''ਜੇਕਰ ਭਾਰਤ ਬ੍ਰਿਕਸ ਵਿੱਚ ਹੈ, ਤਾਂ ਉਸਨੂੰ 10% ਦਾ ਟੈਰਿਫ ਭੁਗਤਾਨ ਕਰਨਾ ਪਵੇਗਾ''

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਟੈਰਿਫ ਮਾਮਲੇ 'ਚ ਭਾਰਤ ਬਾਰੇ ਵੱਡਾ ਬਿਆਨ ਦਿੱਤਾ ਹੈ। ਟਰੰਪ ਨੇ ਕਿਹਾ ਕਿ ਜੇਕਰ ਭਾਰਤ ਬ੍ਰਿਕਸ ਵਿੱਚ ਹੈ, ਤਾਂ ਉਸਨੂੰ 10% ਦਾ ਟੈਰਿਫ ਭੁਗਤਾਨ ਕਰਨਾ ਪਵੇਗਾ। ਟਰੰਪ ਨੇ ਦੋਸ਼ ਲਾਇਆ ਕਿ ਬ੍ਰਿਕਸ ਦਾ ਮਕਸਦ ਅਮਰੀਕੀ ਡਾਲਰ ਨੂੰ ਨੁਕਸਾਨ ਪਹੁੰਚਾਉਣਾ ਹੈ, ਪਰ ਉਨ੍ਹਾਂ ਨੇ ਜ਼ੋਰ ਦਿੱਤਾ ਕਿ “ਡਾਲਰ ਅਜੇ ਵੀ ਬਾਦਸ਼ਾਹ ਹੈ”। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਕੋਈ ਚੁਣੌਤੀ ਦੇਣਾ ਚਾਹੁੰਦਾ ਹੈ, ਤਾਂ ਉਸਨੂੰ ਇਸ ਦੀ ਕੀਮਤ ਚੁਕਾਉਣੀ ਪਵੇਗੀ।

#WATCH | On India, in respect of tariffs, US President Donald Trump says, "...They will certainly have to pay 10% if they are in BRICS because BRICS was set up to hurt us, to degenerate our dollar...The Dollar is king. We are going to keep it that way. If people want to challenge… pic.twitter.com/VgVF2olMPL

— ANI (@ANI) July 8, 2025

ਅਮਰੀਕਾ ਨੇ 1 ਅਗਸਤ 2025 ਤੱਕ ਟੈਰਿਫ ਲਾਗੂ ਕਰਨ ਦੀ ਮਿਆਦ ਵਧਾਈ ਹੈ। ਭਾਰਤ ਨੂੰ ਅਜੇ ਤੱਕ ਉਨ੍ਹਾਂ 14 ਦੇਸ਼ਾਂ ਦੀ ਸੂਚੀ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ, ਜਿਨ੍ਹਾਂ ਨੂੰ ਉਲਟੀਮੇਟਮ ਲੈਟਰ ਮਿਲੇ ਹਨ, ਪਰ ਟਰੰਪ ਨੇ ਸਾਫ਼ ਕੀਤਾ ਕਿ ਜੇਕਰ ਭਾਰਤ ਬ੍ਰਿਕਸ ਵਿੱਚ ਰਹਿੰਦਾ ਹੈ, ਤਾਂ ਉਸ ਉੱਤੇ ਇਹ 10% ਟੈਰਿਫ ਲਾਗੂ ਹੋਵੇਗਾ। ਇਸ ਤੋਂ ਇਲਾਵਾ, ਜੇਕਰ ਵਪਾਰਕ ਸਮਝੌਤਾ ਨਹੀਂ ਹੁੰਦਾ, ਤਾਂ ਅਮਰੀਕਾ ਵੱਲੋਂ ਵਧੇਰੇ ਟੈਰਿਫ ਲਗਾਏ ਜਾ ਸਕਦੇ ਹਨ।

ਭਾਰਤ ਅਤੇ ਅਮਰੀਕਾ ਵਿਚਾਲੇ ਟਰੇਡ ਡੀਲ ਉੱਤੇ ਗੱਲਬਾਤ ਚੱਲ ਰਹੀ ਹੈ, ਪਰ ਖੇਤੀਬਾੜੀ ਅਤੇ ਡੇਅਰੀ ਖੇਤਰ ਵਿੱਚ ਭਾਰਤ ਨੇ ਅਮਰੀਕਾ ਨੂੰ ਪੂਰੀ ਪਹੁੰਚ ਦੇਣ ਤੋਂ ਇਨਕਾਰ ਕੀਤਾ ਹੈ, ਜਿਸ ਕਰਕੇ ਕੁਝ ਮੁੱਦੇ ਅਜੇ ਵੀ ਅਣਸੁਲਝੇ ਹਨ।