ਦਾਲਾਂ, ਰਾਜਮਾ ਅਤੇ ਛੋਲਿਆਂ ਨੂੰ ਕਿੰਨੀ ਦੇਰ ਭਿਉਂ ਕੇ ਪਕਾਉਣਾ ਚਾਹੀਦੈ ?

ਦਾਲਾਂ ਅਤੇ ਬੀਨਜ਼ ਸ਼ਾਕਾਹਾਰੀਆਂ ਲਈ ਪ੍ਰੋਟੀਨ ਅਤੇ ਫਾਈਬਰ ਦਾ ਸਭ ਤੋਂ ਵਧੀਆ ਸਰੋਤ ਹਨ, ਪਰ ਕੁਝ ਲੋਕਾਂ ਨੂੰ ਇਨ੍ਹਾਂ ਨੂੰ ਖਾਣ ਤੋਂ ਬਾਅਦ ਗੈਸ ਅਤੇ ਪੇਟ ਫੁੱਲਣ ਦੀ ਸਮੱਸਿਆ ਹੁੰਦੀ ਹੈ। ਇਸ ਦਾ ਸਭ ਤੋਂ ਵਧੀਆ ਹੱਲ ਹੈ ਦਾਲਾਂ ਨੂੰ ਪਕਾਉਣ ਤੋਂ ਪਹਿਲਾਂ ਭਿੱਜੋਣਾ। ਅਜਿਹਾ ਕਰਨ ਨਾਲ ਦਾਲਾਂ ਵਿਚਲਾ ਫਾਈਬਰ ਨਰਮ ਹੋ ਜਾਂਦਾ ਹੈ ਅਤੇ ਉਹ ਆਸਾਨੀ ਨਾਲ ਹਜ਼ਮ ਹੋ ਜਾਂਦੀਆਂ ਹਨ।

ਕਿਹੜੀ ਦਾਲ ਨੂੰ ਕਿੰਨਾ ਚਿਰ ਭਿਓਂ ਕੇ ਰੱਖਣਾ ਚਾਹੀਦਾ ਹੈ:

ਛਿੱਲੀਆਂ ਹੋਈਆਂ ਦਾਲਾਂ (ਟੁੱਟੀਆਂ): ਅਰਹਰ, ਲਾਲ ਦਾਲ ਅਤੇ ਮੂੰਗੀ ਦੀ ਦਾਲ ਵਰਗੀਆਂ ਦਾਲਾਂ ਨੂੰ ਪਕਾਉਣ ਤੋਂ ਪਹਿਲਾਂ ਘੱਟੋ-ਘੱਟ 30 ਮਿੰਟਾਂ ਲਈ ਭਿਓਂ ਦਿਓ।

ਟੁੱਟੀਆਂ ਦਾਲਾਂ (ਛਿਲਕੇ ਸਮੇਤ): ਕਾਲੀ ਉੜਦ ਦੀ ਦਾਲ, ਛਿਲਕੇ ਵਾਲੀ ਮੂੰਗੀ ਦੀ ਦਾਲ ਅਤੇ ਛੋਲਿਆਂ ਦੀ ਦਾਲ ਨੂੰ ਘੱਟੋ-ਘੱਟ 2-4 ਘੰਟਿਆਂ ਲਈ ਪਾਣੀ ਵਿੱਚ ਭਿਓਂ ਕੇ ਰੱਖਣਾ ਚਾਹੀਦਾ ਹੈ। ਇਸ ਨਾਲ ਉਨ੍ਹਾਂ ਦੇ ਰੇਸ਼ੇ ਨਰਮ ਹੋ ਜਾਂਦੇ ਹਨ।

ਪੂਰੀਆਂ ਦਾਲਾਂ: ਸਾਬਤ ਮੂੰਗ, ਸਾਬਤ ਮਸੂਰ, ਸਾਬਤ ਉੜਦ ਅਤੇ ਲੋਬੀਆ ਵਰਗੀਆਂ ਪੂਰੀਆਂ ਦਾਲਾਂ ਨੂੰ ਪਕਾਉਣ ਤੋਂ ਪਹਿਲਾਂ 6-8 ਘੰਟਿਆਂ ਲਈ ਭਿੱਜੋਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਨ੍ਹਾਂ ਵਿੱਚ 'ਕੋਟਿਨ' ਨਾਮ ਦਾ ਤੱਤ ਹੁੰਦਾ ਹੈ।

ਰਾਜਮਾ ਅਤੇ ਛੋਲੇ: ਰਾਜਮਾ, ਛੋਲੇ ਅਤੇ ਕਾਲੇ ਛੋਲਿਆਂ ਵਰਗੇ ਭਾਰੀ ਫਲ਼ੀਦਾਰਾਂ ਨੂੰ ਪਕਾਉਣ ਤੋਂ ਪਹਿਲਾਂ ਰਾਤ ਭਰ ਪਾਣੀ ਵਿੱਚ ਭਿਓਂ ਕੇ ਰੱਖੋ। ਭਿੱਜਦੇ ਸਮੇਂ ਪਾਣੀ ਵਿੱਚ ਇੱਕ ਤੇਜ਼ ਪੱਤਾ, ਇੱਕ ਵੱਡੀ ਇਲਾਇਚੀ ਅਤੇ ਲੰਬੀ ਮਿਰਚ ਪਾਉਣ ਨਾਲ ਗੈਸ ਦੀ ਸਮੱਸਿਆ ਹੋਰ ਵੀ ਘੱਟ ਹੁੰਦੀ ਹੈ।

ਖਾਣਾ ਪਕਾਉਂਦੇ ਸਮੇਂ ਧਿਆਨ ਰੱਖਣ ਵਾਲੀਆਂ ਗੱਲਾਂ:

ਗੈਸ ਅਤੇ ਪੇਟ ਫੁੱਲਣ ਦੀ ਸਮੱਸਿਆ ਤੋਂ ਬਚਣ ਲਈ, ਦਾਲਾਂ, ਰਾਜਮਾ ਅਤੇ ਛੋਲਿਆਂ ਨੂੰ ਪਕਾਉਂਦੇ ਸਮੇਂ ਹਿੰਗ, ਜੀਰਾ ਅਤੇ ਅਦਰਕ ਦੀ ਵਰਤੋਂ ਕਰੋ। ਇਹ ਤੱਤ ਖਾਣੇ ਨੂੰ ਆਸਾਨੀ ਨਾਲ ਹਜ਼ਮ ਕਰਨ ਵਿੱਚ ਮਦਦ ਕਰਦੇ ਹਨ।