਚਾ ਜਾਂ ਉਬਲਿਆ ਹੋਇਆ ਖਾਂਦੇ ਹਨ। ਆਓ ਜਾਣੀਏ, ਕਿਹੜਾ ਚੁਕੰਦਰ ਸਿਹਤ ਲਈ ਵਧੀਆ ਹੈ—ਕੱਚਾ ਜਾਂ ਪਕਾਇਆ?

ਚੁਕੰਦਰ ਦੀ ਪੌਸ਼ਟਿਕਤਾ

ਚੁਕੰਦਰ ਵਿੱਚ ਘੱਟ ਕੈਲੋਰੀ ਅਤੇ ਵੱਧ ਫਾਈਬਰ ਹੁੰਦਾ ਹੈ। ਇਸ ਵਿੱਚ ਪੋਟਾਸ਼ੀਅਮ, ਮੈਗਨੀਸ਼ੀਅਮ, ਮੈਂਗਨੀਜ਼, ਆਇਰਨ ਅਤੇ ਖਾਸ ਕਰਕੇ ਫੋਲੇਟ ਵਧੀਆ ਮਾਤਰਾ ਵਿੱਚ ਮਿਲਦੇ ਹਨ। ਫੋਲੇਟ ਸੈੱਲ ਵਾਧੂ, ਦਿਲ ਦੀ ਸਿਹਤ ਅਤੇ ਹੋਮੋਸਿਸਟੀਨ ਪੱਧਰ ਘਟਾਉਣ ਲਈ ਜ਼ਰੂਰੀ ਹੈ, ਜਿਸ ਨਾਲ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਘੱਟ ਹੁੰਦਾ ਹੈ।

ਕੱਚਾ ਚੁਕੰਦਰ: ਪੌਸ਼ਟਿਕ ਤੱਤ ਅਤੇ ਫਾਇਦੇ

100 ਗ੍ਰਾਮ ਕੱਚੇ ਚੁਕੰਦਰ ਵਿੱਚ:

ਕੈਲੋਰੀ: 43

ਕਾਰਬੋਹਾਈਡਰੇਟ: 9.6 ਗ੍ਰਾਮ

ਫਾਈਬਰ: 2.8 ਗ੍ਰਾਮ

ਖੰਡ: 6.8 ਗ੍ਰਾਮ

ਪ੍ਰੋਟੀਨ: 1.6 ਗ੍ਰਾਮ

ਵਿਟਾਮਿਨ ਸੀ: 4.9 ਮਿਲੀਗ੍ਰਾਮ

ਫੋਲੇਟ: 109 ਮਾਈਕ੍ਰੋਗ੍ਰਾਮ

ਪੋਟਾਸ਼ੀਅਮ: 325 ਮਿਲੀਗ੍ਰਾਮ

ਫਾਇਦੇ:

ਵੱਧ ਫਾਈਬਰ ਪਾਚਨ ਲਈ ਚੰਗਾ

ਐਂਟੀਆਕਸੀਡੈਂਟ (ਬੀਟਾਲੇਨ) ਸੋਜ ਘਟਾਉਣ ਅਤੇ ਸਰੀਰ ਦੀ ਰੱਖਿਆ ਲਈ

ਨਾਈਟ੍ਰੇਟ ਬਲੱਡ ਪ੍ਰੈਸ਼ਰ ਘਟਾਉਣ ਅਤੇ ਸਟੈਮਿਨਾ ਵਧਾਉਣ ਵਿੱਚ ਮਦਦਗਾਰ

ਵਧੀਆ ਵਿਟਾਮਿਨ ਸੀ ਇਮਿਊਨਿਟੀ ਅਤੇ ਚਮੜੀ ਲਈ ਲਾਭਕਾਰੀ

ਪਕਾਇਆ/ਉਬਲਿਆ ਚੁਕੰਦਰ: ਪੌਸ਼ਟਿਕ ਤੱਤ ਅਤੇ ਫਾਇਦੇ

100 ਗ੍ਰਾਮ ਪਕਾਏ ਚੁਕੰਦਰ ਵਿੱਚ:

ਕੈਲੋਰੀ: 44

ਕਾਰਬੋਹਾਈਡਰੇਟ: 10.0 ਗ੍ਰਾਮ

ਫਾਈਬਰ: 2.0 ਗ੍ਰਾਮ

ਖੰਡ: 7.0 ਗ੍ਰਾਮ

ਪ੍ਰੋਟੀਨ: 1.7 ਗ੍ਰਾਮ

ਫੋਲੇਟ: 80-100 ਮਾਈਕ੍ਰੋਗ੍ਰਾਮ

ਪੋਟਾਸ਼ੀਅਮ: 300-325 ਮਿਲੀਗ੍ਰਾਮ

ਫਾਇਦੇ:

ਪਕਣ ਨਾਲ ਫਾਈਬਰ ਨਰਮ ਹੋ ਜਾਂਦਾ, ਪਚਣ ਵਿੱਚ ਆਸਾਨ

ਖਣਿਜ (ਪੋਟਾਸ਼ੀਅਮ, ਆਇਰਨ, ਮੈਗਨੀਸ਼ੀਅਮ) ਬਰਕਰਾਰ ਰਹਿੰਦੇ

ਉਬਾਲਣ ਨਾਲ ਵੀ ਨਾਈਟ੍ਰੇਟ ਅਤੇ ਫੋਲੇਟ ਦੀ ਵਧੀਆ ਮਾਤਰਾ ਮਿਲਦੀ

ਕੁਦਰਤੀ ਮਿਠਾਸ ਵਧ ਜਾਂਦੀ

ਕਿਹੜਾ ਚੁਕੰਦਰ ਵਧੀਆ?

ਮਾਹਿਰਾਂ ਦੇ ਅਨੁਸਾਰ, ਕੱਚੇ ਚੁਕੰਦਰ ਵਿੱਚ ਪੌਸ਼ਟਿਕ ਤੱਤ, ਵਿਟਾਮਿਨ ਸੀ ਅਤੇ ਐਂਟੀਆਕਸੀਡੈਂਟ ਵੱਧ ਹੁੰਦੇ ਹਨ। ਪਰ ਪਕਾਇਆ ਚੁਕੰਦਰ ਹਲਕਾ ਅਤੇ ਪਚਣ ਵਿੱਚ ਆਸਾਨ ਹੁੰਦਾ ਹੈ। ਪਕਾਈ ਦੌਰਾਨ ਕੁਝ ਪਾਣੀ ਵਿੱਚ ਘੁਲਣਸ਼ੀਲ ਵਿਟਾਮਿਨ (ਜਿਵੇਂ ਕਿ ਫੋਲੇਟ) ਘਟ ਸਕਦੇ ਹਨ, ਪਰ ਖਣਿਜ ਅਤੇ ਨਾਈਟ੍ਰੇਟ ਅਕਸਰ ਬਰਕਰਾਰ ਰਹਿੰਦੇ ਹਨ।

ਨਤੀਜਾ:

ਜੇ ਤੁਸੀਂ ਵਧੇਰੇ ਪੌਸ਼ਟਿਕਤਾ ਚਾਹੁੰਦੇ ਹੋ, ਤਾਂ ਕੱਚਾ ਚੁਕੰਦਰ ਖਾਓ।

ਜੇ ਪਚਣ ਵਿੱਚ ਆਸਾਨੀ ਚਾਹੀਦੀ ਹੈ ਜਾਂ ਪੇਟ ਸੰਬੰਧੀ ਸਮੱਸਿਆ ਹੈ, ਤਾਂ ਪਕਾਇਆ ਜਾਂ ਉਬਲਿਆ ਚੁਕੰਦਰ ਚੁਣੋ।

ਦੋਹਾਂ ਤਰੀਕਿਆਂ ਨਾਲ ਚੁਕੰਦਰ ਸਿਹਤ ਲਈ ਲਾਭਕਾਰੀ ਹੈ। ਆਪਣੀ ਪਸੰਦ ਅਤੇ ਸਿਹਤ ਅਨੁਸਾਰ ਚੁਣੋ!