Trump ਦੇ ਕਤਲ ਦੀ ਸਾਜ਼ਿਸ਼ exposed !

ਮਿਨੀਆਪੌਲਿਸ/ਚਾਰਲਸਟਨ : ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਕਤਲ ਦੀ ਸਾਜ਼ਿਸ਼ ਦਾ ਪਰਦਾ ਫ਼ਾਸ਼ ਕਰਦਿਆਂ ਵੈਸਟ ਵਰਜੀਨੀਆ ਸੂਬੇ ਦੀ ਲਾਇਬ੍ਰੇਰੀਅਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜੋ ਕਥਿਤ ਤੌਰ ’ਤੇ ਟਿਕਟੌਕ ਰਾਹੀਂ ਸੰਭਾਵਤ ਕਾਤਲਾਂ ਦੀ ਭਰਤੀ ਕਰ ਰਹੀ ਸੀ। ਜੈਕਸਨ ਕਾਊਂਟੀ ਦੇ ਸ਼ੈਰਿਫ਼ ਦਫ਼ਤਰ ਮੁਤਾਬਕ ਪਹਿਲੀ ਹੈਰਾਨਕੁੰਨ ਟਿੱਪਣੀ ਬਾਰੇ ਐਤਵਾਰ ਨੂੰ ਪਤਾ ਲੱਗਾ ਅਤੇ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕਰਦਿਆਂ 39 ਸਾਲ ਦੀ ਮੌਰਗਨ ਮੌਰੋ ਦੀ ਪੈੜ ਨੱਪੀ ਜਾ ਸਕੀ।

ਵੈਸਟ ਵਰਜੀਨੀਆ ਦੀ ਮਹਿਲਾ ਗ੍ਰਿਫ਼ਤਾਰ

ਮੌਰਗਨ ਨੇ ਪੁਲਿਸ ਅੱਗੇ ਕਬੂਲ ਕੀਤਾ ਹੈ ਕਿ ਉਸ ਨੇ ਹੀ ਰਾਸ਼ਟਰਪਤੀ ਟਰੰਪ ਬਾਰੇ ਟਿਕਟੌਕ ’ਤੇ ਭੜਕਾਊ ਟਿੱਪਣੀ ਕੀਤੀ। ਦੂਜੇ ਪਾਸੇ ਮਿਨੀਆਪੌਲਿਸ ਵਿਖੇ ਇਕ ਟਾਊਨ ਹਾਲ ਦੌਰਾਨ ਅਮਰੀਕਾ ਦੀ ਸੰਸਦ ਦੇ ਹੇਠਲੇ ਸਦਨ ਦੀ ਮੈਂਬਰ ਇਲਹਾਨ ਉਮਰ ਉਤੇ ਹਮਲਾ ਹੋ ਗਿਆ ਅਤੇ ਰਾਸ਼ਟਰਪਤੀ ਟਰੰਪ ਨੇ ਦਾਅਵਾ ਕੀਤਾ ਹੈ ਕਿ ਸਾਰਾ ਡਰਾਮਾ ਇਲਹਾਨ ਨੇ ਖੁਦ ਰਚਿਆ। ਦੱਸ ਦੇਈਏ ਕਿ ਇਕੱਠ ਨੂੰ ਸੰਬੋਧਨ ਕਰਦਿਆਂ ਜਿਉਂ ਹੀ ਇਲਹਾਨ ਉਮਰ ਨੇ ਗ੍ਰਹਿ ਸੁਰੱਖਿਆ ਮੰਤਰੀ ਕ੍ਰਿਸਟੀ ਨੌਇਮ ਦੇ ਅਸਤੀਫ਼ੇ ਦੀ ਮੰਗ ਕੀਤੀ ਤਾਂ ਭੀੜ ਵਿਚ ਮੌਜੂਦ ਇਕ ਸ਼ਖਸ ਉਠ ਕੇ ਆਇਆ ਅਤੇ ਇਕ ਸਰਿੰਜ ਨਾਲ ਕਿਸੇ ਤਰਲ ਪਦਾਰਥ ਦਾ ਛਿੜਕਾਅ ਕੀਤਾ। ਸਿਰਫ਼ ਐਨਾ ਹੀ ਨਹੀਂ, ਹਮਲਾਵਰ ਹੀ ਇਲਹਾਨ ਉਮਰ ਦੇ ਅਸਤੀਫ਼ੇ ਦੀ ਮੰਗ ਕਰਨ ਲੱਗਾ। ਪੁਲਿਸ ਨੇ ਹਮਲਾਵਾਰ ਨੂੰ ਕਾਬੂ ਕਰ ਲਿਆ ਜਿਸ ਵਿਰੁੱਧ ਥਰਡ ਡਿਗਰੀ ਅਸਾਲਟ ਦੇ ਦੋਸ਼ ਆਇਦ ਕੀਤੇ ਗਏ।