ਟਰੰਪ ਨੇ ਭਾਰਤ ਨੂੰ ਦਿੱਤਾ ਡਿਸਕਾਉਂਟ, ਭਾਰਤ ਤੇ ਕਿਨਾਂ ਲਾਇਆ ਟੈਕਸ ?

ਚੀਨ-ਪਾਕਿਸਤਾਨ ਨਾਲੋਂ ਘੱਟ ਟੈਰਿਫ਼ ਲਗਾਇਆ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟ੍ਰੰਪ ਨੇ ਬੁੱਧਵਾਰ ਨੂੰ ਵਿਦੇਸ਼ਾਂ ਤੋਂ ਆਉਣ ਵਾਲੀਆਂ ਸਭ ਵਸਤੂਆਂ ‘ਤੇ 10% ਟੈਰਿਫ਼ ਲਗਾਉਣ ਦਾ ਐਲਾਨ ਕੀਤਾ। ਟ੍ਰੰਪ ਨੇ ਇਸ ਫੈਸਲੇ ਨੂੰ ਅਮਰੀਕਾ ਦੀ ਆਰਥਿਕ ਆਜ਼ਾਦੀ ਦੀ ਘੋਸ਼ਣਾ ਦੱਸਿਆ। ਉਨ੍ਹਾਂ ਨੇ ਚੀਨ ਤੇ ਪਾਕਿਸਤਾਨ ‘ਤੇ ਹੋਰ ਵੱਧ ਸਖ਼ਤੀ ਵਿਖਾਈ। ਟ੍ਰੰਪ ਨੇ ਚੀਨ ‘ਤੇ 34%, ਬੰਗਲਾਦੇਸ਼ ‘ਤੇ 37% ਅਤੇ ਪਾਕਿਸਤਾਨ ‘ਤੇ 19% ਟੈਰਿਫ਼ ਲਗਾਉਣ ਦਾ ਐਲਾਨ ਕੀਤਾ।

ਦੂਜੇ ਪਾਸੇ, ਭਾਰਤ ‘ਤੇ 26% ਟੈਰਿਫ਼ ਲਗਾਉਣ ਦੀ ਗੱਲ ਕਹੀ ਗਈ। ਟ੍ਰੰਪ ਨੇ ਇੱਕ ਚਾਰਟ ਵੀ ਵਿਖਾਇਆ ਜਿਸ ਵਿੱਚ ਦੱਸਿਆ ਗਿਆ ਕਿ ਭਾਰਤ ਅਮਰੀਕਾ ‘ਤੇ 52% ਟੈਰਿਫ਼ ਲਗਾਉਂਦਾ ਹੈ।

ਕਿਸ ਦੇਸ਼ ‘ਤੇ ਕਿੰਨਾ ਟੈਰਿਫ਼?

ਚੀਨ – 34%

ਯੂਰਪੀ ਸੰਘ – 20%

ਦੱਖਣੀ ਕੋਰੀਆ – 25%

ਭਾਰਤ – 26%

ਵਿਅਤਨਾਮ – 46%

ਤਾਈਵਾਨ – 32%

ਜਪਾਨ – 24%

ਥਾਈਲੈਂਡ – 36%

ਸਵਿਟਜ਼ਰਲੈਂਡ – 31%

ਇੰਡੋਨੇਸ਼ੀਆ – 32%

ਮਲੇਸ਼ੀਆ – 24%

ਕੰਬੋਡੀਆ – 49%

ਯੂਕੇ – 10%

ਦੱਖਣੀ ਅਫਰੀਕਾ – 30%

ਬ੍ਰਾਜ਼ੀਲ – 10%

ਬੰਗਲਾਦੇਸ਼ – 37%

ਸਿੰਗਾਪੁਰ – 10%

ਇਜ਼ਰਾਇਲ – 17%

ਫਿਲੀਪੀਨਸ – 17%

ਚਿਲੀ – 10%

ਆਸਟਰੇਲੀਆ – 10%

ਪਾਕਿਸਤਾਨ – 29%

ਤੁਰਕੀ – 10%

ਸ਼੍ਰੀਲੰਕਾ – 44%

ਕੋਲੰਬੀਆ – 10%

ਕੈਨੇਡਾ ਤੇ ਮੈਕਸੀਕੋ ਨੂੰ ਛੂਟ

ਕੈਨੇਡਾ ਅਤੇ ਮੈਕਸੀਕੋ ‘ਤੇ ਨਵੇਂ ਸ਼ੁਲਕ ਨਹੀਂ ਲਾਗੂ ਕੀਤੇ ਗਏ। ਵ੍ਹਾਈਟ ਹਾਊਸ ਨੇ ਦੱਸਿਆ ਕਿ ਇਹ ਛੋਟ ਮੌਜੂਦਾ ਸਮਝੌਤਿਆਂ ਦੇ ਅਧਾਰ ‘ਤੇ ਦਿੱਤੀ ਗਈ ਹੈ। USMCA ਸਮਝੌਤੇ ਅਧੀਨ, ਇਨ੍ਹਾਂ ਦੇਸ਼ਾਂ ਤੋਂ ਆਉਣ ਵਾਲੀਆਂ ਵਸਤੂਆਂ ‘ਤੇ 0% ਟੈਰਿਫ਼ ਲੱਗੇਗਾ, ਜਦਕਿ ਹੋਰ ਵਸਤੂਆਂ ‘ਤੇ 25% ਟੈਰਿਫ਼ ਲਾਗੂ ਹੋਵੇਗਾ।

ਆਪਣੇ ਭਾਸ਼ਣ ਵਿੱਚ, ਡੋਨਾਲਡ ਟਰੰਪ ਨੇ ਇੱਕ ਵੱਡਾ ਐਲਾਨ ਕੀਤਾ ਅਤੇ ਕਿਹਾ ਕਿ ਅੱਜ ਤੋਂ ਆਟੋ ਸੈਕਟਰ 'ਤੇ 25 ਪ੍ਰਤੀਸ਼ਤ ਟੈਰਿਫ ਲਗਾਇਆ ਗਿਆ ਹੈ। ਹਾਲਾਂਕਿ ਉਸਨੇ ਪਹਿਲਾਂ ਹੀ ਇਸ ਟੈਰਿਫ ਦਾ ਐਲਾਨ ਕਰ ਦਿੱਤਾ ਸੀ। ਨੌਕਰੀਆਂ ਦੇ ਸੰਬੰਧ ਵਿੱਚ, ਅਮਰੀਕੀ ਰਾਸ਼ਟਰਪਤੀ ਨੇ ਕਿਹਾ ਹੈ ਕਿ ਉਹ ਅਮਰੀਕਾ ਵਿੱਚ ਫੈਕਟਰੀਆਂ ਅਤੇ ਨੌਕਰੀਆਂ ਵਾਪਸ ਲਿਆਉਣਗੇ।

ਉਨ੍ਹਾਂ ਕਿਹਾ ਕਿ ਅਮਰੀਕਾ ਨੂੰ ਲੰਬੇ ਸਮੇਂ ਤੋਂ ਵਿਦੇਸ਼ੀ ਦੇਸ਼ਾਂ ਨੇ ਲੁੱਟਿਆ ਅਤੇ ਧੋਖਾ ਦਿੱਤਾ ਹੈ। ਸਾਡੇ ਗੁਆਂਢੀ ਅਤੇ ਦੂਰ-ਦੁਰਾਡੇ ਦੇਸ਼ਾਂ ਨੇ ਸਾਡੀ ਦੌਲਤ ਲੁੱਟ ਲਈ ਹੈ। ਅਮਰੀਕੀ ਸਟੀਲ ਵਰਕਰ, ਕਿਸਾਨ ਅਤੇ ਕਾਰੀਗਰ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਸਾਡੇ ਨਾਲ ਹਨ, ਸਾਰਿਆਂ ਨੇ ਇਸ ਸਥਿਤੀ ਦਾ ਅਨੁਭਵ ਕੀਤਾ ਹੈ।

ਟ੍ਰੰਪ ਨੇ ਆਪਣੇ ਭਾਸ਼ਣ ਦੌਰਾਨ ਕਿਹਾ, “ਸਾਡਾ ਦੇਸ਼ ਲੁੱਟਿਆ ਗਿਆ ਹੈ। ਦੋਸਤਾਂ ਤੇ ਵੈਰੀਆਂ ਨੇ ਮਿਲਕੇ ਸਾਨੂੰ ਨੁਕਸਾਨ ਪਹੁੰਚਾਇਆ ਹੈ। ਹੁਣ ਅਸੀਂ ਜਵਾਬ ਦੇਵਾਂਗੇ।”