ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਸਰਬਜੀਤ ਝਿੰਜਰ ਨੇ ਟਰਾਲੀ ਚੋਰਾਂ ਨੂੰ ਲਿਆ ਆੜੇ ਹੱਥੀ

ਫਤਹਿਗੜ੍ਹ ਸਾਹਿਬ : ਸ਼੍ਰੋਮਣੀ ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਸਰਬਜੀਤ ਸਿੰਘ ਝਿੰਜਰ ਨੇ ਕਿਹਾ ਕਿ ਆਪਣੀਆਂ ਹੱਕੀ ਮੰਗਾਂ ਲਈ ਸ਼ਾਂਤਮਈ ਧਰਨਾ ਦੇ ਰਹੇ ਸ਼ੰਬੂ ਅਤੇ ਖਨੌਰੀ ਬਾਰਡਰ ਤੇ ਕਿਸਾਨਾਂ ਤੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਚੰਡੀਗੜ੍ਹ ਵਿਖੇ ਧੋਖੇ ਨਾਲ ਮੀਟਿੰਗ ਲਈ ਬੁਲਾ ਕੇ ਗਿਰਫਤਾਰੀਆਂ ਪਾਉਣ ਵਰਗੇ ਤਸ਼ੱਦਦ ਢਾਹ ਕੇ ਧਰਨੇ ਨੂੰ ਖੁਦੇਡ ਕੇ ਕਿਸਾਨਾਂ ਦੇ ਕੀਮਤੀ ਸਮਾਨ ਸਮੇਤ ਚੋਰੀ ਕੀਤੀਆਂ ਗਈਆਂ ਟਰਾਲੀਆਂ ਆਖਿਰਕਾਰ ਆਮ ਆਦਮੀ ਪਾਰਟੀ ਦੇ ਲੀਡਰਾਂ ਦੇ ਘਰਾਂ, ਪਲਾਟਾਂ ਵਿੱਚੋ ਹੀ ਕਿਉਂ ਮਿਲ ਰਹੀਆਂ ਹਨ?

ਯੂਥ ਪ੍ਰਧਾਨ ਸਰਬਜੀਤ ਸਿੰਘ ਝਿੰਜਰ ਨੇ ਕਿਹਾ ਕਿ ਹੁਣ ਨਾਭਾ ਦੇ ਇਕ ਆਮ ਆਦਮੀ ਪਾਰਟੀ ਦੇ ਆਗੂ ਦੇ ਪਲਾਟ ਵਿੱਚੋ ਚੋਰੀ ਹੋਇਆ ਟਰਾਲੀਆਂ ਦਾ ਸਮਾਨ ਮਿਲਣਾ ਕੀ ਸਾਬਤ ਕਰਦਾ ਹੈ? ਸਰਬਜੀਤ ਸਿੰਘ ਝਿੰਜਰ ਨੇ ਕਿਹਾ ਕਿ ਉਹਨਾਂ ਵੱਲੋਂ ਪਹਿਲਾਂ ਵੀ ਇਹ ਮਾਮਲਾ ਉਠਾਇਆ ਗਿਆ ਸੀ ਕਿ ਧਰਨੇ ਨੂੰ ਖਦੇੜਨ ਲਈ ਆਮ ਆਦਮੀ ਪਾਰਟੀ ਦੇ ਹੀ ਆਗੂਆਂ ਵੱਲੋਂ ਸਮਾਨ ਚੁੱਕਣ ਲਈ ਟਰਾਲੀਆਂ ਭੇਜੀਆਂ ਗਈਆਂ ਤੇ ਬਾਅਦ ਵਿੱਚ ਆਮ ਆਦਮੀ ਪਾਰਟੀ ਨਾਲ ਸੰਬੰਧਿਤ ਆਗੂਆਂ ਦੇ ਘਰਾਂ ਦੇ ਸੈਡਾਂ ਵਿੱਚੋਂ ਹੀ ਬਰਾਮਦ ਹੋਈਆਂ ਸਨ ।

ਉਹਨਾਂ ਕਿਹਾ ਕਿ ਇਸ ਟਰਾਲੀ ਚੋਰ ਮਹਿਕਮੇ ਵਲੋਂ ਕਿਸ ਤਰ੍ਹਾਂ ਦਾ ਬਦਲਾ ਲਿਆਂਦਾ ਗਿਆ ਕੇ ਦੇਸ਼ ਦੇ ਅੰਨਦਾਤਾ ਕਿਸਾਨ ਦੀ ਮਦਦ ਤਾਂ ਕੀ ਕਰਨੀ ਸੀ ਸਗੋਂ ਉਹਨਾਂ ਦਾ ਸਮਾਨ ਵੀ ਚੋਰੀ ਕਰਕੇ ਲਜਾਇਆ ਗਿਆ ।