ਟੈਰਿਫ ': S ਜੈਸ਼ੰਕਰ ਨੇ ਅਮਰੀਕਾ-ਚੀਨ ਸਬੰਧਾਂ 'ਤੇ ਦਿੱਤਾ ਵੱਡਾ ਬਿਆਨ
ਉਨ੍ਹਾਂ ਕਿਹਾ ਕਿ ਅਮਰੀਕਾ ਦੀ ਵਿਦੇਸ਼ ਨੀਤੀ 'ਚ ਹੁਣ ਵੱਡਾ ਬਦਲਾਅ ਆਇਆ ਹੈ। ਟਰੰਪ ਦੀ 'MAGA' ਯੋਜਨਾ ਹੁਣ ਸਿਰਫ਼ ਨਾਅਰਾ ਨਹੀਂ ਰਹੀ, ਸਗੋਂ ਉਹ ਤਕਨਾਲੋਜੀ ਅਤੇ ਆਰਥਿਕਤਾ ਨਾਲ
By : Gill
ਨਵੀਂ ਦਿੱਲੀ : ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ 'ਕਾਰਨੇਗੀ ਗਲੋਬਲ ਟੈਕ ਸੰਮੇਲਨ 2025' ਦੌਰਾਨ ਆਲਮੀ ਤਕਨਾਲੋਜੀ, ਟਰੰਪ ਦੀ ਨੀਤੀ ਅਤੇ ਚੀਨ-ਯੂਰਪ ਦੀ ਭੂਮਿਕਾ 'ਤੇ ਸਪੱਸ਼ਟ ਰਵੱਈਏ ਨਾਲ ਆਪਣੇ ਵਿਚਾਰ ਰੱਖੇ।
ਜੈਸ਼ੰਕਰ ਨੇ ਮਜ਼ਾਕ ਵਿੱਚ ਕਿਹਾ, “ਲੋਕ ਇੱਥੇ 'ਟੀ' ਸ਼ਬਦ — ਤਕਨਾਲੋਜੀ 'ਤੇ ਚਰਚਾ ਕਰਨ ਆਏ ਹਨ, ਪਰ ਹੁਣ ਇੱਕ ਹੋਰ 'ਟੀ' ਵੀ ਲਾਜ਼ਮੀ ਹੋ ਗਿਆ ਹੈ — 'ਟੈਰਿਫ'।”
ਉਨ੍ਹਾਂ ਕਿਹਾ ਕਿ ਅਮਰੀਕਾ ਦੀ ਵਿਦੇਸ਼ ਨੀਤੀ 'ਚ ਹੁਣ ਵੱਡਾ ਬਦਲਾਅ ਆਇਆ ਹੈ। ਟਰੰਪ ਦੀ 'MAGA' ਯੋਜਨਾ ਹੁਣ ਸਿਰਫ਼ ਨਾਅਰਾ ਨਹੀਂ ਰਹੀ, ਸਗੋਂ ਉਹ ਤਕਨਾਲੋਜੀ ਅਤੇ ਆਰਥਿਕਤਾ ਨਾਲ ਡੂੰਘਾਈ ਨਾਲ ਜੁੜ ਗਈ ਹੈ। ਜੈਸ਼ੰਕਰ ਦੇ ਅਨੁਸਾਰ, "ਅਮਰੀਕਾ ਨੂੰ ਮਹਾਨ ਬਣਾਉਣ ਵਿੱਚ ਤਕਨਾਲੋਜੀ ਦੀ ਭੂਮਿਕਾ ਹੁਣ ਬਹੁਤ ਵੱਧ ਗਈ ਹੈ।"
ਚੀਨ ਦੀ ਚੁਣੌਤੀ ਤੇ ਯੂਰਪ ਦੀ ਗੁੰਝਲਦਾਰ ਸਥਿਤੀ
ਚੀਨ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਉਹ ਪਿਛਲੇ ਇੱਕ ਸਾਲ ਦੌਰਾਨ ਚੁੱਪਚਾਪ ਪਰ ਨਿਰੰਤਰ ਤਰੱਕੀ ਕਰ ਰਿਹਾ ਹੈ। ਜੈਸ਼ੰਕਰ ਨੇ ਦੱਸਿਆ ਕਿ ਭਾਰਤ ਨੇ ਅਮਰੀਕਾ ਅਤੇ ਚੀਨ ਦੋਹਾਂ ਦੇ ਸਬੰਧਾਂ ਦੇ ਵੱਖ-ਵੱਖ ਪਲ ਦੇਖੇ ਹਨ – ਕਦੇ ਤਿੱਖਾ ਟਕਰਾਅ, ਕਦੇ ਕੋਸ਼ਿਸ਼ਾਂ ਨਾਲ ਸੰਤੁਲਨ।
ਉਨ੍ਹਾਂ ਯੂਰਪ ਬਾਰੇ ਕਿਹਾ ਕਿ ਅੱਜ ਦੀ ਤਸਵੀਰ ਪੰਜ ਸਾਲ ਪਹਿਲਾਂ ਤੋਂ ਵੱਖਰੀ ਹੈ। ਅੱਜ ਯੂਰਪ ਤੇ ਅਮਰੀਕਾ, ਰੂਸ ਤੇ ਚੀਨ ਵੱਲੋਂ ਤਿੰਨ ਪਾਸਿਆਂ ਤੋਂ ਦਬਾਅ ਹੈ। ਇਹ ਦਬਾਅ ਹੌਲੀ-ਹੌਲੀ ਵਧ ਰਿਹਾ ਹੈ ਅਤੇ ਵਿਸ਼ਵ ਸਬੰਧਾਂ ਨੂੰ ਪ੍ਰਭਾਵਤ ਕਰ ਰਿਹਾ ਹੈ।
'ਸੰਭਾਵਨਾ' — ਭਾਰਤ ਦੀ ਸੋਚ
ਜੈਸ਼ੰਕਰ ਨੇ ਇਸ ਕਾਨਫਰੰਸ ਨੂੰ 'ਸੰਭਾਵਨਾ' ਦੇ ਢਾਂਚੇ ਹੇਠ ਵੇਖਦੇ ਹੋਏ ਕਿਹਾ ਕਿ ਭਾਰਤ ਬਦਲਦੇ ਹਾਲਾਤਾਂ ਨੂੰ ਚੁਣੌਤੀ ਨਹੀਂ, ਮੌਕੇ ਵਜੋਂ ਵੇਖਦਾ ਹੈ। ਉਨ੍ਹਾਂ ਦੱਸਿਆ ਕਿ ਤਕਨਾਲੋਜੀ ਅਤੇ ਟੈਰਿਫ ਇਕ ਦੂਜੇ ਨਾਲ ਡੂੰਘੇ ਤੌਰ 'ਤੇ ਜੁੜੇ ਹੋਏ ਹਨ ਅਤੇ ਅੱਜ ਦੇ ਵਿਸ਼ਵ ਵਿਚ ਇਹਨਾਂ ਦੀ ਭੂਮਿਕਾ ਸਮਝਣਾ ਜ਼ਰੂਰੀ ਹੈ।
